Marami pa ring mga Pilipino ang hindi alam na magkaiba ang ordinaryong pag-ubo at ang sakit na tuberculosis o TB.
Ayon kay Department of Health National Capital Region South Tuberculosis Medical Advisory Council Chairperson Dr. Rugaiya Calapis, maraming pasyente ang naka-depende sa mga over-the-counter medicines kaysa magpakonsulta sa doktor.
Dahil dito, hinihimok niya ang mga Pilipinong nakararanas ng TB na kaagad magpakonsulta sa doktor kung tumagal na ng mahigit dalawang linggo ang pag-ubo, at kung nilalagnat o nakararanas ng biglaang pagbabawas ng timbang ng katawan.
Ginawa ni Dr. Calapis ang pahayag habang lumalahok sa 2026 Asia-Pacific International Roche Infectious Diseases Symposium sa Bangkok, Thailand noong Hulyo 8 hanggang 9. | Sa panulat ni Anjo Riñon
