HOT STORIES OF THE WEEK

HEADLINES HOT STORIES OF THE WEEK INTERNATIONAL NEWS

Bilang ng nasawi sa ‘Easter Sunday bombings’ sa Sri Lanka patuloy sa pagtaas

(This is a developing story. Please refresh the website for updates).

Sumampa na sa mahigit 200 ang nasawi habang nasa 450 ang sugatan sa magkakasunod na pambobomba sa ilang panig ng Sri Lanka kasabay ng pagdiriwang ng Easter Sunday o Linggo ng Pagkabuhay.

Ayon sa Sri Lankan government, walong magkakasunod na pagsabog ang yumanig sa tatlong simbahan, apat na hotel at isang bahay sa kabisera na Colombo, mga lungsod ng Negombo at Batticaloa .

Karamihan sa mga biktima ay kristyano na dumadalo sa Easter Sunday mass sa Saint Anthony’s Shrine sa Colombo, Saint Sebastian Church sa Negombo at Zion Church sa Batticaloa.

Kabilang din sa mga nasawi ang 35 dayuhan na naka-check in sa Cinnamon Grand, Shangri-la at Kingsbury na pawang luxury hotel sa Colombo.

Samantala, pitong suspek naman ang naaresto habang nagpatupad na ng nationwide curfew sa buong bansa at hinigpitan na rin ang seguridad sa Bandaranaike International Airport sa Colombo.

DFA tiniyak na walang pilipinong nadamay sa magkakasunod na pambobomba sa Sri Lanka

Walang Pilipino na nadamay sa Easter Sunday bombings sa ilang bahagi ng Sri Lanka.

Ito ang tiniyak ng Department of Foreign Affairs matapos umabot sa mahigit 200 katao ang nasawi at 450 iba pa ang nasugatan sa walong magkakasunod na pambobomba sa ilang simbahan at hotel.

Ayon sa DFA, nakikipag-ugnayan na sila sa mga Filipino community leader sa Sri Lanka.

Nakiramay at nagpahayag naman ng pakikiisa ang DFA maging ang Malakanyang sa Sri Lankan government at sa mga biktima.

Samantala, bukod sa Pilipinas ay kinondena rin ng iba pang bansa sa pangunguna ng US, India at Britanya maging ni Pope Francis ang magkakasunod na pambobomba na isa anilang uri ng terorismo.

April 22, 2019 0 comment

HEADLINES HOT STORIES OF THE WEEK

Batas ukol sa ‘work from home’ bitin ayon kay Bello

written by Judith Estrada-Larino

Bitin ang Work from Home Law o Telecommuting Act.

Ayon ito kay Labor Secretary Silvestre Bello III dahil hindi mandatory ang nasabing batas.

Sinabi sa DWIZ ni Bello na naka-depende pa rin sa employer kung papayagan ang mga empleyado nitong mag trabaho sa kani-kanilang mga bahay.

“Hindi naman mandatory eh, voluntary, ibig sabihin kung halimbawa ang manggagawa gusto niya sabi niya “Sir, puwede ba dito na lang ako sa bahay tutal ang magagawa ko sa opisina ay magagawa ko rin sa bahay.” Kapag sinabi ng employer na okay, e di tuloy ‘yan pero kapag sinabi ng employer na, “Ay gusto ko andito ka lang sa opisina para natitiyak ko na kapag kailangan namin ang serbisyo mo ay andiyan ka.” Eh hindi ma-implement ‘yang telecommuting bill na ‘yan.” Pahayag ni Bello

Gayunman, tiwala si Bello na mabubusisi muli ng mga mambabatas ang Telecommuting Act para sundin na ito ng lahat ng employer.

“Pero sana later on Congress should study the possibility of making it mandatory, in other words if the worker says “it’s better I work at home, I will deliver better, it will also provide better working condition for me, I will avoid traffic and additional expenses”, then magiging makabuluhan ang batas na ‘yan.” Dagdag ni Bello

(Balitang Todong Lakas Interview)

April 17, 2019 0 comment

HEADLINES HOT STORIES OF THE WEEK

Pangulong Duterte nanawagan ng tigil-putukan sa NPA

written by DWIZ 882

Nanawagan ng agarang ceasefire o tigil-putukan sa New People’s Army (NPA) si Pangulong Rodrigo Duterte.

Sa kanyang talumpati sa campaign rally ng PDP-Laban sa Tuguegarao City Cagayan, iginiit ni Pangulong Rodrigo Duterte na dapat nang itigil ng mga rebelde ang kanilang ginagawang pag-atake sa mga sundalo at panghihingi ng revolutionary taxes.

Ito aniya ay kung nais ng mga ito ng tunay at matinong usapang pangkapayapaan.

“Yung mga NPA, gusto talaga ninyo ng usapang matino, immediate ceasefire.” Walang magdala ng armas sa kampo ninyo, walang taxation, walang pagsunog.” Ani Pangulong Duterte

Kasabay nito, muling inulit ni Pangulong Duterte ang alok kay Communist Party of the Philippines (CPP) Founding Chairman Joma Sison na bumalik ng bansa para makipag-usap sa gobyerno.

”Umuwi ka dito, Sison. Ako’ng bahala sa ‘yo. Hindi ako traydor na tao. I give you my word of honor. Mag-usap tayo.”

But nothing about coalition gov’t. You can never have even an iota of the sovereign power of the Republic of the Philippines.” Pahayag ni Pangulong Duterte

—-

April 17, 2019 0 comment

HEADLINES HOT STORIES OF THE WEEK NATIONAL NEWS

Mga probisyon sa 2019 budget na ipinawalang-bisa tinukoy

written by DWIZ 882

Presidential Photo

Hindi papayagan ni Pangulong Rodrigo Duterte ang anumang tangka na salungatin ang konstitusyon o aksyon na makakasira sa taumbayan.

Ito ang bahagi ng ipinalabas na veto message ni Pangulong Duterte sa General Appropriations Act of 2019 o ang national budget.

Aniya, aminado ang pamahalaan na hindi naging matiwasay ang pagpapasa sa 2019 national budget na taliwas sa inaasahan ng lahat.

Gayunman, sinabi ng Pangulo na maaaring positibong tingnan ang nasabing pagkakaantala sa matibay na commitment ng mga mambabatas na gawin ang mga hakbang para sa kabutihan ng lahat.

Sa nasabing veto message, tinukoy rin ang labindalawang (12) probisyon sa national budget na tinanggal o ipinawalang-bisa ni Pangulong Duterte.

Kabilang dito ang paggamit sa kita ng DOLE-National Labor Relations Commission, pagpapatupad ng DPWH, DTI at iba pang ahensiya sa mga proyektong popondohan ng excise tax mula sa mga sigarilyo.

Ni-line veto rin ng Pangulo ang Section 96 ng national budget para sa cost of devolved health services ng local government units, paggamit ng calamity fund para sa mga sakuna o kalamidad na naganap dalawang taon na makalipas ang fiscal year.

Gayundin ang probisyon na nagbibigay ng special road support fund, special local road fund at special vehicle pollution control fund sa ilalim ng DPWH kasunod ng pagkakabuwag sa Road Board.

—-

April 17, 2019 0 comment

HEADLINES HOT STORIES OF THE WEEK NATIONAL NEWS

Seguridad para sa darating na halalan sa Mayo plantsado na

written by DWIZ 882

Nagsanib puwersa na ang Commission on Elections (Comelec), Armed Forces of the Philippines (AFP) at Philippine National Police (PNP) para sa ilalatag na seguridad sa nalalapit na May 2019 midterm Elections

Kanina, lumagda ng joint letter of directive sina Comelec Chair Sherrif Abbas, AFP Chief of Staff Gen. Benjamin Madrigal at PNP Chief Gen. Oscar Albayalde sa isinagawang high tri-level meeting ng tatlong ahensya ng pamahalaan.

Dumalo rin sa nasabing pulong sa Kampo Aguinaldo ang lahat ng mga area commanders ng AFP gayundin naman ang mga ground commanders ng PNP kabilang na si NCRPO Director PM/Gen. Guillermo Eleazar.

Sinabi ni Madrigal, ang pagsasanib puwersang ito ng militar at pulisya ay bahagi ng kanilang pagsusumikap na matiyak na magiging tahimik, mapayapa at maayos ang ikakasang halalan.

Sa ngayon, nagpapatuloy ang umiiral na gun ban, pinalakas din ng PNP ang kanilang kampanya laban sa krimen at mga loose firearms.

Kuntento naman si Comelec Chairman Abbas sa inilatag na seguridad ng militar at pulisya at maituturing naman aniyang managable ang sitwasyon sa buong bansa.

Apela naman ng AFP sa publiko, makipag-ugnayan agad sa mga awtoriad kung may mapapansin silang kakaiba sa kani-kanilang nasasakupan.

Rekomendasyong tanggalan ng police escort ang mga sa narco-list inirekomenda na ng PNP sa Comelec

Pagpapasyahan ngayong hapon ng Comelec En Banc kung pagbibigyan nila ang rekomendasyon ng pambansang pulisya na matanggalan ng police security detail ang mga kandidatong kabilang sa tinaguriang narco-list.

Ito ang kinumpirma ni Comelec Chairman Sherrif Abbas matapos ang isinagawang joint security coordinating center meeting para sa 2019 mid-term elections sa mayo na ginawa sa Kampo Aguinaldo kanina.

Magugunitang ipinag-utos ng Comelec nuong enero sa pnp na tanggalin ang lahat ng police escort ng mga tatakbo sa halalan subalit may mangilan-ngilan pa rin ang nag-apply para rito.

Ayon naman kay PNP Chief Gen. Oscar Albayalde, tutukuyin pa nila kung sinu-sino sa kanilang listahan ng mga pulitiko ang napagbigyan ng security escort.

Sa katunayan, pinag-aaralan na rin nila kung tatanggalan na rin ng security escort ang mga pulitikong may kaugnayan sa CPP-NPA partikular na iyong mga nagbabayad ng permit to campaign at permit to win.

Pero paglilinaw ni Albayalde, tanging ang mga pulis na nagsisilbing personal bodyguards lamang ang tatanggalin ng PNP at hindi iyong mga ipinakalat sa paligid ng kanilang mga aktibidad.

Honorarium ng mga guro sa eleksyon tiniyak ng Comelec

Tiniyak ng Commission on Elections (Comelec) sa mga Guro na magsisilbing Board of Election Inspectors (BEI) na matatanggap pa rin nila ang kanilang honorarium.

Iyan ang reaksyon ni Comelec Chairman Sherrif Abbas matapos ganap na lagdaan ni Pangulong Rodrigo Duterte ang national budget para sa taong ito

Sa isinagawang joint security coordinating center meeting sa Kampo Aguinaldo kanina, sinabi ni Abbas na kahit inaprubahan ang budget o ito may reenacted, may nakalaan pa rin naman aniyang P1.5 billion para sa mga guro.

—–

April 17, 2019 0 comment

HEADLINES HOT STORIES OF THE WEEK

PH protest kontra China dahil sa paghango ng giant clams sa Scarborough inihain

written by DWIZ 882

Kumikilos na ang Department of Foreign Affairs (DFA) upang papanagutin ang China sa di umano’y maramihang paghango ng giant clams sa Scarborough Shoal.

Sa kanyang Twitter account, sinabi ni Foreign Affairs Secretary Teddy Boy Locsin na nahuli na rin nilang ginagawa ito ng China kaya’t naghain sila ng diplomatic protest.

Pinag-aaralan na rin aniya ng kanilang legal department ang kaso na maaaring isampa laban sa mga nasa likod ng illegal na paghango ng giant clams sa teritoryong inaangkin ng Pilipinas.

Una rito, ibinunyag ng ilang mangingisdang Pilipino na habang itinataboy sila sa pangingisda sa Scarborough, ilang wooden trollers na may bandila ng China ang humahango naman ng giant clams sa naturang lugar.

—-

April 16, 2019 0 comment

HEADLINES HOT STORIES OF THE WEEK

Luzon grid nasa normal na kondisyon na—DOE

written by DWIZ 882

Magandang balita…walang aasahang rotational brown out ngayong araw na ito.

Bunga ito ng unti-unti nang pagbabalik sa normal ng supply ng kuryente lalo na sa Luzon grid.

Ayon sa abiso ng National Grid Corporation of the Philippines (NGCP), dalawa sa mga nasirang planta ang papasok na sa sistema simula April 16.

Dahil dito, mayroon nang sapat na reserba ng kuryente kaya’t walang aasahang yellow o red alert sa araw na ito na tulad ng mga nangyari nitong mga nakalipas na araw.

Nitong April 2 hindi inaasahang bumagsak ang Pagbilao Unit 3 na may 420 megawatt capacity samantalang April 11 naman bumagsak ang Limay Unit 2 na may 150 megawatt capacity.

Inaasahan namang papasok na rin sa sistema ang SLPGC Unit Two na may 150 megawatt capacity sa April 21.

DOE probes

Samantala, iniimbestigahan na ng DOE ang sunod-sunod na pagsasailalim sa red alert ng Luzon grid na nagresulta sa malawakang rotational brownout noong nakaraang Biyernes.

Ayon kay Energy Undersecretary Felix William Fuentebella, oras na makumpleto na nila ang lahat ng impormasyon sa insidente, agad nila itong isusumite kaya Pangulong Rodrigo Duterte, Energy Regulatory Commission (ERC) at Philippine Competition Commission.

Tiniyak din ni Fuentebella na kanilang ipagbibigay-alam sa publiko ang mga makakaalap na impormasyon bilang pagtutupad sa mga polisiya para maprotektahan ang kapakanan ng mga consumers.

Binigyang diin naman ng opisyal na hindi nagkulang ang DOE sa pagpaplano sa usapin ng suplay ng enerhiya sa bansa bagkus ang mga generation companies na sapilitang nagsasara.—Krista de Dios

—-

April 16, 2019 0 comment

HEADLINES HOT STORIES OF THE WEEK NATIONAL NEWS

9 na mga simbahan at kapilya sa Intramuros bukas ngayong Holy Week

written by DWIZ 882

Target ng Intramuros administration na magbalik ang mga mananapalataya at turista sa Intramuros Manila ngayong Semana Santa.

Ayon kay Intramuros Administrator Guiller Asido, kung pagbabatayan ang kasaysayan, sentro aniya ng pananampalataya at puntahan tuwing Semana Santa ang Intramuros.

Ito ang dahilan kaya sa kauna-unahang pagkakataon, siyam na simbahan at kapilya sa loob ng Intramuros ang bubuksan sa publiko kasabay ng paggunita ng Mahal na Araw.

Mula alas -8:00 ng umaga hanggang alas-12:00 ng hatinggabi ng Huwebes Santo hanggang Sabado de Gloria bukas ang Manila Cathedral, San Agustin Parish Church at Guadalupe Shrine sa loob ng Fort Santiago.

Gayundin ang mga chapel ng Knights of Columbus Building, Pamantasan ng Lungsod ng Maynila, Mapua University, Lyceum of the Philippines University, Colegio de San Juan de Letran at BIR building.

Maglalagay din ng mga stations of the cross sa kahabaan ng General Luna Street mula Beaterio hanggang Muralla Street.

Magkakaroon din ng prusisyon at programa ng penetencia sa Plaza Roma sa harapan ng Manila Cathedral sa Huwebes Santo.

—-

April 16, 2019 0 comment

HEADLINES HOT STORIES OF THE WEEK NATIONAL NEWS

2019 national budget nilagdaan na ni Pangulong Duterte

written by DWIZ 882

Nilagdaan na ni Pangulong Rodrigo Duterte ang 2019 National Budget o Republic Act 11260.

Ayon kay Senate President Tito Sotto, hindi na magkakaroon ng ceremonial signing matapos pirmihan kahapon ni Pangulong Duterte ang pambansang pondo.

Gayunman, may mga ivineto anya ang pangulo na karamiha’y illegal realignments na ginawa ng kamara na aabot sa 95.3 billion pesos.

Ito, anya, ay dahil hindi bahagi ang nasabing realignments sa mga priority project ng punong ehekutibo.

(with report from Cely Ortega- Bueno)

April 16, 2019 0 comment

HEADLINES HOT STORIES OF THE WEEK

Blue alert status itataas ng NDRRMC simula Huwebes Santo

written by DWIZ 882

Magtataas ng blue alert status ang National Disaster Risk Reduction and Management Council o NDRRMC simula sa Huwebes Santo, Abril 18.

Ayon kay NDRRMC Spokesman Edgar Posadas, sa ilalim ng naturang alerto, 24-oras aniyang naka-duty ang kanilang mga tauhan sa kanilang operations center.

Maliban dito ay naka-alerto din ang mga tauhan ng Armed Forces of the Philippines (AFP), Philippine National Police (PNP), Philippine Coast Guard (PCG) at Bureau of Fire Protection (BFP) para sa mabilis na pagresponde.

Iiral ang blue alert status hanggang sa Abril 21 o Linggo ng Pagkabuhay.

“Mas maigting po ang ating pagtutok sa mga pangangailangan ng ating mga biyaher, sa mga magbabakasyon kung kinakailangan ngayong Semana Santa, wala tayong ini-expect na threat kaya lang ito po ay para lang masigurado natin na kapag may nangailangan kasi nationwide ang binabantayan natin, lahat ng mga pagbibiyahe ay para matugunan natin, at ang pag-raise po natin ng alert ay para sa paghahanda kung kinakailangan lamang, pero monitoring lang po tayo.” Ani Posadas

Tiniyak ni Posadas na nakabantay sila sitwasyon sa iba’t ibang bahagi ng bansa ngayong Semana Santa.

“Binabantayan natin ang kanilang preparedness measures, response preparations, at kung saka-sakali po we are expecting ‘yung kanilang mga reports kung may mga pangyayari, pero so far wala pa naman tayong namo-monitor simula kahapon hanggang ngayon and I hope it stays that way.” Dagdag ni Posadas

Ligtas na Semana Santa

Gawing ligtas at iwas sa aksidente ang pagdaraos ng Semana Santa.

Ito ang panawagan ngayon ng NDRRMC sa publiko na inaasahang dadagsa sa iba’t ibang bakasyunan ngayong Holy Week.

Pinaalalahanan ni NDRRMC Spokesperson Edgar Posadas ang mga magulang na huwag pabayaang lumangoy ang mga bata na walang nakabantay na nakakatanda upang maiwasan ang mga insidente ng pagkalunod.

“Huwag po natin hayaang lalo na ang mga bata kahit marunong lumangoy na walang kasamang matanda, kagaya ngayon nire-require na natin ngayon sa mga swimming pools, resorts at beaches na dapat meron tayong life guards na nakatutok, gayundin po ang mga adults sa pamilya dapat sinasamahan natin ang mga bata.” Ani Posadas

Kasabay nito, binalaan din ni Posadas ang publiko hinggil sa masamang epekto ng pagbabad sa matinding sikat ng araw.

“Ang direktang epekto ng nakatutok tayo sa araw ay unang-una na ang heat related effects gaya ng heat exhaustion, heat stroke, kaya dapat may tubig palagi at huwag masyadong matagal na naka-expose sa araw.” Pahayag ni Posadas

(Ratsada Balita Interview)

April 15, 2019 0 comment

Newer Posts

Older Posts