HOT STORIES OF THE WEEK

Posibleng pumalo sa P15.4 Trillion ang utang ng Pilipinas ngayong taon.

Ito ay matapos lumobo sa P12.76 Trillion ang utang bansa nitong Abril na may Gross Domestic Product debt na 63.5%.

Ayon kay Finance Undersecretary Gil Beltran, kung magpapatuloy ang hindi maingat na paggastos sa pondo ng administrasyon ni Pangulong Rodrigo Duterte ay lalaki pa ang utang Pilipinas.

Pinayuhan naman ni Beltran ang gobyerno na gumastos lamang ng pondong kaya ng bansa.

Sa ilalim ng Bayanihan to Recover as One Act o Republic Act 11494, ang DOF ang masusing nagbabantay upang malimitahan lamang sa P140-B ang pondo, sa kabila ng pagtutol ng iba’t-ibang stakeholders.

Posibleng dalawin ni Pangulong Rodrigo Duterte ang mga naapektuhan ng pagsabog ng Bulkang Bulusan, sa Sorsogon.

Inihayag ni health secretary Francisco Duque III na kung magpasya si Pangulong Duterte na bumisita sa Sorsogon ay pupunta rin ang DOH sa naturang lalawigan.

Gayunman, hindi pa anya nila matiyak kung kailan bibisita ang Punong Ehekutibo sa mga biktima ng pagsabog ng bulkan.

Tiniyak ng kalihim na bukod sa pangangailangan ng mga bakwit ay mino-monitor din ng local frontliners ang sitwasyon sa mga evacuation centers, partikular ang posibleng hawaan ng COVID-19.

Muling pinaalalahanan ni Duque ang mga nasa evacuation center na sumunod sa mga health protocols.

Nagpadala na ng surrender filler kay senator-elect JV Ejercito ang anak na lalaki ng may-ari ng Toyota RAV-4 na naka-hit and-run sa guwardya ng SM Megamall sa Mandaluyong City.

Ayon kay Ejercito, nakipag-ugnayan na sa kanya ang ama ng driver ng RAV 4 at tiniyak nitong sasagutin ang lahat ng gastos sa pagpapa-ospital sa biktimang si christian floralde.

Handa rin anya ang driver na harapin ang mga kasong isasampa laban sa kanya.

Magugunitang nag-alok ang senador ng 50,000 pesos na pabuya sa sinumang makapagtuturo sa SUV driver na sangkot sa insidente noong linggo.

Pinangalanan na ng Mandaluyong City police ang may-ari ng toyota RAV-4 na naka-hit and run sa security guard ng Megamall na si Christian Joseph Floralde.

Kinilala ni Mandaluyong chief, Col. Gauvin Unos ang may-ari na si Jose Antonio Valmonte, batay sa datos ng Land Transportation Office o LTO – NCR.

Gayunman, hindi pa malinaw kung si Valmonte ang nagmamaneho ng RAV 4 na may plakang NCO 3781 nang sagasaan si Floralde sa kanto ng Julia Vargas at Saint Francis noong linggo.

Inihayag ni LTO-NCR regional director, Atty. Clarence Guinto na naglabas na sila ng show cause order laban sa driver ng SUV habang ngayong araw nakatakda ang pagdinig sa kaso.

Nagpasalamat naman si Guinto sa netizens na nag-upload ng video ng insidente.

Pinag-aaralan na ng grupo ng mga Bus Operators sa Pilipinas na maghain ng petisyon sa LTFRB para magpatupad ng taas-pasahe.

Kasunod ito ng isa na namang malakihang taas-presyo sa langis na epektibo ngayong araw.

Ayon kay Juliette De Jesus, Internal Affairs Officer ng Mega Manila Consortium Corporation, P7 ang posibleng ihirit nilang dagdag pasahe para sa unang limang kilometro, habang P2.30 centavos sa kada kilometro.

Maliban sa bus, plano rin ng mga jeepney na hilingin sa LTFRB ang pisong provinsional increase na ibinasura noon matapos maaprubahan ang fuel subsidy.

Sa ngayon, naghain na rin ng petisyon ang Western Visayas Transport Cooperatives para sa P6 dagdag pasahe sa mga jeepney sa kanilang lalawigan.

Hanggang bukas na lang ang pagpapasa ng Statement of Contributions and Expenditure (SOCE).

Ayon sa COMELEC, sina President-elect Bongbong Marcos, Senator Panfilo “Ping” Lacson at Lawyer-Doctor Jose Montemayor pa lamang ang nakapagpasa ng SOCE sa mga tumakbo sa pagka-pangulo.

Sa mga senatorial candidate naman, sina dating PNP chief Guillermo Eleazar, dating Senator Antonio Trillanes, Atty. Chel Diokno at Senator-elect Jinggoy Estrada pa lamang ang nakapagsumite na ng SOCE.

Sa mga political parties, ang nakapagpasa pa lamang ay ang United Nationalist Democratic Organization, Partido Federal ng Pilipinas at pwersa ng masang Pilipino.

34 na party-list groups rin ang nakapagpasa ng SOCE.

Lumobo na sa 654 ang naitalang dengue cases sa Davao City simula Enero hanggang Mayo ngayong taon.

Sa datos ng Davao City tropical disease prevention and control unit, tatlo sa mga nasabing kaso ang nasawi.

Tiniyak ni Melodina Babante, kinatawan mula sa nasabing tanggapan na pinaigting na nila ang kanilang information campaign laban sa nasabing sakit kasabay ng national dengue awareness month ngayong Hunyo.

Ayon kay babante, puspusan na ang kanilang tanggapan sa prevention at intervention efforts laban sa dengue at iba pang mosquito-borne diseases sa lungsod.

Kabilang na rito ang pakikipag-tulungan sa barangay units upang i-monitor ang mga komunidad na mayroong mataas na dengue cases, indoor residual spraying, pamamahagi ng dengue kits at pagbibigay ng NS1 dengue test kits para sa mga hinihinalang nagkasakit.

Samantala, muling pinaalalahanan ni Babante ang mga residente na ugaliing linisin ang kanilang mga komunidad upang maiwasan ang outbreak ng dengue.

Humingi ng pang-unawa sa publiko ang transport workers at commuters group na MANIBELA o Samahang Manibela Mananakay at Nagkaisang Terminal ng Transportasyon.

Ito’y bunsod ng kaunti na lamang ang mga driver na pumapasada sa gitna ng walang-prenong pagtaas ng presyo ng mga produktong petrolyo.

Inihayag ni MANIBELA chairman Mar Valbuena na barya na lamang o halos wala ng kinikita ang mga driver at operator at pahirapan na ang pagsabay sa service contracting na mas maraming tsuper at operator ang hindi naisama.

Epektibo simula ngayong araw ang bigtime price increase sa kada litro ng gasolina at diesel.

Dahil dito, umaapela ang MANIBELA sa Department of Energy na alamin kung paano maka-a-adjust ang transport sector sa patuloy na pagsirit ng presyo ng krudo.

Samantala, hiniling din ng grupo na linawin ang mga detalye ng fuel subsidy program at madaliin na ang pamamahagi nito dahil malaking tulong ito sa mga driver.

Tinatayang 3.1 milyong pamilyang Pilipino o 12.2% ang nakaranas ng gutom o walang makain kahit isang beses sa nakalipas na tatlong buwan.

Batay ito sa Social Weather Stations (SWS) survey noong April 19 hanggang 27 sa 1,440 respondents.

Kumpara ito sa 3 million families noong December at 2.5 million families noong September 2021.

Gayunman, mababa ang April survey ng 0.9 points sa 13.1% annual average para sa taong 2021.

Pinaka-maraming nakaranas ng gutom ang mga pamilya sa Metro Manila, 18.6%; Mindanao, 13.1% balance Luzon, 11.7% at Visayas, 7.8%.

INCOMING President Ferdinand ‘Bongbong’ Marcos on Monday (June 6) met separately with ambassadors from Italy and different ASEAN countries during which they discussed expanded cooperation between the Philippines and their respective countries.

The ambassadors relayed congratulatory messages of their heads of state on his victory and affirmed their interest in improving bilateral and diplomatic relations between the Philippines and their countries.

Her Excellency (H. E.) Johairah Wahab and His Excellency (H. E.) Marco Clemente, Ambassadors of Brunei Darussalam and Italy, respectively, started the round of official visits for the day.

Afterward, Wahab, who is the Dean of ASEAN Ambassadors, led Thawat Sumitmo,  Charge D’ Affaires of Thailand; and Ambassadors H.E. Songkane Luangmuninthone, Lao People’s Democratic Republic; and H.E. Agus Widjojo, Indonesia; H.E. Phan Peuv, Cambodia; H.E. Hoang Huy Chung, Vietnam; and H.E. Gerard Ho, Singapore to a meeting with Marcos.

One of the areas for cooperation discussed was the Covid19 response, including an exchange of strategies in the economic and health sectors geared towards post-pandemic recovery, which had been one of the priorities Marcos mentioned in his campaign.

Marcos also mentioned the possibility of strengthened collaboration in infrastructure-building, citing the current cooperation of countries like China in the Build, Build, Build program of the outgoing administration of President Rodrigo Duterte.

For his part, the Italian ambassador shared his plan on improving people-to-people cooperation by bringing the Inter-Milan football club to the Philippines through its inter-campus project in the hope of helping children in need through sports and promoting football in the Philippines, at the same time.

Marcos and the ambassadors also agreed to expand diplomatic relations, not only government to government, but also through corporate and the private sector.