HOT STORIES OF THE WEEK

Kasado na ang mahigpit na seguridad na ipatutupad ng mga pulis sa selebresyon ng ika-tatlumpu’t tatlong anibersaryo ng EDSA People Power revolution.

Ayon kay National Capital Region Police Office o NCRPO Director Guillermo Eleazar may sapat na bilang ang ipinakalat ng Quezon City Police District para tiyakin ang seguridad ng mga makikiisa sa aktibidad sa People Power monument.

Patuloy din aniya ang kanilang pakikipag-ugnayan sa iba’t ibang grupo para sa mga ikinakasang pagkilos.

Samantala, hinikayat naman ng Eastern Police District (EPD) ang publiko na i-report agad sa mga awtoridad ang anumang magaganap na untoward incident sa numerong 641-0877 o 0917-728-3790 o kaya ay mangyaring magpadala lamang ng mensahe sa kanilang Facebook account na EPD ang Pamamarisan at Twitter account na @epdpio.

EDSA People Power celebration

Nagsama-sama ang ilang kabataan, madre at iba pang miyembro ng Simbahang Katoliko para gunitain ang anibersaryo ng EDSA People Power revolution.

Sa La Salle Greenhills, nagtipon ang mga grupo upang ipahayag ang kanilang hinaing na may temang hustisya at kapayapaan.

Nagsama-sama rin ang mga kaanak ng biktima ng martial law sa Bantayog ng mga Bayani sa lungsod ng Quezon.

Kabilang sa mga nakiisa sa pagtitipon sina dating Chief Justice Maria Lourdes Sereno at dating Senador Rene Saguisag.

—-

Nananawagan si Vice President Leni Robredo sa mga Pilipino na isantabi ang politika sa paggunita sa ika-33rd anibersaryo ng 1986 EDSA People Power Revolution.

Ayon kay Robredo, dapat nang matigil ang maling pakahulugan sa EDSA Revolution na idinidikit lamang bilang tagumpay ng mga tinatawag na dilawan.

Iginiit ni Robredo, hindi ito dapat ibinibigay lamang sa isang kulay o grupo sa politika, bagkus ay isiping tagumpay ito ng lahat ng nakiisa para mapatalsik ang diktador na si dating Pangulong Ferdinand Marcos.

Dagdag pa ng bise presidente, dapat ito maging paalala sa lahat na hawak ng mga nagkakaisa at ordinaryong mamamayan ang kapangyarihan sa isang demokratikong bansa.

Muling nakarekober ng nasa tatlumpu’t anim na bloke ng hinihinalang cocaine ang mga awtoridad sa baybayin ng Tandag City, Surigao del Sur.

Ayon kay Caraga Police Regional Director Chief Supt. Gilbert Cruz, dalawang mangingisdang kinilalang sina Ronnie Navales at Ryan Apelo ang nakakita sa mga nasabing kontrabando na palutang lutang sa karagatang bahagi ng barangay Bugtod.

Agad naman aniyang ipinagbigay alam ng mga ito sa Surigao del Sur PNP ang mga nakita.

Dagdag ni Cruz, kanilang nakumpirmang cocaine ang mga nakuhang kontrabando matapos nilang isailalim ang ito sa imbentaryo kasama ang Surigao del Sur crime laboratory at Tandag City Mayor Alexander Pimentel.

Sa ngayon, hawak na ng Police Regional Office 13 ang narekober na cocaine para sa mga karagdagang pagsusuri at tamang disposition.

Ito na ng ikatlong pagkakataon na nakakuha ng mga bloke-blokeng cocaine sa Caraga region kasunod ng mga unang nakita sa Siargao at Dinagat islands.

PANOORIN:
Mga nakumpiskang cocaine sa Tandag City, Surigao de Sur | via @jaymarkdagala pic.twitter.com/aoT3tE6vBi

— DWIZ Newscenter (@dwiz882) February 24, 2019

Pinanumpa ng Pangulong Rodrigo Duterte si MILF Chairman Al Hajj Murad Ebrahim bilang chief minister ng BARMM o Bangsamoro Autonomous Region in Muslim Mindanao.

Si Murad ang mangunguna sa 80 miyembro ng BTA o Bangsamoro Transition Authority para pamunuan ang mas pinalawak na autonomous region sa Mindanao.

41 sa 80 na miyembro ng BTA ang nagmula sa MILF samantalang kabilang rin ang mga halal na opisyal ng nabuwag na Autonomous Region in Muslim Mindanao hanggang matapos ang kanilang termino sa June 30, 2019.

Pamumunuan ng BTA ang BARMM hanggang sa magkaruon ng regular na eleksyon ng mga miyembro ng BARMM parliament sa 2022.

Ayon sa pangulo ang BARMM ang katuparan ng pangarap na pagtatapos ng ilang dekada nang labanan sa Mindanao.

Lumobo ng halos 60 porsyento ang budget deficit ng bansa para nitong 2018.

Nagkakaruon ng budget deficit kapag gumastos ang pamahalaan ng sobra kumpara sa kinita nito.

Sa inilabas na datos ng Bureau of Treasury, umabot sa mahigit P558 billion ang budget deficit para sa 2018 o 59 na porsyentong mas mataas sa mahigit P350 billion budget deficit nuong 2017.

Ayon kay Budget Secretary Benjamin Diokno, maituturing rin namang positibo ang paglobo ng budget deficit dahil tinaasahan nila ang paggastos ng pamahalaan sa mga infrastructure projects na kabilang sa programang ‘Build Build Build’.

Para nitong 2018, umabot sa mahigit P2.8 trillion ang kinita ng pamahalaan o 15 prosyentong mas mataas sa P2.47 trillion na kita nuong 2017.

Naging malaking tulong sa pagtaas ng kita ng gobyerno ang pagpapatupad sa TRAIN o Tax Reform Acceleration and Inclusion law kung saan aabot sa mahigit P60 billion ang madaragdag sa kita ng pamahalaan.

Kasado na ang isasagawang oath-taking ceremony at ceremonial confirmation sa mga miyembro na bubuo sa BTA o Bangsamoro Transition Authority mamayang hapon sa Malakanyang.

Ayon sa Malakanyang  manunumpa sa harapan ni pangulong rodrigo duterte ang 80 miyembro ng bta na mamumuno sa bagong bangsamoro region.

Sa ngayon wala pang inilalabas ang Mlakanyang na listahan ng mga pangalan ng mga kasama sa 80 miyembro ng BTA.

Si Pangulong Duterte ang hihirang sa BTA members kabilang ang chief minister.

Batay sa Bangsamoro Organic Law, otomatik na magiging miyembro ng BTA ang kasalukuyang opisyal ng Autonomous Region in Muslim Mindanao (ARMM) hanggang sa mapaso ang kanilang termino sa June 30, 2019.

Ang BTA ang magsisilbing interim government para sa BARMM hanggang sa pagsapit ng eleksyon sa taong 2022.

with report from Jopel Pelenio (Patrol 17) 

Maaaring nakapangalap na ng karagdagang ebidensya si Pangulong Rodrigo Duterte laban sa bigtime umanong druglord na si Peter Lim.

Ito ang inihayag ni Presidential Spokesman Salvador Panelo matapos ang panibagong banta ni Pangulong Duterte kay Lim.

Posible anyang nakumbinse na ang Pangulo na sangkot sa iligal na droga ang negosyanteng Cebuano na kanya pang naging kumpare sa dinaluhang kasal noong 2016.

“There could be basis for that siguro sometime ago… eh baka marami nang ebidensya to convince the President that is really behind many operations concerning drug activities.

You must remember that Peter Lim, at one point denied that at siguro lalong pinaimbestigahan ni Presidente baka marami na siyang basis.” Ani Panelo

Matatandaang sinabihan ng Pangulo si Lim na magpakamatay na lamang ito sa halip na sumuko sa mga awtoridad.

“I am warning yung mga nasa Visayas. Peter Lim, if I were you I would commit suicide, never ever surrender to me alive, you will commit suicide. I-abbreviate mo na, ikaw pa magtali sa leeg mo (just tie a noose around your neck).”  Pahayag ng Pangulong Duterte

—-