Maglalaan ang Senado ng 150 upuan para sa publiko na nais manood ng impeachment trial ni Vice President Sara Duterte sa Hulyo 6.
Ayon kay Senate President Sherwin Gatchalian, limitado ang espasyo sa session hall kaya first-come, first-served ang magiging sistema para sa mga magpaparehistro sa pamamagitan ng online visitor management system ng Senado.
May mga kahilingan na rin anya mula sa civil society organizations, gayundin sa prosecution at defense panels, kaya maingat na inilaan ang mga upuan para sa lahat ng kalahok.
Binigyang-diin ni Senate President Gatchalian na mananatili ang mahigpit na seguridad sa loob ng Senado sa buong panahon ng paglilitis.—sa panulat ni Jordan Gutierrez
