Tuluyan nang humina ang Bagyong Josie bilang isang low pressure area habang nasa loob ito ng Philippine Area of Responsibility (PAR).
Ayon sa PAGASA, humina ang naturang sama ng panahon na huling namataan sa layong 1,080 kilometro Silangan ng Southeastern Luzon.
Gayunman, posible pa ring makaranas ng panaka-nakang ulan ang ilang bahagi ng bansa, lalo na sa Samar at Leyte.
Samantala, naging bagyo na ang mino-monitor na LPA sa labas ng PAR, na namataan sa layong 915 kilometro Kanluran ng dulong Hilagang Luzon at gumagalaw pa-Kanluran-Hilagang-Kanluran sa direksyon ng katimugang China sa bilis na 20 kilometro kada oras.
