Cely Ortega-Bueno

Pinuri at ikinalugod ni Senator Richard Gordon ang pagboto ng ‘Yes’ ng ating bansa sa resolusyon ng United Nations General Assembly na nananawagan sa Russia na agarang ihinto ang paggamit nito ng puwersa laban sa Ukraine

Gayundin nananawagan na agaran at ganap na i-atras nang walang anumang kondisyon ang military forces nito sa teritoryo ng Ukraine.

Bilang Chairman of Philippine Red Cross binigyang-diin ni Gordon ang humanitarian aspect sa armadong labanan sa pagitan ng Russia at Ukraine.

Sa ngayon aniya ay patuloy ang pagdagsa ng refugees o ng mga umalis ng kanilang bahay sa Ukraine at naghahanap ng bansa na ligtas nilang matutuluyan tulad sa Poland.

Ayon kay Gordon ang Philippine Red Cross ay nakahandang tumulong sa kanilang  counterparts sa Poland at iba pang kalapit na bansa ng Ukraine sa pagpasok sa kanila ng mga refugees.

Tugon ito ni Gordon sa panagawang tulong ng Department of Foreign Affairs sa lumalawak na humanitarian crisis.

Muling umapela si Gordon sa lider ng  Russia at Ukraine na pakinggan ang malawakang  panawagan para sa mapayapang solusyon sa mga isyu na ugat ng kanilang iringan.

Kumpiyansa si Gordon na makakahanap ng katanggap-tanggap na compromise at solusyon para huwag ng  kumalat pa ang armadong labanan sa pagitan ng Russia at Ukraine.

Pinuri ni Lacson ang DFA at OWWA at ang Philippine embassy sa Poland sa mabilis na paglilikas sa nga Pinoy na nagtatrabaho at naninirahan sa  Ukraine.

Kailangang magpaliwanag  ng Commission on Elections kung ano ang totoong nangyari at kung ano ang epekto sa darating na halalan ng balitang na-hack ang kanilang system o server.

Ito ang inihayag ni presidential aspirant Manny Pacquiao makaraang igiit na hindi dapat  palampasin ang naturang insidente.

Ayon kay Pacquiao, dapat na malaman kung may nakahandang plano ang Comelec sakaling makompromiso ang ating automated system sa nalalapit na halalan.

Sinabi pa ni Pacquiao na dapat gamitin ng kongreso ang oversight power nito kaugnay sa Automated Election Law.

Hindi aniya ito ang unang pagkakataon na na-hack ang sistema ng Comelec, pagpapakita aniya ito na may seryosong depekto ang security ng computer system ng Comelec.

Hiniling din ni Pacquiao na payagan ng Comelec ang mga local party na magsagawa ng independent at third party audit sa lawak ng sinasabing hacking incident.

ILALAGAY daw sa peligro ang mga healthcare workers at maging ang pasyenteng kanilang aasikasuhin kapag pinaikli na lang ang isolation o quarantine period ng mga healthcare workers na magkaka-COVID kung ito naman ay fully vaccinated.

Ito ang inihayag ni Senator Joel Villanueva, kaya umapela ito sa Department of Health na irekonsidera ang kanilang posisyon na iklian na ang quarantine period ng health workers para lang matugunan ang shortage sa manpower ng mga ospital o mga healthcare facilities.

Ayon kay Senator Villanueva , maaari ding malagay sa alanganin ang inuuwiang pamilya ng mga healthcare workers sa naturang plano ng DOH.

Giit ng senador, sa halos dalawang taon nating pakikipagbuno sa COVID-19 pandemic, ating nakita na walang shortcut na daan patungo sa recovery.

Samantala, sinabi ni Senator Panfilo Lacson na walang problema kung ang plano ng doh na iklian ang quarantine period ng mga healthcare workers ay science-based at hindi reaksyon lang sa mga dumarami na namang nao-ospital  sa harap ng mabilis na pagtaas ng kaso ng COVID sa bansa.

Pero kung hindi aniya suportado ng siensya ang utos ng DOH kakampihan niya ang Health Alliance na nagsabing ang naturang utos ng DOH ay maglalagay sa peligro sa medical frontliners at  hindi makakareresolba sa  kakulangan ng workforce.

Una rito sinabi ng Alliance of Health Workers na ang naturang utos ng DOH ay unsafe, unfair at irrational.

Ayon kay Lacson, bagama’t magandang pakinggan sa nagka-covid tulad niya na ibinaba na 10-day ang quarantine period pero sa panahong ito na matindi at ang bilis ng hawahan, pinakamahalaga ang maprotekhan ang kalusugan.

Naka-quarantine mula pa noong January 1 si Senate President Tito Sotto makaraang ma-expose sa isang nagpositibo sa Covid-19.

Ayon kay Sotto, nakatakda siyang sumailalim sa rt-pcr test ngayong araw at maging ang kanyang pamilya.

Una rito, kinansela ni Sotto ang nakatakda sanang pagdinig ngayong araw ng committee of the whole hinggil sa talamak na smuggling ng agricultural products.

Samantala, sinabi ni Sotto na hindi sila nagkikita ni Senator Panfilo Lacson nitong nakaraang mga araw.

Si Lacson ay naka-isolate rin ngayonmakaraang ma-expose sa anak na nagpositibo sa covid-19 atmaging ang kanilang kasambahay at driver.

ISINUSULONG ni Senador Win Gatchalian ang  malalimang imbestigasyon sa mga hindi awtorisadong transaksyon sa bangko  o hacking ng bank account gayundin ang mga spam text messages na nag-aalok ng mga pekeng trabaho sa mga mobile user.

Naghain ng senate resolusyon si senator gatchalian para dito, giit ni Gatchalian, kailangan ng mas komprehensibong imbestigasyon sa mga isyung ito.

Ito ay para makabuo ng panukalang batas na tutugon sa mga hinaing ng publiko katulad ng paglabag sa kanilang personal na data at masiguro na ang mga bangko, maliliit na establisimyento, at mga regulatory agencies ay nagpapatupad ng sapat na seguridad, pamamahala at mekanismo na tutugon sa mga hinaing ng mga konsyumer.

Sa kanyang inihaing Senate Resolution No. 961, hiniling ni Gatchalian na utusan ang kaukulang komite na imbestigahan ang naturang mga usapin para makagawa ng batas at mapalakas ang mga ligal na basehan sa pagpapatupad ng Data Privacy Act, Cybercrime Prevention Act, New Central Bank Act, at iba pang kaugnay na batas.

Kailangan anyang matiyak na ang mga ahensya ay may mga sapat na kapangyarihan upang masiguro na mapoprotektahan ang mga personal na impormasyon at pera ng publiko, at kung maaari ay maiwasang maulit ang mga ganitong insidente.

Dapat anyang magkaroon ng batas laban sa mga lokal at global organized syndicates na nambibiktima ng mga ordinaryong Pilipino lalo ng overseas Filipino workers at ‘yung mga walang trabaho.

Bago napabalita ang malawakang hacking ng bank accounts ng BDO depositors, ilang indibidwal ang nagsabing nabiktima sila ng mga scammer na nagpadala ng mga spam text message na nag-aalok ng mga trabaho, premyo, o discounted items sa online.

Dapat simulan nang ipalabas o ibigay ang pinalaking pondo o share sa buwis ng Local Government Units sa ilalim ng 2022 national budget.

Ito ang panawagan ni senator imee marcos sa mga economic managers gitna ng lumulobo na namang kaso ng COVID-19 sa bansa.

Giit ni Sen. Marcos, ang mga LGUs ang ating frontliners kayat kailangan na nilang matanggap ang matagal nang naipagkait na pagpondo ayon sa Mandanas-Garcia ruling na ipinatupad sa kasalukuyang national budget,pwede anyang simulan ang bagong taon ng tama sa pamamagitan ng pagpapalakas sa mga LGUs para mapangasiwaan ang patuloy na pandemya at mga kalamidad o mga sakuna sa hinaharap.

Batay sa 2018 ruling ng korte suprema, 40% ang dapat na ilaan sa lgus mula sa lahat ng nakolektang buwis ng pamahalaan.

Nasa P960B ang inaasahang maibibigay sa LGUs ayon na rin sa ‘tax base’ o pinagbasehang buwis ng halos php2.4 trillion na kwenta ng Department of Finance (DOF) pero, kapos anya ang naturang ‘tax base sa inaasahan ng LGUs, mayroon kasing P431B  na koleksyon sa buwis na ibinukod o hindi isinama ng dof sa pagkwenta nito para sa ilalaang pondo sa LGUS.

Ang ating lgus ay naghihintay pa rin anya sa paliwanag ng dof sa hindi pagsasama ng iba’t-ibang mga koleksyon sa buwis ng gobyerno na may kaugnayan sa barmm, mga programang pang-agrikultura, fire protection, maging ang mga sports equipment,”. —ulat mula kay Cely Ortega Bueno (Patrol 19)

Taktika daw para madiskaril ang eleksyon sa Mayo ang petisyon ng PDP-Laban Cusi Wing na nagsusulong na mapalawig ang filing ng Certificate Of Candidacy. Ito ang inihayag NIPDP Laban Vice Chairman Lutgardo Barbo.

Ayon kay Barbo huling paraan o last ditch ito ng PDP-Laban Cusi wing para maisulong ang No-El o No Election Scenario.

Kaugnay nito, sinabi ni Barbo na dapat ibasura ng COMELEC ang naturang petisyon wala anyang otoridad mula sa tunay na liderato ng PDP-Laban ang naturang hakbang.

Ang nagfile anya ng naturang petisyon ay mga pretenders o nagpapanggap at walang personalidad para ikatawan ang partido.

Ang signatory anya sa petisyon ay mga political freeloaders at hindi pa nga miembro ng PDP-Laban.

Dahil sa kawalan anya ng standard-bearer ng cusi wing at pagkakaroon ng mga kandidato candidates na di kasapi ng partido nawalan anya sila ng clout at leverage para umangkin ng anumang kapangyarihan at karapatan sa partido.  —ulat mula kay Cely Ortega Bueno

May power o kapangyarihan ang Commission On Elections para pagbigyan ang petisyon ng Administration Party  PDP-Laban Cusi Wing na palawigin pa ang filing ng Certificate Of Candidacy. Ito ang inihayag ni Senate President Tito Sotto III.

Ayon kay Sotto, maaari namang hindi ito maka apekto sa pagdaraos ng eleksyon sa mayo kung ang target at habol ng  petisyon ng PDP-Laban Cusi Wing ay may maipasok pa silang kandidato sa 2 posisyon.

Matatandaang walang pambato ang administrasyon sa pagkapangulo at pangalawang pangulo.

Gayunpaman sinabi ni Sotto na handang umaksyon ang senado sakaling magkaroon ng constitutional problem.

Ito ay oras na walang  mahalal na mga bagong  opisyal pagsapit ng  pagtatapos ng termino ng administrasyon sa June 30.

Oras anya na makansela ang halalan sa Mayo, mag step down o baba siya sa puwesto sa   pagbalik ng kanilang sesyon sa huling linggo ng Mayo.

Sa ganitong paraan ay makapag elect sila ng bagong Senate President na aaktong pangulo ng bansa hanggang sa maisagawa ang halalan. ulat mula kay Cely Ortega Bueno

Inilabas ng tanggapan ni presidential aspirant at Senator Manny Pacquiao ang resulta ng kanyang drug test na isinagawa sa U.S. bago ang huling laban niya sa boxing noong Setyembre.

Nakasaad na negatibo si Pacquiao sa performance enhancing drugs batay sa sertipikasyon ng voluntary anti-doping association na may petsang July 28, 2021 at September 8, 2021.

Saklaw ng test ang mahabang listahan ng performance enhancing drugs tulad ng steroids at stimulants na cocaine at metamphetamine na ipinagbabawal ng World Boxing Council.

Bago lumabas sa international competition ang mga atleta, kailangang mag-negatibo sa anti-doping test na isinasagawa bago ang laban.

Naka-schedule naman si Pacman sa hair follicle test na isa ring uri ng drug test subalit gusto niya itong gawin sa isang laboratoryo na mabilis makapag-lalabas ng resulta.

Tinutulan ni Senator Christopher Bong Go ang implementasyon ng mandatory vaccination.

Ayon kay Senator Christopher Bong Go, makabubuting palakasin na lang ang panghihikayat sa ating mga kababayan na magpa-bakuna.

Batay anya sa mga pag-aaral, bumababa na ang vaccine hesitancy ng mga pinoy at dapat itong samantalahin ng gobyerno para sa tuloy-tuloy na vaccine rollout.

Paliwanag ni Go, dapat walang pilitan at ang mahalaga ay makuha ang kumpiyansa ng hindi pa nagpapabakuna dahil ito ang solusyon upang makabalik muli tayo sa normal na pamumuhay.