Niyanig ng dalawang magkasunod na lindol ang ilang lugar sa Masbate kanina.
Ayon sa PHIVOLCS, naunang naramdaman ang magnitude 5.2 na lindol alas-3:04 ng hapon, kung saan natagpuan ang sentro sa layong 20 kilometro timog-kanluran ng Claveria, Masbate.
Sumunod naman kaninang alas-3:18 ang magnitude 4.8 na lindol na nakasentro sa bahagi ng karagatan, 24 kilometro timog-kanluran ng bayan din ng Claveria.
Naramdaman ang mga naturang lindol sa Naga City, ilang bahagi ng Bicolandia, katimugang bahagi ng Quezon, at maging sa Roxas City, Capiz. | Sa panulat ni Anjo Riñon
