HOT STORIES OF THE WEEK

Kinumpirma ni Pangulong Rodrigo Duterte na nakapasok na sa bansa ang dalawang pinaka-malaking international drug cartel sa mundo na Sinaloa at Medellin.

Ang Sinaloa Cartel ay binuo ng mehikanong si Joaquin Guzman alyas “El Chapo” na hinatulan ng habambuhay na pagkakabilanggo sa U.S kamakailan habang ang Medellin Cartel ay itinatag ni Pablo Escobar ng Colombia.

Sina Guzman at Escobar ang dalawang pinaka-mayaman at pinaka-makapangyarihang druglord sa kasaysayan.

Sa kanyang talumpati matapos ang paglagda sa Universal Health Care Law sa Malakanyang, inihayag ni Pangulong Duterte na ang dalawang grupo ang nagtapon ng bloke-blokeng cocaine sa karagatan ng Dinagat, Quezon at Camarines provinces.

“We have confirmed that Sinalosa and the Meddellin Cartels are in the trade now, and it’s cocaine. It was always been cocaine. But now, since Meth is now cheaper and I think more toxic for the addicts, we are buffeted on our side.”

Samantala, aminado naman ang pangulo na noon pa anya ibinabala ng US Drug Enforcement Administration na maaaring maging laganap ang narco-politics sa Pilipinas.

“I remember and this has been kept outside of public knowledge, but I supposed that Sec Alunan, from the DILG before, 4 days or 5 days ago, came out with the statement that as early as Ramos’ time, he was called by the department that takes care of the enforcement of drugs, at that time his attention was called by America that we are sailing into dark horizon of the dark and it could be a state of narcopolitics.”

Nag-negatibo sa mga tests ang isang Overseas Filipino Worker (OFW) na hinihinalang may Middle East Respiratory Syndrome Corona Virus o MERS-CoV.

Ayon kay Health Spokesperson Undersecretary Eric Domingo, may pneumonia ang nasabing 47-anyos na lalaking OFW na nagmula sa Riyadh, Saudi Arabia at ginagamot sa Research Institute for Tropical Medicine (RITM).

Ang naturang pasyente ay una nang isinugod sa Laguna Doctors Hospital bago inilipat sa RITM dahil sa pangambang may MERS-CoV infection ito.

Bumalik sa Pilipinas ang naturang OFW nitong nakalipas na February 14 at halos dalawang linggo nang may mga sintomas ng flu.

—-

Mas magiging matindi ang kampanya kontra iligal na droga ng gobyerno.

Ito ang babala ni Pangulong Rodrigo Duterte sa gitna ng magkakasunod na pagkakarekober ng bloke-blokeng cocaine sa karagatan ng Dinagat, Quezon at Camarines provinces.

Sa kanyang talumpati matapos lagdaan ang Universal Health Care Law sa Malacañang, iginiit ni Pangulong Duterte na pursigido siyang tapusin ang giyera kontra droga hanggang matapos ang kanyang termino.

“I will be more harsher in the days to come because I cannot see a country of mine, I’m not speculating on my competence or my ability but nobody can solve it in due time pero gusto kong tapusin talaga ito sa panahon ko. I have 3 years left and I’m putting notice to everybody and the same slogan hearing, maybe it leaves bad taste in the mouth everytime I say it but I have to say it, atleast you are warned. I will not allow my country to be destroyed. I will not allow my country to become a failed state because of drug, and I’m declaring war when I said I will kill anybody that stands in the way.” Ani Pangulong Duterte

May babala rin ang Punong Ehekutibo sa mga drug cartel lalo sa mga dayuhang sindikato na magpapakalat ng iligal na droga sa bansa.

“For those guys who keep on with their business on importing with the Mexicans, Chinese, or Filipino, continue to feed out children with drugs, there’s no way at talagang maabutan ko kayo. Papatayin. I’m ready to accept the consequences, I’m ready for hell but I will never, never reside over the nation that could deteriorate in my present.” Pahayag ni Pangulong Duterte

---

—-

Nilagdaan na ni Pangulong Rodrigo Duterte ang Universal Health Care Bill.

Dahil dito, mabibigyan na ng malawak na health care coverage at benepisyo sa mga Pilipino.

Nakapaloob sa naturang landmark legislation na ang lahat ng mga pinoy ay magiging otomatikong miyembro ng bubuuing national health insurance program bilang direct contributor o indirect contributor.

Ang mga direct contributor ay yung mga nagbabayad ng regular na health premiums samantalang mga senior citizens at indigents ay indirect contributors.

Mas papalawakin ng nasabing batas ang saklaw ng PhilHealth na napapakinabangan ng mga Pilipino ngayon at nangangahulugan ito ng libreng konsultasyon at iba pang diagnostic services.

Nakalagay rin sa nilagdaan batas na ang mga pinoy na naninirahan sa bansa ay makikinabang sa primary health service kahit walang PhilHealth card.

—-

Nanawagan si National Youth Commission (NYC) Commissioner Ronald Cardema kay Pangulong Rodrigo Duterte na tanggalan ng scholarship ang mga estudyanteng makikiisa sa mga rally kontra gobyerno.

Ayon kay Cardema, nilalabanan ng naturang mga estudyante ang mga pulis, sundalo at mismong gobyerno gayong paaral sila ng gobyerno.

Aniya, ang komunistang grupo ay patuloy ang ginagawang recruitment mula sa mga grupo ng mga esyudyanteng kontra sa gobyerno.

Samantala, pumalag naman dito ang National Union of Students of the Philippines (NUSP).

Iginiit ni NUSP Secretary General Raoul Manuel, ang pakikiisa sa rally ng mga estudyante ay bahagi lamang ng kanilang karapatan sa pamamahayag.

—-

Nagpahayag ng pagkabahala ang Department of Health (DOH) sa posibleng maging epekto ng lumalalang mga kaso ng tigdas o measles ang tourism industry at deployment ng mga Overseas Filipino Workers o OFW sa ibang bansa.

Ayon sa kay Health Undersecretary Eric Domingo, hindi malayong magpalabas ng mga foreign advisories ang ilang mga bansa para pagbawalan ang kanilang mga mamamayan na magtungo sa Pilipinas kung hindi mako-kontrol ang outbreak.

Gayundin ang mga OFW na kung hindi man pagbawalan na magbiyahe ay hahanapan naman sila ng vaccination records.

Aniya, una nang nagtanong ang Hong Kong health officials sa kalagayan ng tigdas sa bansa.

Taong 2016 nang ideklarang measles free ang Hong Kong at ito rin ang destinasyon ng higit dalawang daang libong (200,000) mga OFW.

—-

Apektado na rin ng measles outbreak ang ilang nakatatandang pasyente.

Sa San Lazaro Hospital sa Santa Cruz, Maynila, sumampa na sa 38 ang “adult patient” na tinamaan ng tigdas hanggang kahapon kumpara sa apat noong Pebrero 5.

Ayon kay San Lazaro Hospital Spokesman, Dr. Ferdinand De Guzman, hindi nagpabakuna noong kanilang kabataan ang mga matandang nagkasakit at ngayon lamang sila nagkasakit ng tigdas.

Ilan anya sa mga adult patient sa nabanggit na pagamutan ay nahawa sa kanilang mga anak kaya’t muling pinayuhan ni De Guzman ang publiko na mag-ingat lalo’t walang pinipiling edad ang measles.

Sa kasalukuyan ay lumobo na sa mahigit 9,200 ang measles cases sa buong bansa simula Enero batay sa datos ng Department of Health.

Mula sa naturang bilang, umakyat naman sa 146 ang namatay.