HOT STORIES OF THE WEEK

Sumampa na sa siyam ang kumpirmadong nasawi bunsod ng sunod-sunod na bagyong dumaan sa bansa at epekto ng hanging habagat.

Batay sa pinakabagong ulat mula sa NDRRMC o National Disaster Risk Reduction and Management Council kung saan naitala ang mga casualties sa mga lalawigan ng Rizal, Antique, Mt. Province, Pangasinan, Negros Occidental at Oriental at mga lungsod ng Malabon at Caloocan.

Karamihan ng naging sanhi ng pagkamatay ay pagkalunod.

Sinabi ni NDRRMC Executive Director Undersecretary Ricardo Jalad, posibleng madagdagan pa ang nasabing bilang dahil patuloy pa rin ang isinasagawang validation ng Department of Health at Department of Interior and Local Government.

Samantala, batay na rin sa tala ng NDRRMC nanatili namang lubog sa baha ang nasa 30 barangay sa Bulacan, 15 barangay sa Nueva Ecija at 74 na barangay sa Pampanga.

Tinukoy ni House Deputy Speaker Fredenil Castro ang tatlong committee chairmen na posibleng matanggalan ng chairmanships sa ilalim ni House Speaker Gloria Macapagal Arroyo.

Ayon kay Castro, minimal lamang ang House reorganization at tanging apektado lamang ay pawang mga komite na nangailangan ng chairpersons na pinagkakatiwalaan ng bagong House Speaker.

Hindi naman nagbanggit ng pangalan si Castro subalit ang mga komite na apektado ay Rules, Accounts at Justice.

Ang mga kasalukuyang pinuno ng mga nasabing komite ay sina Congressmen Rodolfo Fariñas, Elenita Ermita-Buhain at Reynaldo Umali.

Farinas(Rules Committee),Umali(Justice Committee) at Buhain(Accounts Committee) posibleng alisin Chairpersons ng kanilang Committees-Cong.Fred Castro @dwiz882

— Jill Resontoc – DWIZ -882 AM radio (@JILLRESONTOC) July 27, 2018

Ulat ni Jill Resontoc (Patrol 7)

Opisyal nang nilagdaan ni Pangulong Rodrigo Duterte ang panukalang Bangsamoro Organic Law.

Ito ang inanunsyo ng Punong Ehekutibo matapos ang naging pahayag sa kanyang State of the Nation Address o SONA noong Lunes na agad na pipirmahan ang final draft ng batas.

Ayon kay Duterte nakatakda pa siyang makipag-usap sa liderato ng Moro Islamic Liberation Front o MILF gayundin kay Moro National Liberation Front (MNLF) founding chairman Nur Misuari.

“Signed na ang BBL, but I’m still going back because I have a ceremony with Jaafar and Murad,” Pahayag ni Pangulong Duterte

 

“And also I’d like to talk to Nur so that we can have it by the end of the year. I can create also just like an autonomy for him if that’s what he wants, and pending the federal system implementation he can just wait for it if he trusts me.”

Inaasahang magbibigay daan ang BOL para sa mas malawak na pamamahala ng Muslim minority sa Mindanao gayundin sa pagkamit ng kapayapaan at kaunlaran sa buong rehiyon.

Ang Bangsamoro law ay isa sa mga naging priority bills ni Pangulong Duterte, ang unang Pangulo na mula sa Mindanao.

Matatandaang tiniyak din ng Kongreso ang constitutionality ng nasabing panukala matapos na mapagtibay sa Bicam at mapagkasunduan ang mga kuwestyon sa ilang probisyon nito. —AR

—-

Itinalaga ni Pangulong Rodrigo Duterte si Supreme Court Associate Justice Samuel Martires bilang bagong Ombudsman.

Ito ay kasunod na rin ito nang pagreretiro ni Ombudsman Conchita Carpio Morales.

Ayon sa Pangulo, istrikto si Martires na isa ring matalino at patas na tao.

We have a new Ombudsman. I signed the appointment of Justice Martires…. He was strict in the Sandiganbayan, but he is bright and he is a fair man. Pahayag ni Duterte

Tiniyak ng Pangulo na hindi niya pakikialaman o i-impluwensyahan si Martires bilang Ombudsman na isang independent institution.

Ang tanging mensahe lamang aniya niya kay Martires ay gawin lamang nito ang tama.

Ang sabihin ko lang sa iyo, and this is my statement, do what is right. Dagdag ni Duterte

Matatandaan na inendorso ng Korte Suprema si Associate Justice Samuel Martires para pumalit sa posisyon ng nagretirong Ombudsman na si Conchita Carpio Morales.

Naging unanimous ang desisyon ng 11 mahistrado ng Supreme Court para irekomenda sa Judicial and Bar Council o JBC na isama sa shortlist ang pangalan ni Martires.

Si Martires ay dating Sandiganbayan justice at kauna-unahang appointee ni Pangulong Rodrigo Duterte sa Korte Suprema.

Una nang nakasasama sa listahan ng JBC si dating Sandiganbayan presiding Justice Edilberto Sandoval at Labor Secretary Silvestre Bello III.

 PACC Chairman Dante Jimenez, naghatid ng pagbati kay Martires

Nagpaabot ng pagbati si Presidential Anti-Corruption Commission Chairman Dante Jimenez sa bagong itinalagang Ombudsman na si Samuel Martires.

Sa panayam ng DWIZ, sinabi ni Jimenez na inaasahan niya na magkakaroon ng kolaborasyon ang dalawang ahensya upang masawata at mapanagot ang mga opisyal ng gobyerno na mapapatunayang sangkot sa katiwalian.

Binabati ko si Justice Martires bilang itinalaga ng ating Pangulo bilang bagong Ombudsman. I hope both of our agencies will collaborate on fighting corruption and cleanse the bureaucracy. Pahayag ni Jimenez

Ayon kay Jimenez, isa sa mga reporma na dapat ipatupad o unahin sa tanggapan ay ang pagpapabilis ng pagproseso sa mga inihaing graft complaint laban sa mga opisyal. Aniya, ayaw niyang matulad ang magiging bagong pamunuan sa naging liderato ng nagdaang Ombudsman na si Morales na umano’y may kinikilingan.

Bilisan ang mga complaint na inihain sa Ombudsman, ayun ang nakikita kong reporma. ‘Yung dating Ombudsman kasi na si Conchita Carpio Morales, mabagal at selective kaya nga sinampahan namin ‘yan ng impeachment complaint pero hindi naman nag-prosper. Umaasa ako kay new Ombudsman Martires that we can collaborate things. I hope na ‘yung mga complaint na ipapadala namin diyan ay maaaksyunan agad ng bagong Ombudsman. Paliwanag ni Jimenez

(Balita Na, Serbisyo Pa Interview)

Posibleng natatakot matalo sa eleksyon ang mga re-eleksyonistang senador kaya’t ayaw nilang i-sponsor ang panukalang TRAIN 2 sa Senado.

Reaksyon ito ni Budget Secretary Benjamin Diokno sa pahayag ni Senador Migz Zubiri na hindi papasa sa Senado ang panukalang TRAIN 2.

Hinamon ni Diokno ang mga senador na maging responsable at isipin ang kapakanan ng mga mamamayan na mas makikinabang sa TRAIN 2.

“Mare-recall nila ang tinatawag kong ‘Recto effect’, matatandaan mo nung panahon ni GMA siya ang nag-sponsor nung pagtaas ng VAT from 10 to 12, natalo siya sa eleksyon, syempre eh ang isang pulitiko iniisip niya ang next election, eh medyo malapit na ang midterm election so baka natatakot sila na baka matalo sila, but we expect from our leaders some sense of responsibility, kailangan natin ito.” Ani Diokno

Sa ilalim ng TRAIN 2, tatapyasan ng pamahalaan ang corporate income tax na binabayaran ng mga kumpanya sa bansa.

Ayon kay Diokno, mas mahihikayat ang mga negosyo na pumasok sa Pilipinas kung babaaan ang binabayaran nilang buwis at dadami ang malilikhang trabaho.

Pinakamataas aniya sa buong Asya ang tatlumpung (30) porsyentong coporate income tax kumpara sa labing pitong (17) porsyento lamang ng Singapore.

Upang mabawi aniya ang malaking halagang mawawala sa pamahalaan kapag ibinaba ang corporate income tax, nirerepaso nila ngayon ang mga fiscal incentives na ibinibigay ng gobyerno sa mga kumpanya.

“Sa tingin namin ang karamihan doon ay redundant, in other words, papasok din naman ang industriya kahit may incentive o wala, napaka-profitable naman pero binibigyan pa rin natin ng incentives. Ang tawag ko dun sa fiscal incentives ay pork barrel on the tax side, pinamimigay ng mga pulitiko ‘yun para may kapit din sila para siguro kapag halimbawa eleksyon ay may kaibigan sila sa business sector, alam mo may mga insentibo pa tayo na forever.” Pahayag ni Diokno

(Ratsada Balita Interview)

—-

Tatlo (3) pang department secretaries at labing-anim (16) na undersecretaries ang sinibak sa puwesto ni Pangulong Rodrigo Duterte.

Ito ang inamin ni Pangulong Duterte sa kanyang talumpati sa Asia-Pacific Healthy Islands Conference 2018 sa Marco Polo Hotel, Davao City.

Ayon sa Punong Ehekutibo, gaya ng dati ay labis na ang pagbiyahe ng mga nasabing opisyal sa labas ng bansa.

“There’s climate change in Africa and they’re there. There’s climate change in New Zealand and they’re there. There’s climate change in Tokyo and they’re there. There are climate change conferences all around the world and nothing is done for the country, They just visit the cities, to hell with climate change.” Pahayag ni Pangulong Duterte

Gayunman, hindi pinangalanan ng Pangulo ang mga sinibak niyang cabinet official.

—-

Naging mainit ang rigodon sa pamunuan ng Minority Bloc sa Mababang Kapulungan ng Kongreso matapos ang tensyonadong pagpapalit ng liderato na naghalal kay dating Pangulong Gloria Arroyo bilang bagong House Speaker.

Ito’y makaraang isalang sa botohan ang pag-adopt ng plenaryo sa House Resolution 2025 upang kilalanin ang pagkakahalal kay Pampanga 2nd District Representative Gloria Macapagal-Arroyo bilang leader ng Kamara.

Tumayo ang dating Majority Floor Leader na si Ilocos Norte 2nd District Representative Rodolfo Fariñas para kuwestiyunin kung dumaan sa pinamumunuan niyang House Rules Committee ang resolusyon.

Sa gitna ng diskusyon nina Fariñas, Deputy House Speakers Rolando Andaya Jr. at Fredenil Castro, pinalagan ni ACT Teachers Party-list Representative Antonio Tinio ang pag-adopt sa nasabing resolusyon.

Bagaman sinuspende ang sesyon at nang magbalik-sesyon ay agad din naman itong in-adjourn.

‘Minority leader position, LP vs. Makabayan Bloc’

Nagbanggaan na rin ang Liberal Party at Makabayan Bloc upang makuha ang posisyon sa pagka-minority leader ng Mababang Kapulungan ng Kongreso.

Ito’y sa kabila ng House rules na dapat magsilbing minority leader ang kongresistang natalo sa pagka-House Speaker matapos ang pagkakahalal kay dating Pangulong Gloria Arroyo bilang leader ng Kamara kapalit ni dating House Speaker Pantaleon Alvarez.

Isinabak ng 12 kongresista ng LP si Marikina City 2nd District Representative Miro Quimbo para sa pagka-minority leader.

Pursigido naman si ACT Teachers Party-list Representative Antonio Tinio na makuha ng Makabayan Bloc ang liderato ng minorya dahil sila lang ang lumalaban sa lahat ng administrasyon.

—-