NATIONAL NEWS

Tiniyak ng Department of Agriculture (DA) na sapat ang suplay ng bigas at karne sa bansa ngayong holiday season.

Ibinase ito supply outlook na ibinigay ng national rice program ng DA kung saan sinasabing may pagtaas sa lokal na produksyon ng palay.

Maliban sa bigas, tiniyak din ng livestock group ng DA na sapat ang suplay ng mga lokal na manok at baboy.

Batay sa datos ng Philippine food supply, demand, and sufficiency outlook ng DA para sa taong 2022, ang kabuuang supply ng broiler ngayong taon ay 1.82-M metric tons kung saan 1.65-M mt ay locally produced.

Dahil sa tala, asahan na ang pagkakaroon ng masaganang supply na tatagal hanggang sa unang bahagi ng 2023.

Bumangong lumalaban sa buhay ang mga lungsod ng Cagayan de Oro (CDO) at Naga mula sa mga hamong dinanas at ngayo’y patungo na sa direksyon nang pagtataguyod ng resilient systems para maging matagumpay laban sa mga sakuna mula sa pagiging biktima ng mga ito.

Hindi na rin lingid sa kaalaman ng lahat na regular nang nakakaranas ng mga masasamang panahon at maging lindol ang CDO at naga lalo pat kapwa matatagpuan ang mga nasabing lungsod sa Cagayan River basin at Bicol River basin sa kabila ito ng magagandang white sand beaches at mayamang kasaysayan at kultura ng mga ito.

Subalit tila nag iba ang ihip ng hangin nang ilagay ng National Resilience Council (NRC) ang CDO at Naga City sa ilalim ng ‘adopt a city program’ na nagbukas ng mga oportunidad sa mga naturang LGU’s para makipag partner sa pribadong sektor.

Nakipagsanib puwersa ang CDO at Naga City sa SM Prime Holdings Incorporated, isa sa mga nangungunang property developer sa Southeast Asia na committed sa pagkakaloob ng ligtas at sustainable spaces para sa stakeholders nito.

Binigyang-diin ni Hans Sy, SM Prime Chairman ng Executive Committee at Concurrent Co-Chair for the Private Sector ng NRC na mahalaga sa kanila ang nasabing partnership lalo pa’t naka-focus sila sa sustainability at disaster resilience.

Ang adopt a city program ng NRC ay isang City Specific Partnership Model na tumutugon sa commitment ng Pilipinas sa ilalim ng Sendai Framework for Disaster Risk Reduction, advancement ng sustainable development goals, mga kasunduan sa isyu ng climate at ng new urban agenda.

Sa ilalim ng nasabing programa tinatapatan ng NRC ang resources ng partners nito tulad ng scientific knowledge, tehcnology, funding, services, equipment at logistics sa strategic needs ng LGU’s na sumasalailalim sa resilient LGU program ang tatlong taong programa ng NRC kung saan pinagsama ang science and technology at leadership and governance.

Cagayan de Oro – ang kaliwanagan matapos ang bagyong Sendong!

Sa gitna ng matinding danyos na sinapit mula sa bagyong Sendong nuong 2011 pinili ng Cagayan de Oro City na harapin ang hamon ng mga sakunang ito sa pamamagitan nang pagpapalakas sa Disaster Risk Management System gayundin ang resettlement program, pag-redefine sa health and education governance at pangasiwaan ng maayos ang solid waste at water resources.

Naisaayos ng city government ang tirahan ng survivor’s ng bagyong Sendong at sa katunayan ay nai-award pa sa mga ito ang titulo ng lupa para matiyak ang security of tenure ng mga apektadong pamilya.

Katapat naman ito ng mga programa para masiguro ang maayos na kalusugan ng mga residente habang ini-upgrade ng LGU ang mga pangunahing health facilities nito at binuksan ang sariling Center for Emerging and Re-Emerging Infectious Diseases upang mahigpit na ma monitor at malabasan ang mga nakamamatay na sakit.

Naging priority rin ng Cagayan de Oro City ang education and environmental programs sa pamamagitan ng konstruksyon ng mga school building, pag-upgrade sa TechVoc Institute gayundin ang pag-i-invest ng halos 153 million pesos sa mga gamit at training.

Ang CDO ay isa rin sa mga naunang nagpatupad ng ban sa paggamit ng plastics at pagko-convert sa isang lumang basurahan bilang Eco Park.

Bukod sa water lab, inilunsad din ng CDO City government ang project Lunhaw, isang climate adaptation program at Hapsay Sapa Waterways Management Project, isang model waterways rehabilitation project na nakatanggap na ng Asian townscapes award mula sa United Nations Human Settlements Program (UN habitat).

Naga City: ang pakikibaka sa bagyo at pandemya

Hindi rin nakaligtas sa hagupit ng bagyong Tisoy nuong December 2019 ang Naga City matapos isailalim sa state of calamity nang makapagtala ng matinding dnyos sa agrikultura, livestock at fisheries na umaabot sa milyung milyong piso.

At habang nagre-recover ang Naga City at iba pang lugar na naapektuhan ng bagyong Tisoy kidineklara naman ng World Health Organization (WHO) ang COVID-19 pandemic.

Samantalang bumubuo ng mga strategy para sa agarang pagbalik ng Metro Manila residents sa kani kanilang home provinces kaagad namang isinulong ni Naga City Mayor Nelson Legacion ang response strategy na kinabibilangan ng economic-recovery para matiyak ang kinakailangang ayuda sa pamamagitan ng formal at non-formal financing channels para sa mga maliliit na negosyo at masiguro ang kabuhayan ng mga tao at makatulong sa local economy.

Kumilos na ang Naga City government para tutukan ang mga solusyon, paigtingin ang metrics at mga paraan para kakaagapay sa mga hamong may kinalaman sa pandemya.

Kabilang dito ang pag operate ng sarili nitong molecular laboratory para sa local testing at pagkakaloob ng business stimulus loans PSA micro at small businesses na makakatulong sa Naga City na mabuhay sa gitna ng pandemya habang mahigpit na nakatuon sa pagsigla muli ng ekonomiya at tulad ng CDO, higit itong nag-invest sa health systems at resilient centers.

CDO at Naga: agsusulong ng mas maganda, maayos at maliwanag na kinabukasan

Matapos ang dalawang taong intervention ng NRC at Sm Prime nakausad na kapwa ang Naga City at Cagayan de Oro City sa huling yugto ng three phased ‘Adopt a City Program’ at ngayo’y nasa transition na ng year 3 transform phase matapos maabot ang mga layunin para sa prepare and adapt phases.

Sinabi ni Hans Sy, SM Prime Chairman ng Executive Committee at Concurrent Co-Chair for the Private Sector ng NRC ang nasabing transition ay itinuturing nilang highlight ng capacity at institutionalization ng kanilang partnership sa city government ng Naga at Cagayan de Oro at ang year 3 aniya ay magiging makasaysayan dahil ang kanilang mga pagkilos ay nagsisimula nang magbunga ng mga magaganda at pang matagalang solusyon mula sa aniya’y isang open collaboration na unti-unting pinalalakas.

Tiwala si Sy na mas magiging malakas na bansa pa ang pilipinas sa ilalim ng aniya’y better normal dahil nakikita niyang mas marami pang mga pilipino ang nakakabatid na ng kahalagahan ng pamumuhay sa ilalim ng sustainable at resilience ways lalo na sa mga panahong ito.

Nanawagan ng pagkakaisa si Pangulong Ferdinand Marcos Jr. sa mga world leaders upang matigil na ang paggamit o pagkakanlong ng mga mapaminsalang nuclear weapons.

Sa naging talumpati ni pangulong marcos sa 77th session ng United Nations General Assembly sa New York, sinabi nito na nananatili kasing banta sa mundo ang nuclear weapons sa kabila ng pagsisikap na magpatupad ng mga patakaran laban dito.

Malaki ani Pangulong Marcos Jr. ang kanyang paniniwala na kailangang muling pagtibayin ang prinsipyo ng mga nagtatag ng United Nations (UN).

Kasama aniya dito ang pagsusulong na maisantabi na anumang pagkakaiba, pagtatapos ng digmaan, pagtataguyod ng katarungan, pagbibigay respeto sa karapatang pantao, seguridad at pagpapanatili ng world peace.

Binigyang-diin pa ng pangulo na dapat ding matuldukan ang pagkalat ng mga armas, tulad ng small arms, light weapons, at mga Improvised Explosive Device (IED). –  mula sa ulat ni Jopel Pelenio (Patrol 17)

Nagkaroon ng pagpupulong sina Pangulong Bongbong Marcos Jr. at French President Emmanuel Macron sa sidelines ng 77th United Nations General Assembly (UNGA) sa Estados Unidos.

Sa social media post ni Presidential Son at Ilocos Norte Rep. Sandro Marcos makikita sa larawan na nagkamayan ang dalawang lider.

Ngunit kahit wala pang detalye sa naganap na pagpupulong nina Pang. Marcos at ng French President, matatandaan na nagkausap na ang dalawa sa telepono ilang araw bago ang UNGA.

Dito, kanilang napag-usapan ang higit na pagpapalakas ng bilateral relation ng Pilipinas at France at higit na paigtingan ang ugnayan sa larangan ng depensa, food security at low-carbon energy.

Kaugnay nito, kinumpirma naman ng palasyo na maaring magkaharap na sina PBBM at US President Joe Biden sa darating na Biyernes,  oras sa Pilipinas. - sa panunulat ni Jopel Pelenio (Patrol 17).

Nanawagan ang isang grupo ng taxi operator sa Land Transportation Franchising and Regulatory Board (LTFRB) na payagan silang gawing 60 pisong flag-down rate para makatulong na maibsan ang kanilang kalagayan na dala ng pagtaas ng presyo ng produktong petrolyo.

Ayon kay National Taxi Operators Association President, Attorney Jesus Manuel Suntay, hindi sapat ang kamakailan lamang na limang pisong dagdag sa flag-down rate ng mga taxi at Transport Network Vehicle Services (TNVS).

Katumbas lamang aniya ito ng karagdagang 100 piso kung mayroon silang average na 20 pasahero kada araw.

Giit pa ni Suntay na walang tulong ang limang pisong flag-down rate sa tumataas na presyo ng gasolina.

Kaya’t ang panukalang 60 pisong rate ay nakabase sa kasalukuyang halaga ng produktong petrolyo at bilang ng mga pasahero kada araw.

Matatandaan na inaprubahan ng LTFRB ang pisong provisional increase sa minimum na pasahe sa traditional at modern jeepneys.