HOT STORIES OF THE WEEK

Pansamantalang sarado ang Main office at branches ng Social Security System (SSS) sa ilang lugar sa Luzon dahil sa epektong dulot ng Typhoon Karding.

Ayon sa SSS bukod sa Main office nito sa National Capital Region, sarado rin ang kanilang branches sa Regions 1, 2, 3, 4-A, 4-B at Cordillera Administrative Region.

Maaari namang makipag-transaksyon ang mga miyembro, employer, pensioner at publiko sa pamamagitan ng online channels, kabilang ang official website at mobile application ng ahensya.

Magbabalik-normal ang operasyon ng SSS sa mga nasabing lugar, bukas.

Mahigit 25,600 relief packs ang ikinasa ng DSWD sa Region 4-A kasabay ng pananalasa ng bagyon Karding.

Ayon sa DSWD Region 4-A, nagkakahalaga ang relief packs, na binubuo ng family food pack at kit pack, ng P41.5 million para sa mga apektadong residente sa nasabing rehiyon.

Kabilang sa relief packs ang family kit pack na naglamaman ng sleeping, hygiene at kitchen supplies at modular tents.

Naglalaman naman ang family food pack ng bigas, kape at mga de lata.

Samantala, naglaan na ang DSWD sa CALABARZON ng mahigit P2-M standby funds para sa posibleng emergency procurements ng relief supplies na kailangan ng mga apektadong pamilya.

Aprubado na ni Pangulong Ferdinand “Bongbong” Marcos Jr., ang rekomendasyon ng National Disaster Risk Reduction and Management Council (NDRRMC) para sa suspensyon ng trabaho at klase, ngayong araw dahil sa bagyong Karding.

Saklaw ng suspensyon ang trabaho sa lahat ng government offices at klase sa lahat ng pampublikong paaralan sa National Capital Region; Regions 1, 2, 3, 4-A, 4-B, 5 at Cordillera Administrative Region.

Hindi kasama rito ang frontline agencies na nagbibigay ng emergency services.

Ipinauubaya naman ng NDRRMC sa mga kumpanya at pamunuan ng mga paaralan ang pasya sa suspensyon ng trabaho at klase sa private sector at schools.

Sa ika-apat na sunod na linggo ngayong Setyembre, inaasahang muling magpapatupad ng tapyas-presyo sa mga produktong petrolyo sa gitna ng lumiliit na halaga ng piso kontra dolyar.

Maglalaro sa P1.70 centavos hanggang P2 kada litro ang bawas sa kada litro ng gasolina; P1.20 centavos sa diesel habang P1.50 centavos sa kerosene o gaas.

Agosto pa nang huling magpatupad ng price hike ang mga kumpanya ng langis sa bansa.

Samantala, asahan na rin ang P1 hanggang P2 tapyas-presyo sa LPG.

Inanusyo ng Philippine National Railways (PNR) na walang byahe ngayong araw sa lahat ng ruta ng tren.

Ito’y dahil pa rin sa pananalasa ng bagyong Karding na may international name na ”Noru.”.

Sinabi naman ng pamunuan ng PNR na magbibigay sila ng update kaugnay sa resumption ng byahe ng mga tren.

Kahapon ay pansamantalang sinuspinde rin ang byahe ng mga tren sa Metro Manila, Lucena, at San Pablo bunsod ng naturang bagyo.

Nagbukas ng 50 evacuation camp ang Marikina City LGUs para sa mga residenteng lumikas na nakatira sa mabababang lugar.

Ayon sa Marikina City Government, patuloy na tumataas ang lebel ng tubig sa Marikina River bunsod ng pananalasa ng bagyong Karding.

Dahil dito, nanawagan na ng tulong ang mga pribadong sektor ng pamahalaang lungsod dahil patuloy na nadaragdagan ang bilang ng mga lumilikas na residenteng pinaka-apektado ng bagyo.

Sa ngayon, patuloy na binabantayan ng otoridad ang lebel ng tubig sa ilog Marikina habang ipinag utos narin ni Marikina City Mayor Marcelino “Marcy” Teodoro ang pagbubukas ng karagdagang evacuation centers upang masiguro ang kaligtasan ng mga residente.

Patuloy pang humihina ang bagyong Karding habang tinatahak ang Tarlac at patungong hilagang bahagi ng Zambales.

Namataan ang sentro ng mata ng Typhoon Karding sa paligid ng Mayantoc, Tarlac sa layong 140 kilometers per hour malapit sa gitna at pagbugsong aabot sa 230 kilometers per hour.

Kumikilos ang bagyo patungong kanluran-hilagang-kanluran sa bilis na 20 kilometers per hour.

Nakataas parin ang Tropical Cyclone Wind Signals (TCWS) no. 4 ang ilang lugar sa Luzon partikular na ang Tarlac; northern and central portion ng Zambales kasama na ang Santa Cruz, Candelaria, Masinloc, Palauig, Iba, Botolan, Cabangan, San Felipe, San Marcelino, at San Narciso; at ang southern portion ng Pangasinan kasama na ang Bautista, Alcala, Bayambang, Mangatarem, Urbiztondo, Aguilar, Bugallon, Infanta, Dasol, Burgos, Mabini, at Labrador.

Itinaas naman ang Signal no. 3 sa western portion ng Nueva Ecija kasama na ang Cuyapo, Nampicuan, Guimba, Licab, Zaragoza, San Antonio, Talugtug, Lupao, San Jose City, Science City of Muñoz, Talavera, Santo Domingo, Aliaga, Cabanatuan City, Santa Rosa, Jaen, San Leonardo, San Isidro, Cabiao, Peñaranda, City of Gapan, General Mamerto Natividad, Llanera, at Quezon.

Northwestern portion ng Bulacan kasama na ang San Miguel, San Ildefonso, San Rafael, Baliuag, Pulilan, Calumpit, Hagonoy, City of Malolos, Paombong, Plaridel, Guiguinto, at Bustos.

Signal no. 3 din ang Pampanga, nalalabing bahagi ng Zambales; northern portion ng Bataan  kabilang na ang Dinalupihan, Hermosa, Orani, Samal, Morong, Abucay, City of Balanga, Bagac, at Pilar; maging ang nalalabing bahagi ng Pangasinan

Signal no. 2 naman sa central at southern portion ng Aurora kabilang na ang Dingalan, San Luis, Maria Aurora, Baler, at Dipaculao; southern portion ng Quirino kasama na ang Nagtipunan; Nueva Vizcaya; Benguet; La Union; nalalabing bahagi ng Nueva Ecija; nalalabing bahagi ng Bulacan; nalalabing bahagi ng Bataan; nalalabing bahagi ng Quezon kabilang na ang General Nakar, Infanta; Rizal; Metro Manila; nalalabing bahagi ng western Laguna kasama na ang Santa Maria, City of Calamba, Cabuyao City, City of Biñan, City of Santa Rosa, at City of San Pedro; Cavite; at northwestern portion ng Batangas kabilang na ang City of Tanauan, Talisay, Laurel, Tuy, Nasugbu, at Lian.

Signal no. 1 naman sa southern portion ng Isabela kabilang na ang Delfin Albano, Quezon, Dinapigue, San Mariano, Mallig, Quirino, Gamu, Benito Soliven, Naguilian, Roxas, San Manuel, Burgos, Reina Mercedes, Aurora, Luna, Cabatuan, City Of Cauayan, San Mateo, Alicia, Angadanan, San Guillermo, Cordon, Ramon, San Isidro, City Of Santiago, Echague, Jones, at San Agustin.

Nalalabing bahagi ng Quirino; Kalinga; Ifugao; Mountain Province; Abra; Ilocos Sur; nalalabing bahagi ng Aurora; central portion ng Quezon kabilang na ang Calauag, Lopez, Macalelon, General Luna, Quezon, Alabat, Perez, Gumaca, Pitogo, Unisan, San Antonio, Tiaong, Dolores, Candelaria, Sariaya, Lucban, City Of Tayabas, Pagbilao, Lucena City, Agdangan, Plaridel, Padre Burgos, Atimonan, Mauban, Real, Sampaloc, Guinayangan, at Tagkawayan.

Signal no. 1 din sa Batangas kabilang na ang san Nicolas, Agoncillo, Lemery, Calaca, Balayan, at Calatagan kabilang na ang Polillo Islands; nalalabing bahagi ng Batangas; nalalabing bahagi ng Laguna; western portion ng Camarines Norte kabilang na ang Calaguas Islands, maging ang Vinzons, Labo, Paracale, Jose Panganiban, Capalonga, at Santa Elena.

Marinduque; northern portion ng Occidental Mindoro kasama na ang Paluan, Abra de Ilog, Mamburao, at Santa Cruz kabilang na ang Lubang Islands; at northern portion ng Oriental Mindoro kasama na ang Puerto Galera, San Teodoro, Baco, City of Calapan, Naujan, Victoria, Pola, Socorro, at Pinamalayan.

Samantala, patuloy namang nagpapaalala ang Pagasa weather bureau na doblehin ang pag-iingat at panatilihing maging alerto sa posibleng epekto dulot ng bagyong Karding.

Aabot na sa P1.3B ang naipamahagi ng Department of Social Welfare and Development (DSWD) sa mga mahihirap na estudyante sa buong bansa.

Ayon sa DSWD, galing ang halagang ito sa P1.5B na kabuuang alokasyon ng ahensya para sa kanilang educational assistance program.

Pahayag ni DSWD spokesperson Assistant Secretary Romel Lopez, na pumalo na sa 560,000 students ang nakatanggap ng financial assistance na ito at lampas na sa kanilang target na 400,000 students.

Kahapon, Setyembre a-24, tuluyan nang nagtapos ang distribusyon ng educational aid na mula sa DSWD.

Sinabi ni Lopez, na handa silang i-extend ang pamamahagi ng ayuda sakaling may matira pang pondo, ngunit kung talagang wala na, ikinalulungkot aniyang sabihin na kailangan na itong tapusin at hindi na maari pang palawigin.

Inilagay na sa Signal no. 3 ang Polillo  Islands at northern portion ng Camarines Norte matapos na tuluyan nang maging bagyo kagabi ang Tropical Cyclone Karding.

Ilan sa mga area na nasa Signal 3 ang Vinzons, Paracale, Jose Panganiban, at Capalonga sa Camarines Norte at ang Polillo Islands.

Habang Signal no. 2 naman ang mga lugar ng Dinapigue, San Guillermo, Jones, San Agustin, Echague at San Mariano na pawang sakop ng southern part ng Isabela; Quirino; habang sa central at southeastern portions ng nueva vizcaya, ang Alfonso Castaneda, Dupax del Sur, Aritao, Santa Fe, Bambang, Dupax del Norte, Kasibu, Quezon, Bayombong at Diadi; Aurora; Nueva Ecija; sa eastern part naman ng Tarlac ang Concepcion, La Paz, Victoria, Pura, Ramos, Anao, San Manuel, Moncada, Paniqui, Gerona at Tarlac City; Lalawigan ng Bulacan; sa eastern portion ng Pampanga ang Apalit, San Simon, San Luis, Candaba, Santa Ana, Arayat at Magalang; Metro Manila; sa northern at central portions ng Quezon, ang General Nakar, Infanta, Real, Mauban, Calauag, Perez, Alabat, Quezon, Tagkawayan, Guinayangan, Sampaloc, Lucban, City of Tayabas, Lucena City, Pagbilao, Padre Burgos, Atimonan, Agdangan, Unisan, Plaridel, Gumaca, Lopez, Pitogo at ang nalalabing bahagi ng Polillo Islands; sa northern at central portions ng Laguna ay ang Santa Maria, Siniloan, Famy, Mabitac, Pakil, Pangil, Paete, Kalayaan, Lumban, Cavinti, Santa Cruz, Pagsanjan, Magdalena, Luisiana, Majayjay, Liliw, Pila, Victoria, Nagcarlan, Bay, Los Baños, City of Calamba, City of Santa Rosa, City of Biñan, City of San Pedro, Cabuyao City, Rizal at Calauan; northeastern part ng Cavite ang Bacoor City, Kawit, Imus City, City of Dasmariñas, Carmona, Gen. Mariano Alvarez at Cavite City); Lalawigan ng Rizal; sa eastern portion ang Pangasinan ang Umingan, Bautista, Alcala, Rosales, Balungao, Santa Maria, San Quintin, Natividad, Tayug, Asingan, San Nicolas, San Manuel, Santo Tomas, Bayambang, Malasiqui, Villasis, City of Urdaneta, Binalonan, Laoac, Sison at Pozorrubio;  northern portion ng Camarines Sur, ang Del Gallego, Ragay, Lupi, Sipocot, Siruma, Lagonoy, Garchitorena, Caramoan, Tinambac, Presentacion, San Jose, Goa, Cabusao, Libmanan, Calabanga, Bombon at Magarao;  Caramoran, Pandan, Bagamanoc, Panganiban, Viga, San Miguel, Baras, Gigmoto at San Andres na kapwa sakop ng northern at central portions ng Catanduanes, kabilang na ang nalalabing bahagi ng Camarines Norte.

Habang  Signal no. 1 naman sa mga lugar ng Peñablanca, Iguig, Tuguegarao City, Enrile, Solana, Tuao, Piat, Amulung at Rizal sa southern area ng Cagayan at mga nalalabing bahagi sa Lalawigan ng Isabela at Nueva Vizcaya; Conner Apayao; Abra; Kalinga; Mountain Province; Ifugao; Benguet; Nueva Era, Badoc, Pinili, Banna, City of Batac, Currimao, Paoay at marcos sa southern portion ng Ilocos Norte Ilocos Sur; La Union; natitirang bahagi ng Pangasinan, Tarlac at Pampanga; Province of Zambales; Bataan; mga nalalabing lugar sa Laguna, Quezon, Cavite, Batangas, Camarines Sur, Albay, Catanduanes, at Marinduque; Lubang Islands, Paluan at Abra de Ilog sa northwestern portion ng Occidental Mindoro; San Teodoro, Puerto Galera, City of Calapan at Baco sa northwestern part ng Oriental Mindoro.

Ayon na PAGASA, asahan na ang light to moderate  hanggang sa malalakas na pagbuhos ng ulan sa mga area ng Batanes, Cagayan, Isabela, northern portion ng Aurora, Catanduanes, Camarines Norte, Camarines Sur, northern part ng Quezon, Polillo Islands, Aurora, Nueva Ecija, Tarlac, Pangasinan,  Northern area ng Zambales.

Gayundin sa nalalabing bahagi ng Central Luzon, Cagayan, Isabela, Quirino, Nueva Vizcaya, Cordillera Administrative Region, Ilocos Provinces, La Union, Metro Manila, at natitirang bahagi ng CALABARZON.

Pinag-tutuunan ngayon ng pansin ng Department of Education (DepEd) ang target nitong pagbabalik sa full face-to-face classes sa Nobyembre.

Ayon kay education spokesperson Michael Poa, ang panunumbalik ng full face-to-face classes ang pinakaunang hakbang na dapat gawin ng ahensya upang matugunan ang learning poverty sa bansa.

Batay sa ulat ng World Bank noong Agosto, nasa 90% ng mga Pilipinong edad 10 ang hirap magbasa at makaintindi ng mga simpleng pangungusap.

Nais rin ng ahensya na matugunan ang mga problemang nararanasan nito bago pa sumirit ang pandemya.

Samantala, kasama sa learning recovery plan ng DepEd ang pagbibigay ng reading interventions at psychosocial support activities para matiyak ang maayos na mentalidad at pangangatawan ng mga estudyante sa pagbabalik ng full in-person classes.—mula sa panulat ni Hannah Oledan