Narekober ng mga militar ang ibat-ibang klase ng armas at pampasabog sa isa sa mga kuta ng New People’s Army (NPA) sa munisipalidad ng Bacuag, Surigao Del Norte.
Ayon sa mga militar, nakatanggap sila ng report ang 30th Infantry Battalion ng Philippine Army kaugnay sa pangha-harass ng mga NPA sa nasabing lugar.
Agad na rumesponde ang mga otoridad pero mabilis silang pinaputukan ng mga NPA kung saan, tumagal ng 30 minuto ang sagupaan.
Nakatakas ang mga NPA pero narekober mula sa kanilang kuta ang isang ar15 rifle, isang m203 grenade launcher, 30 na bala ng ak-47 rifle, 20 na bala ng m16 armalite rifle, mga gamit pampasabog, mga dokumento, at ilan pang personal na kagamitan.
