Cely Ortega-Bueno

Nilinaw ni Senator Jinggoy Estrada na wala siyang intensyon na ipa ban o’  ipagbawal sa bansa ang mga Korean telenovela

Ayon kay Estrada, dahil lang sa frustration sa humihinang telenovela at   movie industry    sa bansa kaya nya nabanggit nya sa hearing ng budget ng Film Development Council of the Phils o’ FDCP na minsan napapa isip siya na ipa ban ang Korean telenovela.

Giit ni Estrada, wala siyang anumang pagkontra sa Korean telenovelas sa katunayan marami anya tayong maaring matutunan sa mga pelikula at telenovela ng Korea.

Mahal daw nya ang sariling atin at nais lang  nya na maproteksyunan ang ating mga artista  na mahuhusay sa pag arte.

Ayon kay Estrada marami tayong magagaling na  director, writer, photographer at artista na kung masusuportahan ay kayang kaya nating  makipag kumpetensya internationally pagdating sa paggawa ng de kalidad na pelikula.

Para kay Estrada mahalaga na mabigyan ng suporta ng ating pamahalaan ang pelikulang Filipino na sa ngayon ay halos naghihingalo na.

Sinabi anya ni  FDCP chairman Tirso Cruz  III na nakita at naobserbahan nila nung  magtungo sa South Korea na hindi lang pribadong sektor maging  gobierno nila ay sumusuporta  sa mga korean movie at telenovela.

Dapat anyang ganun din ang gawin sa ating local movie industry para muli itong sumigla.

Paiimbestigahan sa senado ni Senate Minority Leader Koko Pimentel ang resulta ng 6/55 lotto draw  kagabi kung saan 433 ang nanalo at ang winning combination numbers ay divisible by 9.

Ayon kay Pimentel nakakapagtaka ang naturang resulta at kaduda duda na 433 mananaya ang nanalo o pare-pareho ang tinayaan na numero.

“Katakataka yang result na yan. Yung pagiging divisible by 9 ano lang independent event yan, relationship between numbers lang yan, puwde siyang by accident. Pero yung 433 ang mananalo sa  supposed to be ang chances mo dyan one in many billion to say na 433 ang tumama, there is something suspicious, pahayag ni Pimentel.

Kaya ayon kay Pimentel magpafile siya ng resolusyon sa senado para busisiin ito at mahingan ng paliwanag ang Philippine Charity Sweeptakes Office o’ PCSO kung lucky pick ba ang mga nanalo.

“Mag file na lang ako ng resolution para maimbestigahan ito.Siguro magpa hearing na lang tayo para tanungin ang PCSO kung mga lucky pick ba itong mga winners na ito.. that means, ssytem generated yung number ng tumaya. Therefore, there is nothing random about their lucky pick, kasi ibig sabihin nun binigay nila sa 400 katao,” dagdag pa ni Pimentel.

Giit ni Pimentel noon pa siya may napansin sa draw ng lotto kung saan sa  isang 6 digit , may 10 winners bagay na nakakapagtaka na dahil sa 6 digits ay which is one in a one million yung probability.

Mahalaga anya na mayroong integridad ang mga gambling games na binigyang otirisasyon ng pamabalaan na makapag operate sa bansa tulad ng lotto.

Ayon kay Pimentel, kanilang tatanungin sa imbestigasyon sa isyung ito ang statistician  mga professor at PCSO para malaman ang kanilang sistema.

“So we have to look at the entire system of our lotto games. This is a good chance because maraming nagtatanong. Pati yung staff ko nagulat ako eh ang aga aga un ang ibinalita sa akin. So ibig sabihin nun talagang marami pong nagtaka  at nagulat,” pahayag pa ni Pimentel.

Agad na aprubahan sa bicameral conference committeee kagabi ang Senate Bill number 1310 o SIM Registration biill.

Matapos na makalusot sa ikatlo at pinal na pagbasa ng senado ang naturang bill kagabi agad itong isinalang sa bicam at mabilis na naaprubahan makaraang mareconcile ang disagreeing provision o magkaibang probisyon sa pagitan ng naipasang bersyon ng senado at kamara.

Ayon kay senator Grace Poe, sponsor at isa sa mga author ng nabanggit na bill, raratipikahan nila sa sesyon mamayang hapon ang bicam report para maipadala na ito sa Malacanang para sa paglagda ng pangulo.

Samantala sinabi ni Senator Win Gatchalian na oras na maging ganap na batas na ang SIM Registration bill inaasahang makakatulong ito sa pagsugpo ng iba’t ibang uri ng cybercrime gaya ng pagnanakaw ng pagkakakilanlan o identity theft at paglaganap ng mga mensaheng spam at phishing.

Ang pagpaparehistro ng SIM ay magbibigay daan anya para itatag ang pagkakakilanlan ng mga SIM card users at inaasahan matutugunan nito ang problema ng pagtaas ng mga insidente ng krimen na may kinalaman sa paggamit ng mga SIM card.

Magiging madali na para sa mga awtoridad na matukoy ang mga kawatan o grupong gumagawa ng online crimes.

Ayon kay gatchalian ang mga telecommunications companies, na madalas na sinisisi sa ilang mga cyber atrocities ay nagsabi na rin na ang SIM card registration ay makakabawas nang husto sa spam at phishing text messages.

makatutulong din anya ito sa pagtugon sa isyu ng iligal na pagbebenta o pautang ng mga mobile o e-wallet account.

ang mga cyber criminal ay karaniwang anyang gumagamit ng mga e-wallet account na hindi nakarehistro sa ilalim ng kanilang mga pangalan sa pagsasagawa ng mga cyber crimes bagay na mapipigilan sa mandatory na pagpaparehistro ng mga SIM card.

Ang panukala ay magpapalakas din ng kumpiyansa ng publiko na magsagawa ng mga digital na transaksyon at mabawasan ang takot na makatagpo ng mga masasamang grupo o indibidwal na gumagawa ng mga cyber crime.

Pansamantalang tinanggal ng Land Transportation Office (LTO) ang alarm tag sa mga sasakyang may traffic violations habang suspendido ang no-contact apprehension policy.

Ayon kay LTO Chief Teofilo Guadiz III, nagpadala na siya ng liham sa local government units na nagpatupad ng ncap upang i-deactivate ang alarm at payagan ang registration ng mga sasakyang mayroong violations.

Tatlong lgu na anya ang tumalima sa hirit ng LTO, kabilang ang Quezon City na mayroong 1,190 alarms; Parañaque City, 93,083 at Bataan na may 7,616 alarms.

Gayunman, nilinaw ni Guadiz na sakaling ideklara ng Supreme Court na balido ang ncap, i-re-re-tag ang alarms sa kanilang system at mag-re-reflect ang mga multa sa susunod na renewal para sa registration.

Agosto a – 30 nang maglabas ang Supreme Court ng temporary restraining order para sa indefinite suspension ng ncap.

Nabulgar sa pagdinig ng senado na ang opisyal ng PNP na idinadawit sa pagdukot ng dalawang sabungero sa isang gasoline station sa Mecauyan, Bulacan ay misis nito na may-ari ng isang security agency ang namamahala ngayon sa mga security guard sa mga Cockpit Arena ng negosyanteng si Atong Ang.

Si senate committee on public order chairman senator Ronald Bato Dela Rosa ang nagsiwalat nito sa pagdinig ng senador ukol sa mga nawawalang sabungero.

Hindi naman itinanggi ni dating PNP-NCRPO  Regional drug enforcement unit chief  P/ Col. Ryan Jay Orapa na asawa niya ang may-ari ng security agency na namamahala sa ilang sabungan ni  Ang.

Paliwanag ni Orapa, noon lang nakalipas na buwan ng Pebrero pumalit ang security agency ng kanyang misis sa mga sabungan ni Ang matapos ang insidente ng pagdukot sa mga nawawalang sabungero.

Dahil dito naghayag ng pagdududa si senator Dela Rosa na baka reward ni Atong Ang  kay Col. Orapa ang pagkuha  sa security agency  ng pamilya nito.

Pero iginiit ni Col. Orapa  na dumaan sa proseso o’ bidding ang kanilang security agency bago naaprubahan ng kumpanya ni Ang.

Si Col. Orapa ang itinuturo ng misis  ni Janver Francisco na umanoy dumukot sa kanyang mister at driver nito.

Sa paglutang naman ng magkapatid na Maño binawi nila ang  naunang pahayag na may kaugnayan sila, si Col. Orapa at mga tauhan nito sa pagdukot kay Francisco.

Itinanggi rin nila na kilala nila ang mga naturang pulis na isinasangkot sa pagdukot.

Iginiit naman ng asawa ni Francisco  na may kuha ng CCTV na hawak na ng NBI kung saana makikita. na  magkakakilala sina Col. Orapa at magkapatid na  Nicasio at Nicolas Maño.

Nilinaw naman ni PNP Chief P/ Director General Dionardo Carlos na hindi pinagbabawalan ang mga pulis na magnegosyo ang mga asawa nila basta legal at  hindi nagagamit ang kanilang uniporma para mapaboran ang kanilang mga negosyo.

Hindi pa huli para magpakita ng respeto ang mga kandidato sa election process at higit sa lahat paggalang sa ating mga botante.

Ito ay ayon kay senator Panfilo Lacson ang kanyang panawagan at hindi siya kabilang sa nanawagang umatras si VP Leni Robredo sa presidential race.

Ayon kay Lacson mahusay na maipapakita ang paggalang sa ating mga botante kung bibigyan sila ng maraming mapagpipiliang kandidato.

Giit ni Lacson malaki ang pagkakaiba sa pagitan ng hindi nagsasagawa ng personal at walang basehang pag-atake at pagpaniobra para paatrasin ang ibang kandidato sa pamamagitan ng kanilang operator.

Sinabi naman ni SP Sotto na sila ni Lacson ay lumagda sa isang joint statement kasama ang ibang presidential at vice presidential candidates para itaguyod at isulong ang soberenya ng mga botante ngayong malapit na silang pumili ng magiging bagong lider ng bansa sa Mayo 9.

Giit ni Sotto nakiisa sila ni Lacson para labanan ang anumang pagtatangka na pabagsakin o pahinain ang kagustuhan ng mga botante sa pamamagitan ng paglimita sa maaaaring pagpilian

Pero hindi anya sila kaisa sa pananaw at panawagang  umatras si VP Robredo.

Isinapubliko ni Senate President Tito Sotto III ang natanggap nila na mga pangalan ng mga umano’y sangkot sa smuggling ng agricultural products.

Sa pagdinig ng senate committee of the whole pinangalan ni Sotto ang mga umano;y smuggler ng produktong agrikultural.

Ito ay sina;

Manuel Tan  – sangkot sa smuggling sa Subic Cagayan de oro at Batangas

Andrew Chang, sangkot sa Subic, MICT and Batangas

Leah Luz Cruz,  onion queen MICP and Cagayan de Oro

Jun Diamante,  agrifisheries in Cagayan de Oro

Nang itanong ni Senate President Sotto kay National Intelligence Coordinating Agency director  Edsel Batalla kung nasa kanilang listahan ang nabanggit na mga pangalan.

Kinumpirma nito na kasama ang mga ito sa kanilang listahan.

Ayon kay  Batalla , mahigit 20 ang nasa kanilang listahan ng mga suspected smuggler o sangkot sa smuggling ng agricultural products kasama na ang mga protektor ng mga ito mula sa gobyerno.

Samantala sinabi ni Batalla na itatanong nya sa kanilang principal  kung maaari nyang isumite sa committee of the whole ang kanilang  listahan ng mga suspected smuggler at protektor ng mga ito mula sa gobyerno dahil nasa proseso pa sila ng pag-validate dito.

Sinabi naman ni Bureau of Custom commissioner  Rey Leonardo Guerrero na  familiar na sa kanila ang ilan sa pangalan na binanggit ni SP Sotto pero ‘yung iba ay ngayon lang niya narinig bagay na kanilang iba-validate

Hinikayat ni Senator Richard Gordon ang publiko na magtipid  sa konsumo sa langis sa harap ng walang patid na pagtaas ng presyo nito.

Payo ni Gordon sa bawat pamilya, mag-carpool na lang sa halip na magdala ng kanya-kanyang sasakyan.

Mainam din para kay Gordon, kung bawat tahanan ay mamumuhunan sa mga renewable energy sources.

Para naman sa mga magsasaka, makatutulong kung pagsasabay-sabayin na nila ang paghahatid o pagbyahe ng kanilang mga produkto patungo sa mga pamilihan.

Hiniling naman ni Gordon sa gobyerno na humanap ng paraan para mapataas ang imbak na langis dahil isa ang Pilipinas sa nakikipagkumpentensya ngayon sa buong mundo  para makakuha ng sapat na suplay ng produktong petrolyo.

Dapat na isuspinde muna ang  modernization program ng gobyerno sa mga pampasaherong jeep kung saan bawal ng gamitin ang mga 15-year-old jeepneys.

Ayon kay Senator Kiko Pangilinan huwag munang palitan ang mga lumang jeep hanggang sa makabawi ang mga tsuper at operator na labis na naapektuhan ng mga lockdown dahil sa pandemya at ng linggo-linggong pagtaas ng presyo ng langis.

Giit ni Pangilinan, hirap na hirap na ang ating mga tsuper at operator, hindi pa nga anya nakababawi ang mga ito dahil sa limitadong pasahero  noong lockdown. Ngayon naman, sunod-sunod ang pagtaas ng presyo ng krudo.

Ayon Pangilinan, kawawa naman ang ating mga tsuper kaya makabubuting hayaan muna nating makabawi sa sunod-sunod na mga krisis ang ating mga transportation front-liners.

Ayon sa senador, bagama’t kumporme siya sa  modernisasyon ng ating public transport, pero hindi anya dapat na bigyan ng karagdagang pasanin ang ating mga pasahero at drivers sa panahong ito.

Sa halip na iba ang tutukan at atupagin ng Department of Energy (DOE), dapat nilang pagtuunan ng pansin ang paghahanap ng agarang solusyon sa krisis sa enerhiya.

Ayon kay Senator Nancy Binay,  dapat na mag-focus muna ang Energy Department  sa problema na dapat matagal nang natugunan.

Sa ngayon anya ay pinag-aaralan kung pansamantala munang i-suspendi ang pinapataw na excise tax sa mga produktong petrolyo.

Una rito, nagbabala na anya ang Independent Electricity Market Operator of the Philippines at maging ang NGCP hinggil sa pagnipis ng power supply sa Luzon mula ngayong buwan ng Marso hanggang sa Hunyo, saklaw nito ang panahon ng eleksyon.

Giit ni Senator Binay, ramdam na ang pagnipis ng supply ng kuryente dahil na rin sa pagpasok ng summer season, dagdag pa ang inaasahang pagtaas ng presyo ng kuryente dahil na rin sa pagsipa ng presyo ng diesel at bunker fuel dulot ng Russia Ukraine crisis.

may direktang epekto anya ang mataas na presyo ng diesel at bunker fuel dahil ilang power plants sa ating bansa ay gumagamit ng diesel at bunker fuel.

Giit ni Binay kailangan natin ng agarang tugon at praktikal na solusyon sa back-to-back  o twin  power crisis scenario

Ang kailangan anya ay madaliin natin ang proseso ng pagtatayo, testing, at commissioning para sa mga bagong planta at mag-explore din ng mga viable renewable sources na maaari nang ikasa sa lalong madaling panahon.