HOT STORIES OF THE WEEK

Sumampa na sa mahigit 8, 400 ang kaso ng tigdas simula Enero 1 ng kasalukuyang taon.

Kumpara ito sa halos 2, 400 kasong naitala sa kaparehong panahon noong isang taon.

Ayon sa Department of Health, sa gitna ng idineklarang measles outbreak sa ilang rehiyon ay umabot na sa 136 ang nasawi.

Karamihan sa mga kaso ay mula sa mga lugar na idineklara ang measles outbreak sa pangunguna ng CALABARZON na 1,875 at Metro Manila, 1,841.

Samantala, muling hinimok ni Health Secretary Francisco Duque III ang mga magulang na pabakunahan kontra tigdas ang kanilang mga anak lalo ang mga anim na buwang gulang hanggang limang taon.

Inilunsad din ng DOH ang isang infomercial sa tulong ni people’s champ at Senador Manny Pacquiao upang makahikayat ng mas maraming mamamayan na magpabakuna.

Nilagdaan na ni Pangulong Rodrigo Duterte ang upang maging isang ganap na batas Social Security System o SSS Reform Bill.

Bagaman kinumpirma ni Executive Secretary Salvador Medialdea na noon pang isang linggo nilagdaan ang naturang batas, hindi na ito nagbigay ng karagdagang detalye.

Sa ilalim ng reform law, i-o-overhaul nito ang dalawampu’t isang (21) taong SSS Charter upang isaayos ang benefit system at penalty condonation ng mga delinquent employer nang walang approval ng pangulo, itataas ang kontribusyon ng mga SSS members ng 1 percent kada taon simula ngayong taon hanggang umabot sa 15 percent upang mapahaba ang lifespan ng pension fund.

Layunin din nito na isailalim sa mandatory coverage ang mga Overseas Filipino Worker (OFWs) upang ma-protektahan sila sa oras ng pangangailangan.

—-

Tikom ang Commission on Elections (Comelec) sa ulat na aabot sa 2.4 billion pesos ang pinagsamang gastos ng labing-walong (18) senatorial candidate sa pre-campaign advertisements.

Amindo si Comelec Spokesman James Jimenez na wala silang kakayahang alamin kung saan at paano kinuha ng mga naturang kandidato ang kanilang pondo.

Ayon kay Jimenez, ang tangi nilang magagawa ay mag-monitor sa pagsisimula lamang ng campaign period.

Sa report ng Philippine Center for Investigative Journalism (PCIJ) batay sa rate card ng mga media agency, nangunguna sa may pinakamalaking gastos sa TV, radio at print ads sina dating Chief Presidential Assistant Bong Go, Ilocos Norte Governor Imee Marcos at dating Interior Secretary Mar Roxas.

Umabot sa 422.5 million pesos ang ginastos nila sa kabila ng kanyang 12.9 million pesos na networth habang 413 million pesos ang ginastos ni Marcos at 401 million pesos kay Roxas.

—-

Walang pangangailangan para isailalim sa state of calamity ang ilang lugar sa bansa dahil sa tigdas.

Ito ang iginiit ni Philippine Red Cross Chairman at Senador Richard Gordon sa kabila ng pagdedeklara ng DOH o Department of Health ng measles outbreak sa ilang lugar sa bansa.

Ayon kay Gordon, walang batayan para magdeklara ng state of calamity dahil hindi naman aniya epidemya ang nangyari sa bansa.

Sinabi ni Gordon, bagama’t marami ang nagkasait kaya ng pamahalaan na tugunan ang kasalukuyang problema sa tigdas.

Walang basis iyan, kaya naman [tugunan ng gobyerno] at tska ito’y hindi naman epidemic, this is a break out. Pahayag ni Gordon

Kasabay nito, muling nanawagan si Gordon sa mga lokal na pamahalaan na maging pro-active para mapigilan ang pagkalat pa ng tigdas o anumang sakit sa kani-kanilang nasasakupan.

Kaya nananawagan ako sa mga LGU officials, kaya the local mayors, the local health officers, they must be very proactive in preventing any disease. Libre naman ang bakuna. Paliwanag ni Gordon

#BantayTigdas

As of February 17, 1pm, we have vaccinated 1,063 children in Baseco, Manila. We have roving teams that conduct house-to-house vaccination, as well as station-based teams that perform vaccination at the Corazon Aquino Health Center in Baseco, Manila. pic.twitter.com/MkCzp2xvSs

— Philippine Red Cross (@philredcross) February 17, 2019

Tiniyak ni Senate Committee on Agriculture Chairman Cynthia Villar na hindi babahain ang bansa ng mga imported na bigas kasunod ng pagsasabatas ng Rice Tariffication Bill.

Ayon kay Villar, magiging limitado pa rin ang pag-aangkat ng bigas ng bansa dahil maliban sa ipapataw nang tatlumpu’t lima hanggang limampung porsyentong taripa sa mga imported rice.

Hindi rin aniya lahat ng bansa sa buong mundo ay producer ng bigas.

Una nang nagpahayag ng pangamba ang ilang grupo ng mga magsasaka sa posibilidad na malugi sila bunsod ng pagbaha ng mga imported na bigas sa bansa kasunod ng paglagda ng Pangulo sa Rice Tariffication Bill.

May tariff po iyan, and at the same time, I want to sell them. Limited lang po ang ating maiimport na rice. Hindi unlimited ang supply ng imported rice. Pahayag ni Villar

Samantala, sinabi naman ni SINAG o Samahang Industriya ng Agrikultura President Rosendo So, maiging maipaliwanag sa publiko ang kahalagahan ng paglalagay ng taripa sa bigas.

Binigyang diin pa ni So, mas makakabuti sa magsasaka ang batas dahil sa inilagay na taripa sa pag-aangkat ng imported rice.

Kung may tariff na makokolekta, may rice enhancement fund , na mapuounta ito sa sector ng rice farmers, may protection ang magsasaka natin ngayon. Paliwanag ni So

(Todong Nationwide Talakayan Interview)