HOT STORIES OF THE WEEK

Tinatayang mahigit 18,000 na mga barangay pa sa buong bansa ang kinakailangang malinis sa ilegal na droga.

Ito’y ayon kay Philippine Drug Enforcement Agency (PDEA) Chief Director General Aaron Aquino kung saan layon aniya ng kanilang ahensya na malinis na sa illegal drugs ang nasa 18,712 na mga barangay sa taong 2022.

Katumbas ng naturang bilang ang 44.5% ng kabuuang 42,045 na mga barangay sa buong bansa.

Sa naitalang bilang na 18,712 barangays —7,817 sa mga ito ay itinuturing bilang ‘slightly affected’; 10,616 bilang ‘moderately affected’; at nalalabing 278 bilang ‘seriously affected’ sa ilegal na driga.

Ayon sa PDEA, ang mga barangay na inihahanay sa ‘slightly affected’ ay iyong mga mayroon pang napapaulat na presensiya ng droga sa kanilang lugar; ‘moderately affected’ naman kung mayroon pang mg napapaulat na mga nagbebenta ng ilegal na droga bukod pa sa gumagamit nito; at ‘seriously affected’ kung mayroon pang napapaulat ng presensiya ng lugar na pinamumugaran ng droga o drug den, drug laboratory, taniman ng marijuana at kung talamak pa rin ang mga personalidad na gumagamit, nagbebenta, protektor, financier, at manufacturer ng illegal drugs.

Lumalabas naman sa datos ng PDEA na naitala sa National Capital Region (NCR) ang pinakamataas na rate na 72.7% ng mga barangay na apektado pa rin ng illegal drugs.

Narito naman ang mga rehiyon na nakapagtala rin ng mataas na rate na drug-affected barangays:

• Region VII – 72.4%
• Region V – 68.9 %
• Region III – 63.6%

Samantala, ilang rehiyon naman ang mayroon pa ring mababang rating ng drug-affected barangays:

• CAR – 7.2%
• Region VIII – 17.5%
• Region XIII – 17.7%
• Region IV-A – 55.7%

Magiging isang ‘failure’ o kabiguan ang ‘kampanya kontra droga’ kung si Bise Presidente Leni Robredo ang aatasan upang pamahalaan ito.

Ito, ayon kay Arsenio “Boy” Evangelista, pangulo ng Volunteers Against Crime and Corruption (VACC), ay dahil malambot ang atake ni Robredo sa mga isyu sa bansa, bagay na salungat sa kinakailangan upang pangasiwaan ang ‘war on drugs’ —ang pagiging matigas at matapang.

The war on drugs will be a failure pag si VP Leni ang inatasan dito sa laban na to,” ani Evangelista.

Dapat aniyang yakapin na lamang ni Robredo ang platform ng ‘war on drugs’ na kailangan nito ang isang matapang na tagapamahala.

Ang maitutulong niya is yung full support, yakapin niya ‘yung platform ng ‘war on drugs’ na kailangan strong talaga,” ani Evangelista.

Nanawagan naman si Evangelista kay Pangulong Duterte na huwag na nitong ituloy ang kanyang hamon kay Robredo na handa nitong ang kaniyang kapangyarihan para magpatupad ng batas na tatapos sa problema sa droga sa loob ng anim na buwan. — sa panayam ng Ratsada Balita

Hinamon ni Pangulong Rodrigo Duterte si Vice President Leni Robredo na ipakita ang kaniyang galing at lutasin ang problema sa ilegal na droga sa loob ng anim na buwan.

Ito’y matapos manawagan si Robredo sa pangulo na payagan ang United Nations na imbestigahan ang ‘war on drugs’ ng pamahalaan dahil tila aniya hindi naman ito epektibo.

Sa kaniyang talumpati sa oath taking ng mga bagong opisyal ng gobyerno sa Malacañang, hindi naitago ng pangulo ang kaniyang pagka-inis kay Robredo dahil sa pagkuwestiyon nito sa anti-drug war ng pamahalaan.

Ayon sa pangulo, handa siyang ibigay sa bise presidente ang kaniyang kapangyarihan para magpatupad ng batas na tatapos sa problema sa droga sa loob ng anim na buwan.

Sa ambush interview matapos ang oath taking, inalok pa ni Pangulong Duterte si Robredo na maaari niyang gawin itong drug czar para maipakita aniya ng bise presidente ang kaniyang kakayahan.

Balik-trabaho na si Pangulong Rodrigo Duterte ngayong araw natapos makaramdam ng pananakit ng likod dahil sa muscle spasm.

Ito ay sa kabila ng payo ng doktor na dapat magpahinga ang pangulo at iwasan ang mga nakakapagod ng aktibidad.

Ayon kay Presidential Spokesman Salvador Panelo, tuloy ang pakikipagpulong ng pangulo kay Chinese Vice Premier Hu Chunhua upang pag-usapan ang mga infrastructure projects na popondohan ng China.

Hindi rin papapigil ang pangulo sa kanyang mga nakalinyang foreign trips gaya ng ASEAN Summit sa Thailand sa November 1 hanggang November 4 at APEC Economic Leaders’ Meeting sa Chile sa ikalawang linggo ng November.

Sinabi ni Panelo na gagampanan pa rin ng pangulo ang kanyang presidential duties na may kaparehong sigla at dedikasyon alinsunod sa mandato sa kanya ng konstitusyon.

Lumutang ang ilang video ng pagmamaltrato ng mga upperclassmen sa mga plebo o 4^th class cadets sa loob mismo ng Philippine Military Academy (PMA).

Makikita sa video ang pagsipa, paninikmura at panghahampas pa ng helmet   na   bahagi   ng    sinasabing pangangatay o salitang PMA na nangangahulugan ng pag-hazing sa mga plebo ng mga upperclassmen.

Kinumpirma naman ng pamunuan ng PMA na kuha ang nasabing video sa loob ng akademiya.

Ayon kay PMA Public Information Office Chief Captain Cherryl Tindog, 5 sa 6 na mga upperclassmen na sangkot sa pangmamaltrato sa mga plebo sa nabanggit na video ang hiniwalay na sa kanilang holding area.

Habang ang isa naman ay matagal nang natanggal sa PMA dahil sa ibang paglabag at ang mga plebo na minamaltrato ay nasa ikatlong taon na sa PMA.

Tiniyak ni Tindog na bagama’t 2017 pa nangyari ang insidente at hiwalay sa kaso ng pambubugbog at pagkamatay ni cadet 4^th Class Darwin Dormitorio, kanila itong iimbestigahan.

Mapapaaga ang uwi ni Pangulong Rodrigo Duterte sa Pilipinas mula sa Japan.

Ayon kay Presidential Spokesman Salvador Panelo, lilipad na pabalik ng Pilipinas si Pangulong Duterte mamayang gabi dahil aniya sa ‘unbearable pain’ na iniinda ng pangulo sa kanyang spinal column malapit sa pelvic bone.

Nakatakda ring magpakonsulta sa isang neurologist si Pangulong Duterte bukas, Oktubre 22, 2019.

Samantala, bago ang naturang pahayag ni Panelo ay unang nakita sa ibinahaging larawan ni Senador Bong Go na may hawak na tungkod ang pangulo habang naghahanda para sa pagdalo nito sa enthronement ni Japan Emperor Naruhito.

TINGNAN: Pangulong Duterte, dadalo sa enthronement ni Japan Emperor Naruhito nang naka-tungkod | via @joelynharp pic.twitter.com/ZPA8RHARc8

— DWIZ Newscenter (@dwiz882) October 22, 2019

Kasama ng pangulo ang kanyang anak na si Davao City Mayor Sara Duterte at Senador Bong Go.

Samantala, si Sara Duterte naman ang magrerepresenta sa pangulo at dadalo sa Emperor’s Banquet ngayong araw at sa Prime Minister’s Banquet bukas.

Magugunitang noong nakaraang Huwebes, Oktubre 17, 2019 ay naaksidente sa kanyang motorsiklo ang Pangulong Duterte at nagtamo ng galos sa ilang bahagi ng katawan.

Tila pahayag lamang ng isang tao ang sinasabing ‘malaking utang’ o hindi pagbabayad ng utang ng PhilHealth sa mga pribadong ospital.

Ito, ayon kay PhilHealth President Ricardo Morales, ay taliwas sa mga pahayag ni Dr. Rustico Jimenez, pinuno ng Private Hospitals Association of the Philippines (PHAP) na ang ilang miyembro aniya ay nakakausap naman nila.

Wala rin aniyang mga pribadong ospital ang nagpatanggal ng accreditation sa PhilHealth, base na rin sa record nila.

Nakakausap namin ‘yung mga sinasabi niyang mga kasapi niya, iba naman ang sinasabi nila, mayroon nga kaming mga payable pero hindi naman ganoon kalaki, tyaka we are working together para ma-update itong mga accounts na ‘to,” ani Morales. — sa panayam ng Balitang Todong Lakas