Author

Cely Ortega-Bueno

DWIZ 882

SEN. IMEE MARCOS PINAIIMBESTIGAHAN ANG UMANO’Y TALAMAK NA KORAPSYON SA BUREAU OF IMMIGRATION

Pinaiimbestigahan ni senator Imee Marcos sa senado ang sinasabing talamak pa rin na korapsyon at iregularidad sa loob ng Bureau of Immigration partikular sa proseso ng pagpapalawig ng tourist visas ng mga dayuhan.

Sa inihaing resolusyon ni senator Marcos nakasaad na dumarami ang mga ulat at reklamo mula sa mga dayuhan at iba pang stakeholders ukol sa talamak na lagayan, pang-aabuso, at mabagal na proseso sa loob ng ahensya.

Isa na rito ang paniningil umano ng halagang Php 15,000 hanggang Php 70,000, depende sa haba ng pananatili ng dayuhan sa bansa, batay sa inilantad na “price menu” ni dating Associate Commissioner ng BI, Atty. Gilberto Repizo.

Giit ng senador hindi puwedeng ginagawa nilang negosyo ang serbisyong para sa mga dayuhan.

Nasisira anya ang tiwala sa ating pamahalaan at pati ang imahe ng Pilipinas bilang destinasyon para sa mga turista. Nakababahala aniya ang mga bagong ulat na patuloy pa rin ang ganitong sistema sa kabila ng mga naunang hakbang.

Maging ang Department of Justice at Department of Foreign Affairs ay nagpahayag aniya ng pangangamba at nananawagan ng reporma sa sistema ng pagproseso ng mga bisa.

Giit ni senator Marcos kailangan nang busisiin ang mga iregularidad, panagutin ang mga sangkot, at magsulong ng mga batas upang matiyak na tapat, mabilis, at makatao ang serbisyo ng Bureau of Immigration.

May 26, 2025 0 comment

HEADLINES

SEN. JINGGOY ESTRADA NANAWAGAN NG MAS MAHIGPIT NA SEGURIDAD SA BORACAY MATAPOS ANG INSIDENTE NG KARAHASAN SA KANYANG ANAK

written by Cely Ortega-Bueno

Nanawagan si Senate President pro tempore Jinggoy Estrada sa lokal na pamahalaan ng Aklan at sa mga nangangasiwa sa mga resort sa Boracay na tiyakin ang seguridad ng mga local at dayuhang turista na nagtutungo doon.

Ito ay matapos mabatid ni senator Estrada na mayroon ng iba pang insidente ng karahasan na nangyari laban sa mga turista na nagtutungo sa Boracay.

Isa anyang tourist destination ang Boracay kaya mahalaga na matiyak ang kaligtasan ng mga lokal at dayuhang turista na ang layunin ay magsaya at magpahinga.

Una rito, nabiktima ang anak ni senator Estrada at kasama nitong pinsan ng pambubugbog ng tatlong kabataan.

Ayon sa report, sinugod habang nakatalikod at habang palabas ng isang bar ang anak at pamangkin ng senador.

Giit ng senador, bilang ama at tiyuhin, hindi maiiwasan na labis siyang mag-alala nang makarating ang ginawang panunugod sa anak at sa pamangkin.

Agad na nagtungo si senator Estrada sa Boracay para alamin ang nangyari at kalagayan ng anak at ng pamangkin.

Nasampahan na ng kaso ang mga suspek at umaasa si senator Estrada na masusing iimbestigahan ng mga otoridad ang nangyaring insidente para huwag na itong mauulit at maging biktima ang iba pang mga turista na nagtutungo sa Boracay.

May 26, 2025 0 comment

NATIONAL NEWS

SP Chiz, kumpiyansang pagkakalooban ni PBBM ng clemency si Mary Jane Veloso

written by Cely Ortega-Bueno

Naniniwala si Senate President Chiz Escudero na pagkakalooban ng pardon o’ clemency ni pangulong Bongbong Marcos Jr. si Mary Jane Veloso kapag nailipat na ito sa kostudiya ng bansa.

Pero ayon kay SP Escudero, dadaan ito sa kaukulang proseso, kung saan may dadaanan itong legal at diplomatikong proseso.

Dapat anyang magbigay ng courtesy sa pamahalaan ng Indonesia bago ang pagkakaloob ng clemency kay Veloso.

Ang mahalaga ayon kay SP Escudero, ligtas na sa parusang kamatayan si Veloso at may mga proseso ng ginagawa para ganap na itong maging malaya.

Sa nakatakdang pag-uwi sa bansa ni Veloso, sinasabing nasa kamay na ng pangulo ang ganap nitong paglaya sa pamamagitan ng pagkakaloob ng clemency pero dapat na may permiso o pag-apruba ng pamahalan ng Indonesia.

November 21, 2024 0 comment

HEADLINES NATIONAL NEWS

Senate President Zubiri and 11 More Senators Post Perfect Attendance

written by Cely Ortega-Bueno

Twelve senators have been recorded to have perfect attendance from 25 July 2022 to 14 December 2022.
Being present for the 39 times that the roll was called, Senate President Juan Miguel Zubiri maintains his record of perfect attendance since his days in the House of Representatives.
Along with Zubiri, eleven more senators posted perfect attendance, namely Senate President Pro Tempore Loren Legarda, Majority Leader Joel Villanueva, Minority Leader Aquilino “Koko” Pimentel, Deputy Majority Leader JV Ejercito, Sen. Ronald “Bato” Dela Rosa, Sen. Jinggoy Estrada, Sen. Win Gatchalian, Sen. Christopher “Bong” Go, Sen. Risa Hontiveros, Sen. Robinhood Padilla, and Sen. Ramon “Bong” Revilla.
Other senators recorded some days away on official missions, but had no other absences otherwise, namely Sen. Sonny Angara (2 days on official mission), Sen. Pia Cayetano (1), Sen. Lito Lapid (2), Sen. Grace Poe (1), and Sen. Francis “Tol” Tolentino (4).
Sen. Raffy Tulfo recorded one absence and Sen. Cynthia Villar recorded two.
Sen. Nancy Binay had five absences; Sen. Alan Cayetano had six; Sen. Francis “Chiz” Escudero had seven, two of which were on official mission; Sen. Imee Marcos had four, three of which were on official mission; and Sen. Mark Villar had seven, of which six were on official mission.

The Senate will resume session on Monday, 23 January 2023.

January 21, 2023 0 comment

HEADLINES NATIONAL NEWS

Transportation system ng bansa sobra na daw napag iiwanan; modernisasyon nito, pinabibilisan

written by Cely Ortega-Bueno

Dapat ng bilisan ang modernisasyon ng transportation system sa bansa.

Ito ang inihayag ni Senator JV Ejercito makaraang igiit na higit tatlong dekada ng nagpag iiwanan ang ating transportation system ng mga kalapit bansa sa southeast asia.

Giit ni Ejercito malayo pa mula sa ideal ang transportation modernization at infrastructure development sa bansa.

Sa halip kasi anya na 5 % ng ating Gross Domestic Product ang i-invest sa transportation modernization at infrastructure development sinabi Ejercito na 2% lang ang ini-invest dito

Ayon sa Senador ang pagpapahusay sa ating transportation systems, lalo na sa railways, ang makatutulong sa pagpapasigla at pagbangon ng ating ekonomiya.

January 10, 2023 0 comment

HEADLINES NATIONAL NEWS

Panawagang courtesy resignation ni SILG Abalos sa PNP generals, colonels suportado rin ng mayorya ng Metro Mayors

written by Cely Ortega-Bueno

Suportado ng Metro Manila Council (MMC) ang panawagan ni Interior Secretary Benhur Abalos na magbitiw ang lahat ng police generals at colonels, partikular ang ilang sangkot sa illegal drugs trade.

Ayon sa MMC, alinsunod sa 1987 Constitution ang ginawa ni Abalos, na dating chairman ng MMDA.

Sa MMDA Resolution 23 – 01, ipinaliwanag ng MMC na sa ilalim ng saligang batas, ang isang public office ay public trust at ang public officers at employees ay dapat sa lahat ng oras ay dapat managot sa taumbayan, at paglingkuran ang mga ito nang lubusan.

Layunin anila ng kalihim na linisin ang buong hanay ng PNP at tuluyang mawalis ang mga tiwaling pulis na sangkot sa mga iligal na aktibidad.

Ang MMDA resolution ay inaprubahan at ini-adopt noong Enero a – 4 pero aminado si MMC Chairman at San Juan City Mayor Francis Zamora na hindi lahat ng alkalde ay lumagda.

January 6, 2023 0 comment

NATIONAL NEWS

Imbestigasyon ng senado sa naging aberya sa NAIA itinakda sa January 12

written by Cely Ortega-Bueno

Target ng umpisahan ni Senate Committee on Public Services Chairman Senator Grace Poe sa susunod na linggo ang imbestigasyon sa naganap na technical glitch noong Enero a uno sa Air Traffic Management System ng Civil Aviation Authority of the Philippines (CAAP) dahilan para makansela lahat ng flights.

Ayon kay Senator Poe, sa January 12 niya planong magpatawag ng pagdinig sa naturang isyu.

Paliwanag ng senadora maaari naman silang magsagawa ng imbestigasyon kahit na naka-break pa ang sesyon.

Ayon kay Senator Poe bagama’t sinabi niya na hahayaan muna niya ang CAAP at Department of Transportation (DOTR) na tutukan ang pagbabalik sa normal ng operasyon ng Ninoy Aquino International Airport (NAIA) pero wala na anyang excuse o magiging palusot ang mga kinauukulang opisyal para hindi makadalo sa pagdinig sa January 12.

Samantala, hindi pa kinumpirma ni Senator Poe kung kabilang sa kanyang ipapatawag sa imbestigasyon si dating Transportation Secretary Arthur Tugade.

Ayon pa sa senadora, bago ang imbestigasyon ay ipapabatid nila kung sino-sino ang kanilang iimbitahan.

Una rito, tatlong senador na ang nagsumite ng resolusyon na nananawagan na imbestigahan ng senado ang nangyaring aberya sa na sina Senator Jinggoy Estrada, Joel Villanueva at Bong Revilla Jr.

January 4, 2023 0 comment

HEADLINES HOT STORIES OF THE WEEK NATIONAL NEWS

Dating senator de Lima nagpositibo sa COVID-19

written by Cely Ortega-Bueno

Nagpositibo sa COVID-19 si dating Senador Leila de Lima.

Ito ang kinumpirma mismo ni de Lima sa ipinadalang statement sa Senate Media.

Sinabi ni de Lima na kahapon nagpositibo siya sa antigen at RT-PCR tests.

Ipinaliwanag ng senador na matapos ang pagdalo niya sa kanyang mga pagdinig ay nakaramdam na siya ng pananakit ng katawan, lagnat, makating lalamunan, ubo at sipon.

Dahil dito, agad na siyang nagpasuri at saka nag-isolate at saka umiinom ng gamot na inireseta sa kanya ng kanyang doktor at sinasabayan niya ng dasal at pagbabasa ng nobela.

Pinayuhan din ng dating mambabataas ang lahat ng kanyang nakasalamuha noong November 4 hearing kasama na ang kanyang mga abogado, staff, prosecutors at mga court personnel gayundin ang kanyang PNP security escorts na mag-self monitoring.

November 7, 2022 0 comment

HEADLINES NATIONAL NEWS

Senado balik sesyon na ngayong araw

written by Cely Ortega-Bueno

BALIK-SESYON na ngayong araw na ito ang mga miyembro ng Kongreso matapos ang halos isang buwang recess.

Ayon kay Senate President Juan Miguel “Migz” Zubiri, magiging abala agad ang mga senador sa pagtalakay sa panukalang P5.268 trillion national budget para sa susunod taon.

Katunayan, sinabi ni Zubiri na magkakaroon sila ng umaga at hapon na sesyon para talakayin ang pambansang pondo upang maipasa nila ito sa ikatlong linggo ng kasalukuyang buwan.

Ipinaliwanag ni Zubiri na inaasahan nilang maiisponsoran agad ni Senate Finance Chairperson Sonny Angara ang committee report sa national budget na agad susundan ng deliberasyon sa plenaryo.

Tiniyak ng lider ng senado na dumaan at dadaan pa sa matinding pagsusuri ang panukalang budget upang matiyak na magagastos ng tama ang pondo.

Sa pagtaya ni Zubiri, posibleng maipasa sa bicameral conference committee ang panukalang budget sa ikalawang Linggo ng Disyembre upang maisumite na para sa lagda ng Pangulo.

November 7, 2022 0 comment

HEADLINES HOT STORIES OF THE WEEK NATIONAL NEWS

Timing ng pagkasawi sa Bilibid ng umano’y middleman sa pagpaslang kay Percy Lapid, kaduda-duda —Sen Dela Rosa

written by Cely Ortega-Bueno

Kaduda-duda para kay senator Ronald Bato Dela Rosa ang timing ng pagkamatay ng sinasabing middleman mula sa New Bilibid Prison na sangkot umano sa pagpaslang sa broadcaster na si Percy Lapid Mabasa.

Ayon kay senator Dela Rosa bagamat sa autopsy report ay sinasabing heart hemorrage ang sanhi ng pagkamatay ng umano’y middleman na si Jun Globa Villamor, pero kaduda duda na namatay ito ilang oras matapos iprisinta sa media ang sumukong confessed gunman na si Joel Escorial.

Giit ni Dela Rosa kahit na ordinaryong tao ay magdududa sa timing ng pagkasawi ng itinurong middleman na nasa loob ng bilibid.

Bagamat malaking dagok sa imbestigasyon ang pagkamatay ng umanoy middleman pero tiwala si Dela Rosa na may magagawa pa ang PNP sa imbestigasyon para matukoy anng mastermind sa pagpaslang kay Lapid.

Sa tingin ni Dela Rosa hindi masisi ang PNP sa nangyari sa middleman dahil wala ito sa kanilang kostodiya.

Hindi naman anya maaaring basta pumasok ang mga Pulis sa NBP para mag inspeksyon bukod pa sa noong una ay itinanggi ng NBP na nasa loob ng bilibid ang umano’y middleman na si Villamor.

October 24, 2022 0 comment

Newer Posts

Older Posts