HOT STORIES OF THE WEEK

Lumapag na sa bansa ang karagdagang 1.5-milyong doses ng Sinovac COVID-19 vaccine sa bansa ngayong umaga ng Biyernes, ika-7 ng Mayo.

Lulan ng Cebu Pacific flight ang 1.5-milyong doses na ito na, sa ngayon, ay ang pinakamalaking shipment ng Sinovac vaccine na kabilang sa mga binili ng pamahalaan.

Sinalubong naman nina Health Secretary Francisco Duque III at vaccine czar Carlito Galvez Jr. ang pagdating ng naturang mga bakuna.

LIVE: Pagdating ng 1.5-milyong dose ng Sinovac vaccine sa bansa https://t.co/kI3HyZqBP2 | via @raoulesperas pic.twitter.com/Bl9apU9boW

— DWIZ Newscenter (@dwiz882) May 7, 2021

Samantala, sa kabuuan ay nasa 5-milyong doses na ng Sinovac vaccine ang dumating sa Pilipinas; 1.5-milyon ngayong ika-7 ng Mayo, kapwa 500,000 noong ika-29, ika-22, at ika-11 ng Abril, 1-milyon noong ika-29 ng Marso, 400,000 noong ika-24 ng Marso, at 600,000 naman noong ika-28 ng Pebrero.

Donasyon naman ng pamahalaan ng China ang una at ikalawang batch ng Sinovac vaccine na dumating sa bansa. —ulat mula kay Raoul Esperas (Patrol 45)

Hindi na muna  ipapagamit ang bakuna ng Sinopharm sa bansa.

Ito ayon kay Pangulong Duterte sa kanyang ulat sa bayan, kagabi.

Matapos makatanggap ng kritisismo sa medical experts noong nagpaturok ang pangulo sa nasabing brand kamakailan.

Ako mismo, nagpaturok. It was the decision of my doctor. It’s my life, ani Duterte

Batay sa ulat, hindi dumaan sa masusing pag-susuri ang bakuna kung gaano epektibo ito laban sa COVID-19.

Sa huli, humingi ng pumahanin ang Pangulong Duterte sa publiko at nangko ipapatigil na ang pagpapadala ng Sinopharm sa bansa.

Para walang ano, tanggalin na lang namin. We are sorry, you are right, we are wrong. Ang sinopharm, maybe tomorrow, wala na ‘yan, ani Duterte

Naglabas ng kautusan ang pamahalaan hinggil sa pagpapatupad ng travel restriction para sa mga pasaherong manggagaling ng Pakistan, Nepal, Sri Lanka at Bangladesh.

Mababatid na ang naturang hakbang ay bahagi ng pag-iingat ng bansa sa COVID-19 variant mula India.

Sang-ayon sa kautusang inilabas ni Executive Secretary Salvador Medialdea, ipagbabawal muna ang pagtanggap ng bansa sa mga pasaherong may travel history sa mga nabanggit na bansa sa nakalipas na dalawang linggo o 14 na araw.

Sisimulang ipatupad ang naturang kautusan mula ala-una ng madaling araw ng May 7 at magtatagal hanggang May 14.

Sa kabila nito, makapapasok pa rin ang mga mga biyaherong makararating ng bansa bago mag May 7 pero kailanagang sumailalim ang mga ito sa mahigpit na quarantine protocols.

Pamumunuan ni Police Lt. General Guillermo Eleazar ang Philippine National Police (PNP).

Ito mismo ang kinumpirma ni Interior Secretary Eduardo Año.

Sa ngayon, si Eleazar ang nagsisilbing second man o ikalawa sa pinakamataas na pwesto ng PNP bilang deputy chief for administration.

Miyembro si Eleazar ng PMA Hinirang Class of 1987.

Samantala, magsisilbing PNP Chief si Eleazar sa Mayo a-otso hanggang sa Nobyembre o sa kanyang mandatory age of retirement.

Inaprubahan na ng Food and Drug Administration (FDA) ang emergency use authorization (EUA) ng coronavirus disease 2019 (COVID-19) vaccine ng Moderna.

Ayon kay FDA Dir. Gen. Eric Domingo, tumagal ng siyam na araw ang pag-aaral sa mga dokumento na isinumite ng Moderna para sa aplikasyon ito sa EUA.

Maaari umanong gamitin ang bakuna ng Moderna sa edad 18-anyos pataas.

Una rito, sinabi ni vaccine czar Secretary Carlito Galvez Jr. na bumili na ang gobyerno ng nasa 13-milyong doses ng Moderna habang 7-milyong doses naman ang sa pribadong sektor.

Naturukan na ng bakuna kontra COVID-19 si Pangulong Rodrigo Duterte.

Sa isang post ni Senador Bong Go, makikitang tinurukan ni Health Secretary Francisco Duque III ng unang dose ng bakuna ang punong ehekutibo.

Mababatid na Sinopharm vaccine mula China ang tinurok dito na malinaw na wala pang eua o emergency use authorization mula sa Food and Drug Authorization (FDA) at sa halip ay isa lamang compassionate use permit.

Nauna rito, makailang ulit nang sinabi ng pangulo na mas gusto niyang tumanggap ng Chinese made vaccine.

Nagbigay ng rekomendasyon kay Pang. Rodrigo Duterte ang Department of Interior and Local Government (DILG) hinggil sa nais nilang maupong susunod na hepe ng pambansang pulisya.

Pero kahit na mayroong endorsement ang DILG, iginiit ni interior Undersecretary Jonathan Malaya, na nasa prerogative parin ni Pang. Duterte kung sino ang itatalaga nitong susunod na PNP chief.

Ginawa ng DILG ang hakbang kasunod ng nakatakdang pagreretiro ni incumbent PNP Chief Debold Sinas sa Mayo a-otso.

Sinuman man ang mapipisil ng chief executive na magiging kapalit ni Sinas ay magsisilbi itong ika-26^th PNP Chief ng pambansang pulisya.

Idinagdag na ng pamahalaan sa mga lugar na nasa modified enhanced community quarantine (MECQ) ang Ifugao Province.

Samantalang ang Puerto Princesa City naman ay inilagay na sa mas maluwag na quarantine classification o nasa ilalim na ngayon ng general community quarantine (GCQ).

Ayon kay Presidential Spokesperson Harry Roque, isinapinal pa ng Inter-Agency Task Force on Emerging Infectious Diseases (IATF) kahapon ang listahan ng mga lugar para kaniya-kaniya nitong quarantine classification. —ulat mula kay Jopel Pelenio (Patrol 17)

Irerekomenda ng Metro Manila mayors ang pagpapatupad ng ‘flexible modified enhanced community quarantine (MECQ)’ sa pagsapit ng buwan ng Mayo.

Sa panayam ng DWIZ kay Metropolitan Manila Development Authority (MMDA) chairman Benhur Abalos, sinabi nito na napagkasunduan ng mga naturang alkalde ang pagpapatupad ng “MECQ with additional business openings and activity” kung saan, mananatili pa rin ang mga quarantine protocols sa ilalim ng MECQ ngunit dadagdagan ang mga sektor na papayagan nang makapag-operate.

Ang posisyon ng Metro Manila mayors ay ‘yung tinatawag naming MECQ with additional business opening and activity,” ani Abalos.

Kabilang aniya sa mga papayagan nang mag-operate ay mga negosyo na may kinalaman sa construction at iba pang negosyo, batay na rin sa magiging desisyon ng Department of Trade and Industry (DTI).

Nagkaroon din aniya ng resolusyon ang Metro Manila mayors na paikliin ang oras ng kasalukuyang curfew sa 10p.m. hanggang 4a.m. mula sa umiiral na 8p.m. hanggang 5a.m. curfew.

Ang mga mayors ay nagkaroon ng resolusyon na starting May 1, ang ating curfew ay hindi na 8p.m., magiging 10p.m. na hanggang 4a.m.,” ani Abalos.

Binigyang-diin naman ni Abalos na tatalakayin pa ang mga naturang rekomendasyon sa Inter-Agency Task Force on Emerging Infectious Diseases (IATF) na sila namang magsusumite ng pormal na rekomendasyon sa Pangulong Rodrigo Duterte.

Inaasahan namang maglalabas ng anunsyo ang punong ehekutibo hinggil dito sa Miyerkules. —sa panayam ng IZ sa Alas Sais