HOT STORIES OF THE WEEK

Iginiit ng Philippine Charity Sweepstakes Office (PCSO) na normal at walang iregularidad sa ginawa nilang pagbola sa lotto nitong Sabado.

Ayon kay PCSO general manager Melquiades Robles, karamihan ng mga nanalong mananaya ay kumapit lamang sa numerong 9 na siyang itinuturing na lucky number.

Dagdag pa ng PCSO, bago pa mag-Sabado ay marami nang mananaya ang pumwesto ng kani-kanilang mga numero na pawang mayroong numerong ‘9’ o multiples nito.

Sinang-ayunan naman ito ni OCTA research fellow Guido David na aniya’y 1 out of 30 ang posibilidad na makatama ng anim na numero sa 55 na numero.

Ngunit duda si David hinggil sa mahigit 400 nanalo dahil napakaliit na probabilidad na may 400 na manalo nang sabay-sabay.

Matatandaang nauna nang pinuna ni senate minority leader Aquilino “Koko” Pimentel III ang naturang iregularidad at hiniling na paimbestigahan ito.—-sa panulat ni Hannah Oledan

Paiimbestigahan sa senado ni Senate Minority Leader Koko Pimentel ang resulta ng 6/55 lotto draw  kagabi kung saan 433 ang nanalo at ang winning combination numbers ay divisible by 9.

Ayon kay Pimentel nakakapagtaka ang naturang resulta at kaduda duda na 433 mananaya ang nanalo o pare-pareho ang tinayaan na numero.

“Katakataka yang result na yan. Yung pagiging divisible by 9 ano lang independent event yan, relationship between numbers lang yan, puwde siyang by accident. Pero yung 433 ang mananalo sa  supposed to be ang chances mo dyan one in many billion to say na 433 ang tumama, there is something suspicious, pahayag ni Pimentel.

Kaya ayon kay Pimentel magpafile siya ng resolusyon sa senado para busisiin ito at mahingan ng paliwanag ang Philippine Charity Sweeptakes Office o’ PCSO kung lucky pick ba ang mga nanalo.

“Mag file na lang ako ng resolution para maimbestigahan ito.Siguro magpa hearing na lang tayo para tanungin ang PCSO kung mga lucky pick ba itong mga winners na ito.. that means, ssytem generated yung number ng tumaya. Therefore, there is nothing random about their lucky pick, kasi ibig sabihin nun binigay nila sa 400 katao,” dagdag pa ni Pimentel.

Giit ni Pimentel noon pa siya may napansin sa draw ng lotto kung saan sa  isang 6 digit , may 10 winners bagay na nakakapagtaka na dahil sa 6 digits ay which is one in a one million yung probability.

Mahalaga anya na mayroong integridad ang mga gambling games na binigyang otirisasyon ng pamabalaan na makapag operate sa bansa tulad ng lotto.

Ayon kay Pimentel, kanilang tatanungin sa imbestigasyon sa isyung ito ang statistician  mga professor at PCSO para malaman ang kanilang sistema.

“So we have to look at the entire system of our lotto games. This is a good chance because maraming nagtatanong. Pati yung staff ko nagulat ako eh ang aga aga un ang ibinalita sa akin. So ibig sabihin nun talagang marami pong nagtaka  at nagulat,” pahayag pa ni Pimentel.

Umakyat na sa 3,951,766 ang kabuuang kaso ng Covid-19 sa bansa makaraang madagdagan ng  3,822 new cases.

Ayon sa Department of Health (DOH), naitala ang Covid-19 tally na ito makalipas ang dalawang araw na pumalo lamang sa mahigit dalawang libo ang mga kaso ng virus.

Sumipa naman sa 29,525 ang active cases mula sa 29,118 nitong nakaraang Biyernes.

Samantala, nakapagtala ang National Capital Region ng pinakamataas na new infections sa nakalipas na dalawang linggo na umabot sa 14,299, sinundan ng CALABARZON- 5,634, Central Luzon – 2,958, Davao Region –  1,386, at Western Visayas – 763.

Sumirit naman sa 3,859,260 ang recovery tally sa buong bansa makaraang makapagtala ang DOH ng 3,285 new recoveries.

Paghahatian ng 433 winners ang Jackpot prize ng Grand Lotto 6/55 na umaabot sa kabuuang P236,091,188.40.

Ayon sa Philippine Charity Sweepstakes Office (PCSO), na nakuha ng mga maswerteng mananaya ang jackpot prize na mahigit P236M makaraang lumabas kagabi ang mga winning combination numbers na 09-45-36-27-18-54.

Hindi naman napanalunan sa ginanap na draw ang Lotto 6/42 na may  number combination na 37-42-14-09-13-04, at may premyo aabot sa P24,908,649.60.

Samantala, wala ring nanalo sa SuperLotto 6/49 na may jackpot prize na P110,134,645.60.

Maari namang pumalo sa P100 milyon ang premyo ng Ultra Lotto 6/58 sa susunod na draw.

Pinalawig ng Land Transportation Office (LTO) ang validity ng expired student permits, driver’s license, conductor’s license at medical certificates hanggang sa pagtatapos ng buwan.

Sa abiso ng ahensya, ang mga dokumentong ito ay nag-expired na noong Agosto at Setyembre.

Pinalawig din ng LTO ang validity of registration ng anumang uri ng sasakyan na may plate number na nagtatapos sa ‘8’ hanggang Oktubre 31.

Samantala, sinabi ng ahensya na ito ay ipinatupad bilang konsiderasyon sa mga naapektuhan ng bagyong Karding at sa patuloy na pagtaas ng kaso ng COVID-19 sa bansa.

Tumaas ang presyo ng ilang gulay sa mga pamilihan sa Metro Manila sa gitna ng pinsala na dulot ng bagyong Karding sa sektor ng agrikultura.

Ayon kay DA undersecretary Kristine Evangelista, nasa 10 pesos hanggang 20 pesos ang paggalaw sa presyo ng nasabing produkto.

Batay sa price monitoring ng kagawaran noong September 29, tumaas sa 120 pesos kada kilo mula sa 100 pesos ang baguio beans, nasa 150 pesos kada kilo naman mula sa 140 pesos ang carrots habang 100 pesos kada kilo mula sa 85 pesos ang talong.

Una nang ibinabala ni agriculture undersecretary Domingo Panganiban ang pagtaas ng presyo ng bigas at gulay dahil sa pananalasa ng naturang bagyo.

PINANGUNAHAN ni Mayor Vico Sotto ang pagbubukas ng Ortigas Market sa Emerald Avenue, Barangay San Antonio sa lungsod ng Pasig.

Sinabi ng alkalde na nakipag-partner sila sa pribadong sektor upang hindi masayang ang mga ‘open space’ sa siyudad na maaari namang mapakinabangan ng mga residente.

Ayon naman kay Ed Dames, chairman at CEO ng DTC Promos Inc., inilunsad ang bazaar para tulungan ang komunidad at mga negosyante na makarekober mula sa pandemya.

Aniya, habang patuloy na tinutugunan ng national government ang epekto ng Covid-19 ay naisipan  ng kanilang kompanya na mag-initiate ng community building project katuwang ang pamahalaang lokal ng Pasig, Barangay San Antonio at Ortigas Center Association Inc. (OCAI).

Sinabi ni Dames na dahil sa alyansa ng private sector at LGU ay nagkakaroon ng venue o pagkakataon ang mga local producers para maibenta ang kanilang mga produkto sa mga residente ng Ortigas Center at iba pang mga kalapit na lugar.

Kabilang naman sa mga sponsors ng Ortigas Market ang ALC Media group na pinangungunahan ng DWIZ 882, IZTV, Home Radio, kasama ang Business Mirror, Cook Magazine, Health & Fitness, Pilipino Mirror, Mayani at Seven Sharp.

Ang Ortigas Market ay bukas sa publiko tuwing Sabado.

Isinusulong ni Senador Mark Villar ang panukalang batas na magbibigay ng death benefits o benepisyo sa mga community disaster personnel na masasawi sa pagganap ng tungkulin.

Ito’y sa ilalim ng Senate Bill no. 1354 o Disaster Personnel Death Benefit Act, nakasaad na mabigyan ng sapat na kompensasyon ang pamilya ng mga rescuers o disaster personnel.

Ayon kay Villar, sa bawat sakuna, ang buhay ng mga rescuer at boluntaryo ay palaging nasa panganib.

Ito’y matapos masawi ang limang rescuers sa San Miguel, Bulacan habang sila ay nagseserbisyo sa bayan. —sa panulat ni Jenn Patrolla