HOT STORIES OF THE WEEK

Epektibo na ngayong araw ang ika-5 linggong tapyas-singil sa presyo ng produktong petrolyo.

Sa anunsiyo ng kumpaniyang Shell, Cleanfuel, Seaoil, Petro Gazz, Jetti Philippines, PTT Philippines at Caltex, nasa .40 centavos ang magiging rollback sa kada litro ng gasolina; .45 centavos ang magiging bawas-presyo sa kada litro ng diesel; habang .85 centavos naman ang tapyas-presyo sa kada litro ng kerosene.

Ayon sa ilang kumpaniya ng langis, ang pagbaba sa presyo ng mga produktong petrolyo ay bunsod ng mas mataas na halaga ng krudo at premium na gastos sa transportasyon.

Sa pahayag ng Department of Energy (DOE), nang magsimula ang taong 2022, ang price adjustment sa gasolina ay umabot na sa P14.00 ang kada litro; P28.00 naman sa kada litro ng diesel; at P23.00 naman sa kada litro ng kerosene.

Kinumpirma ng Malacañang na nagtungo si Pangulong Ferdinand “Bongbong” Marcos Jr., sa Singapore nitong weekend.

Ayon kay Press Secretary Trixie Cruz-Angeles, naging produktibo ang pagpunta ng pangulo sa naturang bansa, kung saan pinagtibay nito ang pangunahing usapin sa kanyang huling state visit at hinimok ang mga foreign investor na mamuhunan sa Pilipinas.

Sa isang Facebook post, ibinahagi ni Cruz-Angeles ang screenshot ng post ng Singapore politician na si Tan See Leng, kung saan binati nito si Sergio Perez na nagwagi sa Singapore Grand Prix.

Kasama rin sa post ng opisyal ang isang larawan kung saan kabilang si Pangulong Marcos, President Surangel Whipps Jr., Cambodia’s Minister Attached to the Prime Minister and Managing Director of Electricite Du Cambodge; Keo Rottanak, Cambodia’s Minister of Commerce; Pan Sorasak, Advisor to the Royal Court, Kingdom of Saudi Arabia, at Dr. Fahad Bin Abdullah toons.

Inilahad ni Tan See Leng na kanilang pinagtibay ang bilateral economic relationships at energy cooperation, gayundin ang manpower policies.

Matatandaang nagpunta si Pangulong Marcos sa Singapore noong September 6 hanggang 7 para sa isang state visit.

Asahan bukas ang panibagong rollback sa mga produktong petrolyo.

Ayon sa Pilipinas Shell Petroleum Corp., at Seaoil Philippines Inc., magpapatupad sila ng P0.45 na tapyas-presyo sa kada litro ng gasolina at diesel, habang P0.85 naman sa kerosene.

Ipatutupad din ng Cleanfuel ang kaparehong bawas-presyo maliban sa kerosene.

Sa datos ng Department of Energy, ang year-to-date adjustments ay may net increase na P14.85 sa kada litro ng gasolina, P29.40 sa kada litro ng diesel, at P24.10 sa kada litro ng kerosene.

Tuloy ang online portal ng Land Transportation Office (LTO).

Ipinabatid ito ni Divine Reyes, hepe ng LTO strategic communications office matapos umanong ihayag ni LTO chief Teofilo Guadiz III na nais niyang i-abolish ang LTMS o Land Transportation Management System dahil sa mga abusadong fixer na nag-a-apply ng driver’s license ng kanilang mga kliyente.

Binigyang-diin ni Reyes na palalakasin pa nila ang antas ng proteksyon sa mga online transaction sa pamamagitan ng LTMS na una nang bumagsak matapos magkaaberya.

Nilinaw ni reyes na ang tinutukoy ni Guadiz ay ang pag-aalis o pagpapalakas sa pagsasagawa ng online validation exam para sa renewal ng driver’s license at hindi ang abolition ng LTMS.

Una nang ikinabahala ni Guadiz ang validation exam dahil walang facial recognition mechanism para i-verify ang pagkakakilanlan ng aplikante.

Inaasahang makukumpleto sa 2028 o 2029 ang Metro Manila subway project, ang kauna-unahang underground railway system sa bansa.

Ayon ito kay transportation undersecretary Cesar Chavez kasunod sa isinagawang ground breaking ceremony ng nasabing proyekto na pinangunahan mismo ng Pangulong Ferdinand “Bongbong” Marcos Jr. kaninang umaga.

Ipinabatid ni Chavez na isa sa mga contractor sa nasabing proyekto ay siya ring gumawa ng subway sa Tokyo, Indonesia, Vietnam at Singapore.

Nagsimula na aniya ang konstruksyon nito sa East Valenzuela station at depot gayundin sa North Avenue station.

Binigyang-diin pa ni Chavez na ang Metro Manila subway project ay matatag o resilient laban sa lindol at pagbaha dahil mayroon itong teknolohiya tulad ng sa Japan na madalas bayuhin ng lindol.

Sakop ng subway railway project ang 33 kilometers na mayroong 17 istasyon mula Valenzuela City hanggang NAIA terminal 3 sa Pasay City.

Isang Online sabong operator at pitong mananaya ang arestado matapos salakayin ng Manila Police District ang isang iligal na Online sabong operation sa loob ng isang palengke sa Tundo.

Ito’y kahit ipinatigil na noon ang nasabing sugal ni dating Pangulong Rodrigo Duterte.

Kinilala ang mga suspek na si Jayvee Mingoy, 21-anyos, residente ng F. Varona Street, Barangay 80 at operator ng nasabing pasugalan; Bobby Hernandez, 41-anyos;

Alexis Banares, 40-anyos; Jose Quinto, 51; Rosauro Exconde, 54; Rene Petallo, 52; John John Tambaon, 41 at Jeng Pascual, 37-anyos.

Ayon sa M.P.D. – District Special Operations Unit, karamihan sa mga naaresto ay mga tindero at helper sa palengke na na-aadik sa Online sabong.

Nasakote ang mga suspek sa loob ng Asuncion Public Market.

Narekober naman sa 8 ang nasa P2-k halaga ng taya at iba’t ibang online sabong paraphernalia at mahaharap sa kasong paglabag sa Presidential Decree 1602 o Illegal Gambling.

Tumaas na rin ang presyo ng imported na de lata at gatas sa gitna ng patuloy na pagbulusok ng halaga ng piso kontra dolyar.

Batay sa Suggested Retail Price list ng Department of Trade and Industry, naglalaro lamang sa P13.25 hanggang P19.58 ang kada 155 grams ng sardinas.

Gayunman, halos triple na ang presyo ng imported sardines na nasa P75 hanggang P90 na.

Aabot naman sa P64.75 hanggang P73.30 centavos ang kada 150 grams ng local powdered milk habang P90 ang imported.

Samantala, nagpatupad ng price freeze ang DTI sa anim na lugar na lubhang napinsala ng bagyong Karding, kaya’t hindi maaaring magtaas ng presyo sa mga pangunahing bilihin sa loob ng dalawang buwan.

Kabilang dito ang buong Nueva Ecija; Dingalan, Aurora; San Miguel, Bulacan; Macabebe, Pampanga; General Nakar, Patnanungan, Panukulan, Polillo, Burdeos at Jomalig, Quezon.

Nagpatupad na rin ng bawas-singil sa presyo ng Liquefied Petroleum Gas (LPG) at Auto-LPG.

Sa anunsiyo ng kumpaniyang Petron, Phoenix Petroleum at Solane, nasa P2.55 ang ibinawas sa kada kilo ng LPG o katumbas ng P28.5 sa kada labing isang kilo ng LPG.

Ayon sa Petron at Phoenix Petroleum, bumaba rin ng P1.43 centavos ang kada litro ng Auto-LPG.

Nabatid na ito na, ang ika-limang bawas-singil sa presyo ng kada kilo ng LPG, na mananatali hanggang matapos ang buwan ng Oktubre bunsod ng pag-ikot ng presyo sa spot trading ng krudo sa international market.

Pangungunahan ni Pangulong Ferdinand “Bongbong” Marcos Jr., ang groundbreaking ceremony para sa dalawang istasyon ng Mega Manila Subway Project.

Kasama ni Pangulong Marcos si Department of Transportation (DOTr) secretary Jaime Bautista mamayang alas-9 ng umaga.

Kabilang din sa seremonya sina Japanese Ambassador to the Philippines Kazuhiko Koshikawa at Pasig City mayor Vico Sotto.

Samantala, sarado naman sa daloy ng trapiko simula mamayang gabi hanggang taong 2028 ang bahagi ng Meralco Avenue sa kanto Shaw Boulevard sa tapat ng Capitol Commons. —sa panulat ni Jenn Patrolla

Kanselado ngayong araw ang pasok sa lahat ng Regional at Satellite office ng Professional Regulation Commission (PRC).

Ayon sa PRC, ito ay dahil sa iba’t ibang aktibidad sa Licensure Examination for Professional Teachers (LEPT) na sinimulan kahapon, October 2.

Sa anunsiyo ng ahensya, babalik ang operasyon bukas, October 4, para sa mga indibidwal na may appointment at apektado sa nasabing suspensiyon.

Samantala, hinikayat naman ng PRC ang publiko na maaaring mag-email sa kanilang official website, sakaling mayroong concern o iba pang mga katanungan.