HOT STORIES OF THE WEEK

Itinuturing na pinakamapanganib na bansa sa Asya ang Pilipinas para sa mga nagtatanggol sa kalikasan at land activists.

Batay sa datos ng Global Witness, isang international watchdog, apatnapu’t walong (48) environmental campaigners ang pinatay sa Pilipinas noong 2017.

Ayon sa Global Witness, halos kalahati ng mga pagpatay ay maiuugnay sa pakikipaglaban sa agri-business at karamihan ay nangyari sa Mindanao.

Mayroon rin umanong nakalap na ebidensya ang Global Witness na 56 porsyento ng mga pagpatay ay kagagawan ng mga pulis at sundalo.

Ang Pilipinas ay pumapangalawa sa Brazil sa hanay ng mga bansa sa buong mundo kung saan marami ang napatay na tagapagtanggol ng kalikasan.

Limampu’t pito (57) ang naitalang napatay sa Brazil noong nakaraang taon.

Sa kabuuan ay mayroong dalawandaan at pitong (207) land activists ang napatay noong 2017 sa iba’t ibang panig ng mundo.

—-

Pormal nang niratipikahan ng Kamara ang BOL o Bangsamoro Organic Law.

Ito ay matapos maudlot noong Lunes kung kailan itinakda sanang ratipikahan ang BOL dahil sa palit liderato sa Kamara.

Sa ilalim ng BOL, magkakaroon ng mas malawak na fiscal autonomy, sariling regional government, parliament at justice system ang magiging Bangsamoro Region.

Ang proposed region ay bubuuin ng Tawi Tawi, Sulu, Basilan, Maguindanao at Lanao Del Sur na mga lugar na kasalukuyang sakop ng ARMM.

Kabilang din sa nais isama sa magiging Bangsamoro Region ang anim na munisipalidad ng Lanao Del Norte at 39 na barangay ng North Cotabato.

Sakaling malagdaan ng Pangulong Rodrigo Duterte ang panukala at maging ganap na batas, maitatatag na ang Bangsamoro government na pangungunahan ng chief minister at ceremonial leader na tatawaging Wali.

(with report from Jill Resontoc)

Kalmado at tila tanggap na ni Dating House Speaker Pantaleon Alvarez ang kapalaran niyang hindi na siya pinuno ng kamara.

Ayon ito kay Congressman Reynaldo Umali, isa sa mga kaalyado ni Alvarez na pinalitan ni dating pangulo ngayo’y Pampanga Representative Gloria Macapagal-Arroyo.

Sinabi ni Umali na na-realize ni Alvarez ang katotohanan sadyang may bilang ng mga kongresistang sumusuporta sa dating pangulo para maging pinuno ng kamara.

Hindi nman aniya malinaw kung kinikilala ni Alvarez ang speakership ni Arroyo at maaaring tingnan ang proseso subalit sa tamang panahon.

Sa botong 184, nailuklok si Arroyo at nanumpa bilang speaker of the house matapos ang SONA ng Pangulong Rodrigo Duterte.

Iginiit ni Pangulong Rodrigo Duterte na hindi yuyuko kailanman ang Pilipinas sa China sa kabila ng lumalalim na relasyon ng dalawang bansa.

Ayon kay Pangulong Duterte, hindi isusuko ng Pilipinas ang soberanya at interes nito sa mga pinag-aagawang teritoryo sa West Philippine Sea.

Bagaman mayroon anyang maritime dispute ang dalawang bansa, naresolba naman ito sa pamamagitan ng dayalogo.

“Our improved relationship with China, however, does not mean that we will waver in our commitment to defend our interests in the West Philippine Sea. This is why we engage China through bilateral and multilateral platforms such as the ASEAN-China and the Philippines-China Bilateral Consultation Mechanism.”

“Opening lines of communication and amicably managing differences have led to positive developments that include renewed access of Filipino fishermen in the areas in dispute in the Philippines — West Philippine Sea. Participation in the ASEAN-China dialogue has also resulted to the draft framework for the Code of Conduct in the South China Sea which intends to resolve disputes by peaceful means.” Ani Pangulong Rodrigo Duterte

Pinapurihan naman ng Punong Ehekutibo ang mga Overseas Filipino Worker (OFWs) at kinondena ang mga pang-aabuso ng kanilang mga dayuhang amo.

“We admire our Filipino migrant workers for their selflessness and courage in enduring the hardships of living away from home to provide for their families. You epitomize the innate resilience of the nation. You have shown your willingness to toil and sacrifice day-in and day-out, for the long-term good of your family and loved ones. You have also contributed greatly to the national economy, even as you help in small and big ways to the economies of our international partners.”

“This is why we strongly condemn the deaths and abuses experienced by Filipino migrant workers in the hands of their foreign employers. I have said this before and I say it again: I am a worker of government, and it is my vow to make sure that your well-being remains our foremost foreign policy concern.”

“It is for this reason that we are continuing to work with the host nations to ensure the welfare of our countrymen. I appeal to all host governments to help us, as true and dependable partners, in this endeavor.” Pahayag ng Pangulong Duterte

---

Naihatid na ni Pangulong Rodrigo Duterte sa mga Pilipino ang kanyang ikatlong State of the Nation Address o SONA kahapon.

Tumagal ang talumpati ng Pangulo ng 48-minuto na pinalakpakan ng 34 na beses.

Sumentro ang SONA ni Pangulong Duterte sa illegal na droga, terorismo, TRAIN Law at pederalismo.

Sinunod din ni Pangulong Duterte ang kanyang nakahandang talumpati na nagsasaad ng mga nagawa ng kanyang administrasyon sa loob ng dalawang taon.

Bahagi din ng talumpati ng Pangulo ang paglatag ng mga plano niya pang gawin sa natitira niyang termino sa puwesto.

Hindi naman nakitaan ng mahahabang impromptu speeches ang SONA kung saan kilala ang Pangulong Duterte.

Kapansin-pansin din sa naging talumpati ng pangulo na wala ito halong pagmumura.

Gayunman, naantala ang talumpati ni Pangulong Duterte ng isang oras at dalawampu’t isang minuto na dapat sana ay nagsimula ng alas- 4:00 ng hapon.

PNP-AFP

Pangkalahatang namang naging mapayapa ang naging State of the Nation Address ni Pangulong Rodrigo Duterte.

Batay ito sa naging pagtaya ng Philippine National Police at Armed Forces of the Philippines.

Kaugnay nito, nagpasalamat si Task Force SONA 2018 Head, Chief Superintendent Guillermo Eleazar sa lahat ng mga pulis at sundalong nagbantay at nagbigay seguridad sa SONA.

Nagpasalamat din si Eleazar sa mga nagkilos protesta dahil tinupad nito kasunduang maging mapayapa at maayos ang mga pagkilos.

SONA protests

Naging mapayapa ang inilunsand na kilos protesta ng pro at anti-Duterte kasabay ng SONA kahapon.

Tinatayang nasa 40,000 mga raliyista ang nagmartsa at nakiisa sa United People’s SONA na inilunsad ng iba’t ibang militanteng grupo sa Commonwealth.

Naging highlight ng naturang pagkilos ay ang pagsunog sa dambuhalang effigy ni Pangulong Rodrigo Duterte sakay ng isang tren.

Idinaan sa sigawan, musika at sining ng mga nagkikilos-protesta ang kanilang pagkadismaya sa pamamahala ni Duterte at sa mga pangako nitong napako.

Partikular na naging kabiguan umano ng Pangulo ay ang madugong giyera kontra droga, kawalan ng respeto sa karapatang pantao, pagtaas ng presyo ng mga bilihin, malalang korupsyon at pagsusulong ng pederalismo.

Kabilang sa mga nagsalita sa entablado ay si dating Chief Justice Maria Lourdes Sereno, dating Bayan Muna Representative Neri Colmenares at iba pa.

Samantala, nasa sampu (10) hanggang labing limang (15) supporters naman ni Pangulong Duterte ang lumahok sa pro-Duterte rally.

Dumalo sa naturang pagtitipon sina DILG Undersecretary Martin Diño at Presidential Adviser Francis Tolentino.

—-

Aminado si Pangulong Rodrigo Duterte na tali ang kanyang kamay para wakasan ang “Endo” o kontraktwalisasyon sa bansa.

Sa kanyang State of the Nation Address, sinabi ng pangulo na hindi siya kuntento sa ipinasang Executive Order 51 na naglalayong tiyakin na hindi basta – basta matatanggal sa trabaho ang mga manggagawa.

Kasunod nito, muling nanawagan si Pangulong Duterte sa kongreso na magpasa ng batas para wakasan ang kontraktwalisasyon

“I understand that this does not satisfy all sectors, I share their sentiments…Much as I would like to do the impossible, that power is not vested upon me by the constitution and neither will I make both ends with, even if I violate the law to achieve that purpose. Simply it is not part of my territory. That is why I add mine to their voices and asking congress to pass legislation ending the practice of contractualization, once and for all”.

Samantala inatasan ni Pangulong Duterte ang lahat ng mga ahensiya ng gobyerno na ipatupad ang batas laban sa red tape, partikular na ang mga tanggapang inaakusahan niya na mayroong “lousy and corrupt bureaucracy.”

Sinabi ng Pangulo na dapat ding gawing “customer – friendly” ng mga ahensya ng gobyerno ang kanilang serbisyo na madalas inirereklamo ng publiko.

“I particularly call the attention of the agencies with the number of red tape related reports on the public, making service truly customer friendly. Our people deserve efficient, effective and responsive government services. They deserve nothing less. Kayo lang ang ayaw eh. Gusto ng tao tapos kayo yung binabayaran, making your living from the pockets of the people and you have a lousy and corrupt bureaucracy”.

Muli ring binatikos ni Pangulong Duterte ang mga opisyal na nasasangkot sa kurapsyon.

Babala ng pangulo, hindi siya magdadalawang isip na tanggalin sa pwesto ang isang opisyal na sangkot sa kurapsyon kahit ito pa ay kanyang kaibigan.

“Corruption must stop. Corruption leads the government to ban programs for infrastructure and social development projects. I value friendship. Make no mistake about it but it has its limits. This is a lonely place I’am emptied in. Do not make it lonelier by forcing me to end our friendship because you gave me the reason to end it. It pains me to know end the loss of friendships and that is why I appeal to you to help me in my cost so that our friendship will endure.”

Nanumpa bilang bagong speaker ng Mababang Kapulungan ng Kongreso si dating Pangulo at ngayo’y Pampanga Representative Gloria Macapagal Arroyo.

Nangyari ito ilang minuto bago ang ikatlong State of the Nation Address o SONA ni Pangulong Rodrigo Duterte.

Pinalitan ni Arroyo si House Speaker Pantaleon Alvarez na namuno sa Kamara sa loob ng dalawang taon.

Nanumpa si Arroyo kay Kabuhayan Party-list Representative Dennis Laogan, na siyang pinakabatang miyembro ng Kamara.

Ayon kay ACTS-OFW Representative John Bertiz nasa 184 na kongresista ang bumoto para patalsikin si Alvarez habnag 12 naman ang nag-abstain.

Gayunman, si Alvarez pa rin ang umupo bilang House Speaker sa SONA ng Pangulo.

Samantala, nabatid na bago ang kanyang SONA, nagkaroon muna ng hiwalay na pakikipag- usap si Pangulong Duterte kay Alvarez at Arroyo.

Si Arroyo ay ang kauna-unahang babaeng manunungkulan bilang lider ng Mababang Kapulungan.

Inirerespeto naman ng Malacañang ang nangyaring pagbabago sa liderato ng Kamara.

Ayon kay Presidential Spokesman Harry Roque, ang pagboto ng bagong lider ng Kamara ay isang internal na bagay na tanging mga mambabatas lamang ang siyang maaaring mag-desisyon.

Kinikilala aniya ng Pangulo ang separation of power gayundin ang pagpili ng mga mayorya ng kanilang bagong lider.

—-

Pormal nang nagbukas ang ikatlo at huling regular na sesyon ng ika-labing pitong Kongreso.

Pinangunahan ni Senate President Vicente Sotto III ang pagbubukas ng sesyon sa Mataas na Kapulungan, ang kanyang kauna-unahan bilang Senate President.

Sa kanyang talumpati, iginiit ni Sotto ang kahalagahan ng Senado sa pagbuo ng batas lalo na sa pag-amyenda sa konstitusyon.

Iginiit ni Sotto na sakaling matuloy ang constituent assembly sa pag-amyenda sa konstitusyon, kailangang hiwalay ang magiging botohan ng Mababa at ng Mataas na Kapulungan.

Samantala, inilatag naman ni House Speaker Pantaleon Alvarez ang mga accomplishment ng House of Representatives sa ilalim ng kanyang pamumuno.

Ipinagmalaki ni Alvarez ang isandaan at tatlumpu’t tatlong (133) panukala na kanilang naisabatas.

Kabilang dito ang TRAIN, mental health, ease of doing business, security of tenure, dagdag na budget para sa Department of Education at iba pa.

(Ulat nina Cely Bueno at Jill Resontoc)