Cely Ortega-Bueno

Dapat patuloy na ipaalala sa mga botante na isang krimen ang vote buying at vote selling.

Ito ang inihayag ni Senator Koko Pimentel upang matigil ang vote buying at mapigilan ang publiko na magbenta ng kanilang boto.

Ayon kay Pimentel, ang vote buying ay krimen na mahirap patunayan kaya’t ang paulit-ulit na paalala sa publiko ang tamang paraan upang matigil ito.

Hind rin anya dapat masangkot ang mga botante sa vote buying dahil isa itong paglabag sa batas.

Hinimok naman ng senador ang publiko na gamitin ang konsyensya sa pagboto at bumoto alinsunod sa mga issue. —sa panulat ni Drew Nacino

Nagpapasaklolo na ang mga grupo at kooperatiba ng mga magsasaka sa harap nang patuloy na pagtaas ng presyo ng fertilizer.

Ang mga nasabing concerns, ayon kay Senate Majority Leader Juan Miguel Zubiri dapat aksyunan ng Department of Agriculture.

Sinabi ni Zubiri na mababa na ang benta ng produkto ng mga magsasaka, mahal ang fertilizer at halos wala pang suporta na natatanggap sa gobyerno bukod sa hindi pa rin aniya nakaka-recover ang mga magsasaka mula sa malaking lugi dahil sa pandemya.

Makakaapekto ito aniya sa pagiging self sufficient ng produksyon ng agricultural products na sa bandang huli ay posibleng sa importasyon na naman umasa ang bansa.

Ibabalik sa pwesto ni House Speaker Lord Allan Velasco  ang mga kongresistang miyembro ng Nationalist People’s Coalition (NPC) na inalis sa posisyon dahil sa pagpapalit ng liderato sa kamara.

Ito ang tiniyak ni Velasco kay Senate President Vicente Sotto III na siya ring Chairman ng NPC.

Aniya sa ilalim ng Velasco leadership, ang 12  mula sa 42 miyembro ng NPC ay mananatiling Committee Chairmen.

Habang ang iba naman ay magiging bahagi ng Commission on Appointments, uupo sa House of Representative Electoral Tribunal, 7 naman ang uupo bilang Vice Chairman ng Committee on Appropriations.

Mananatili namang Deputy Speakers sina Antique Representative Loren Legarda at Sorsogon Representative Evelina Escudero.

Humingi ng paumanhin si Department of Information and Communications Technology (DICT) Secretary Gregorio Honasahan sa kanyang sinabi na “not that bad” o hindi naman ganun kasama ang internet speed sa bansa na nasa 3 hanggang 7 mbps.

Ito ay matapos na maraming pumuna at hindi sumang-ayon sa naging pahayag ng kalihim.

Ayon kay Honasan, dapat pala ang sinabi niya ay “not yet that good” o hindi pa kagandahan ang internet speed ngunit sinisikap na anila itong mapahusay.

Nauunawaan naman aniya ang mga reklamo ng mga biktima ng mabagal na internet speed na nagsasabing nagbabayad ng malaki pero mahina parin at walang signal ang internet sa bansa.

Samantala, inamin naman ng kalihim na kukulangin ang kanilang pondo para sa inihihirit na libreng wifi sa lahat ng programa sa 2021.

Paliwanag nito, nahihirapan kasi silang kumbinsihin ang gobyerno na magbigay ng malaking pondo sa kanilang ahensya para ilaan sa internet gayong mas prayoridad ang mga proyektong tulad ng tulay at kalsada.

Maaari nang maihabol ng Senado ang pagpasa sa dalawang mahalagang panukalang batas bago mag-break ang sesyon ng Kongreso bukas.

Ito ay makaraang sertipikahan ng Pangulong Rodrigo Duterte bilang urgent ang Universal Health Care Bill at Rice Tariffication Bill.

Kaugnay nito, sinabi nina Senate President Tito Sotto at Senate Majority Floorleader Juan Miguel Zubiri na maaari na nilang aprubahan sa 3rd and final reading ngayong araw ang nabanggit na mga panukala ng hindi na kailangang sundin ang 3-day rule.

Kahapon ay nakipagpulong ang liderato ng Senado sa Pangulo kung saan ay kanilang hiniling na sertipikang urgent ang nabanggit na mga mahalagang panukalang batas bagay na agad namang pinagbigyan ng Pangulo.

Ang Universal Health Care Bill na ini-isponsoran at idinidepensa sa plenaryo ni Health Committee Chairman JV Ejercito ay naglalayong matiyak na magkaroon ng access lahat ng mga Pinoy sa mahusay at malawakan na serbisyong pangkalusugan.

Habang ang Rice Tariffication Bill na ini-isponsoran naman ni Senate Committee on Agriculture Chairman Cynthia Villar ay naglalayong matiyak ang pagkakaroon ng sapat na supply ng bigas at abot kayang presyo nito.

Isa ito sa nakikitang paraan para maibsan o mapigilan ang pagtaas ng inflation sa bansa.

Kahapon maraming panukalang batas ang naaprubahan ng Senado sa 3rd and final reading, kabilang dito ang 300 porsyento na dagdag sa monthly old age pansion ng Filipino war veterans kung saan mula sa P5,000 ay magiging P20,000. Pasado na rin ang bill ukol sa PNP rank classification at lusot na rin ang panukalang batas ni Senator Ejercito hinggil sa paglikha ng Department of Housing.

—-

Plano ng Pangulong Rodrigo Duterte na i-veto ang Coco Levy Bill na pasado na at matagal nang hinihintay ng mga magsasaka ng niyog.

Ito ang ipinabatid ng Pangulo sa pakikipagpulong sa liderato ng Senado kagabi.

Napag-alaman na hindi kumporme ang Pangulo sa probisyon ng Coco Levy Bill hinggil sa taunang P10 bilyong subsidy dahil sa ito ay permanente at pangmatagalan na.

Para maiwasan ang pag-veto sa naturang bill, nagpasya ang liderato ng Senado na ibalik ang nabanggit na panukalang batas sa bicam panel para ayusin, bagay na sinang-ayunan naman ng Kamara de Representantes.

Nabatid na nais din ng Pangulo na mayorya ng hahawak ng pondo ay government personnel.

Dahil dito mamayang alas-6:00 ng gabi ay muling magpupulong ang bicam panel para ayusin ang Coco Levy Bill.

Ayon sa isang senador, naiwasan sana ang ganitong pagbabalik sa bicam ng isang bill kung aktibong minomonitor ng Presidential Legislative Liaison Office o PLLO ang mga ipinapasang bill sa mababa at mataas na kapulungan ng Kongreso para agad silang naaabisuhan kung mayroong hindi nagugustuhan ang Palasyo sa inaaprubahan nilang panukalang batas.

—-

Nakauwi na ngayon sa kanilang bahay sa Antipolo city si Senator Antonio Trillanes.

Ito ay makaraang ipagpaliban ng Makati Regional Trial Court branch 148 ang pagdedesisyon  sa hirit ng DOJ na mag isyu ng warrant of arrest laban sa kanya sa halip ay nag-iskedyul pa ng hearing sa October 5.

Pasado alas diyes ng umaga nang umalis ng Senado si Sen. Trillanes para umuwi na muna sa kanyang pamilya.

Itinuturing ni Trillanes na pansamantalang tagumpay ang hindi muna pagpapasya ng Makati Regional Trial Court branch 48 sa hirit na alias warrant of arrest at hold departure order laban sa kanya.

Si Trillanes ay nagsimulang manatili sa Senado simula noong September 4 makaraang pawalang bisa ng pangulobg duterte ang amnestiya na ipinagkaloob sa kanya ni dating Pangulong Noynoy Aquino.

Samantala, inihayag din ng senador na magbabalik na siya sa trabaho sa Lunes, October 1 at sinigurong iimbestigahan ang umano’y mga anomalya sa negosyo nina Solicitor General Jose Calida, Special Assistant to the President Bong Go at ng Pangulo mismo.

TINGNAN:
Sen. Trillanes, naghahanda na para sa pag-uwi nito upang makasama ang kanyang pamilya makaraang ipagpaliban ng Makati-RTC ang pagdedesisyon sa hirit ng DOJ na mag-isyu ng warrant of arrest laban sa kanya. | via @blcb pic.twitter.com/BlDgAFvFjw

— DWIZ Newscenter (@dwiz882) September 29, 2018

Aabot sa 4 billion pesos sa halip na 8.9 billion pesos ang lugi sa pondo ng PhilHealth.

Sa pagdinig ng Joint Congressional Oversight on the National Health Insurance, inihayag  ni PhilHealth officer-in-charge Celestina Maria  Jude Dela Serna  na nagkaroon lang ng double entry kaya’t napabalita  na higit 8 billion pesos ang lugi pero sa katunayan ay  4  billion pesos lamang.

Pero ayon kay Senate Committee on Health  Chairman  JV Ejercito, malaking lugi pa rin ito kaya’t nakakabahala dahil nakatakda pa naman silang magpasa ng Universal Health Care Law kung saan ang PhilHealth ang pangunahing ahensya na magpapatupad nito.

Ayon kay Ejercito, isa sa tinitingnan ng Joint Congressional Oversight Committee ay ang posibleng mafia o kuntsabahan kaya’t nakalulusot ang mga fraudulent claims sa Philhealth.

Iginiit pa ng Senador  na malinaw na may financial mismanagement sa PhilHealth kaya’t nagkaroon ito ng malaking lugi at dapat anyang managot ay mga Board of Director.

Samantala,  hiniling  ni  Ejercito sa Palasyo na magtalaga na ng permanenteng PhilHealth President na financial expert at eksperto rin pagdating sa health insurance.

—-

Mahigit 40 porsyento pa lamang ng mga housing units ang natatapos ng gobyerno para sa mga biktima ng kalamidad, halos limang taon matapos ang pananalasa ng super typhoon Yolanda sa Leyte.

Sa katunayan, sa pagdinig ng Senate Committee on Urban Planning Housing and Resettlement na pinamumunuan ni Senador JV Ejercito, lumilitaw na sa 200,000 housing units na target ng gobyerno para sa mga biktima ng Yolanda, 90,000 pa lang ang natatapos.

Gayunman, sa 90,000 units, 32,000 pa lamang sa mga ito ang okupado kaya’t nais ng senado na malaman ang dahilan kung bakit napakabagal ng trabaho ng National Housing Authority at iba pang ahensya ng gobyerno gayong pinaglalaanan ito ng pondo ng Kongreso kada taon.

Nangangahulugan aniya ito na libo-libo pa rin ang nakatira at nagtitiis sa mga temporary shelter  at tent na itinayo para sa mga biktima ng super typhoon.

Bukod sa Yolanda victims, may housing projects din na ipinatatayo ang gobyerno para sa mga biktima ng bagyong Sendong noong 2011 at Zamboanga siege noong 2013 subalit gaya ng sa Yolanda, halos 40 porsyento pa lang ang natatapos.

Halos nakapirma na sa isang resolusyon na naghahayag ng suporta kay Senate Majority Floor Leader Tito Sotto sa pag-upo nito bilang Senate President ang mga senador na miyembro ng mayorya.

Ayon sa mapagkakatiwalaang source, 17 senador na miyembro ng mayorya 14 na ang nakapirma sa resolusyon at bukas ay magiging 15 na ito dahil pipirma na din si Sen. Grace Poe pag-uwi nito sa bansa.

Ngunit ayon sa mga ulat, humihirit pa si Senate President Pimentel na mapalawig sa kanyang posisyon bilang Senate President  dahil gusto nito na siya pa ang lider ng senado kapag ikinasal sa October 18.

Kaya ang tanong ay kung pagbibigyan pa ang hirit na ito ni Pimentel na mapalawig ang kanyang pagiging Senate President gayung halos suportado na ng mayorya ang pag-upo ni Senator Sotto bilang Senate President.

Nabatid na ang pinag-aaralan na lang ay kung ano ang posisyon na ibibigay kay Pimentel kapag pinalitan na ito ni Sen. Sotto.

Sa nakuhang kopya ng resolusyon, ito ay may titulo na “Sense of the Senate to re-organize its Leadership and Electing Senator Vicente “Tito” Sotto III as new Senate President.”

Ang mga lumagda na sa resolusyon ay sina

1. Senate President Pro Tempore Ralph Recto
2. Senator Sonny Angara
3. Senator Loren Legarda
4. Senator Joseph Victor Ejercito
5. Senator JV Ejercito
6. Senator Sherwin Gatchalian
7. Senator Francis Escudero
8. Senator Richard Gordon
9. Senator Gregorio Honasan
10. Senator Panfilo Lacson
11. Senator Manny Pacquiao
12. Senator Joel Villanueva
13. Senator Cynthia Villar
14. Senator Juan Miguel Zubiri

Ayon pa sa source, dalawang miyembro ng minority bloc ang maaaring makumbinsi pa na sumama sa majority.

Nabatid na sa linggo ay may naka-iskedyul na meeting ang mga majority senator sa bahay ni Senator Nancy Binay  bago ang nakatakdang majority caucus sa Senado sa Lunes, May 21.

Copy of reso re: sense of the senate to reorganize its senate leadership and electing senator Tito Sotto as new senate president.@dwiz882 pic.twitter.com/N9yPzn38dJ

— Cely O. Bueno (@OBueno) May 17, 2018

pic.twitter.com/tkjceMeFTF

— Cely O. Bueno (@OBueno) May 17, 2018