Mariing itinanggi ng House prosecution panel na ginagamit ang impeachment trial ni Vice President Sara Duterte upang matabunan ang usapin ng umano’y iregularidad sa mga flood control project.
Ayon kay House trial spokesperson at Lanao del Sur Rep. Zia Alonto Adiong, walang kaugnayan ang dalawang isyu at magkasabay na maaaring umusad ang impeachment proceedings at ang imbestigasyon sa flood control.
Sinabi rin ni Adiong na nasa Ombudsman na ang reklamo kaugnay ng flood control projects at may mga kasong isinasampa na.
