HEALTH

Maraming benepisyong hatid ang Lemon Water at Calamansi sa ating katawan.

Ito ay ang mga sumusunod;

1. Ang Lemon at Calamansi ay mayaman sa Vitamin C at Fiber na maganda sa balat, mata at puso. Posible din itong makatutulong sa sipon, lagnat, at problema sa gilagid.

2. Ang mga Citrus fruits, tulad ng Lemon, Dalandan, Orange at Calamansi ay mayaman sa Vitamin C na kailangan para ma-absorb ng katawan ang Iron at hindi maging Anemic.

3. Hindi pa tiyak pero makakatulong sa pagpapayat ang Lemon dahil binabawasan nito ang gana kumain. Kapag uminom ka ng Lemon water ay mas busog ka. Kaya konti na lang ang makakain.

4. Makakatulong din ito para hindi ma-dehydrate at kumulubot ang balat. Makaiiwas din sa pagbuo ng bato sa bato o kidney stones.

Alam niyo ba na maraming benepisyong pangkalusugan ang Ubas?

Ang Ubas o Grapes ay mayaman sa bitamina at mineral na nagbibigay nutrisyon sa katawan ng tao.

Ang Ubas ay maaaring gawing juice na nakakatulong sa sakit ng ulo.

Mayroon din itong Antioxidant na nagbibigay proteksyon laban sa Cancer.

Nakakatulong ito upang maiwasan ang sakit sa puso. Isa rin ang Ubas na nakakatulong sa mga taong inaatake ng matinding hika.

Buko dito, ang pagkain ng Ubas ay nakakatulong upang maiwasan ang pagkakaroon ng sakit sa Diabetes.

Ayon sa mga eksperto, ang Ubas ay maraming nutrisyong pangkalusugan ngunit hindi ito maaaring alternatibong gamot sa anumang uri ng sakit.

Narito ang ilang dapat gawin kapag nakakaranas ng pagsakit ng leeg.

1. Subukan ang cold o hot compress para mabawasan ang pamamaga. Gawin ito ng dalawampung minuto kada araw.

2. Subukang maligo ng maligamgam na tubig o gumamit ng heating pad at i-set ito sa mababa para ma-relax ang pananakit ng muscle.

3. Magpahinga o humiga sandali gamit ang mababang unan.

4. Iwasan ang pag-ipit ng telepono o cellphone sa pagitan ng tainga at balikat.

5. Pumili ng unan na pwedeng suporta sa natural curve ng leeg.

Para sa mga madalas mahilo sa biyahe lalo na yung papasok at pauwi ng trabaho, narito ang tips para sa inyo;

1. Tumingin lang sa malayo para malibang ang mata at isip. Huwag magbasa o mag-text.
2. Panatilihin ang ulo na naka-diretso, habang nakasandal.
3. Huwag manigarilyo at huwag umupo sa tabi ng taong naninigarilyo.
4. Huminga ng maraming sariwang hangin.
5. Iwasan ang maaanghang at mamantikang pagkain at alak. Huwag kumain ng sobra.
6. Uminom ng over-the-counter na gamot kontra sa hilo gaya ng Meclizine tablet.

Pero kung hindi pa rin ito sapat, gawin ang mga sumusunod;

1. sa Barko: I-request sa cabin crew na payagang maka-upo sa harapan o gitnang bahagi ng barko, o sa itaas ng deck.
2. sa Eroplano: Magtanong kung maaari kang payagan na ma-upo sa gawing harapan at sa gilid ng pakpak nito. I-direkta ang aircon sa iyong mukha.
3. sa Tren: kumuha ng upuan na malapit sa harapan at tabi ng bintana. Kailangan nakaupo ka ng paharap at hindi talikod.
4. sa mga Kotse at Bus: Maupo sa gawing harapan sa tabi ng driver.

Mahilig ka bang kumain ng gulay na Pechay?

Ayon sa mga eksperto, ang Pechay ay maraming taglay na bitamina tulad ng Vitamin A, B, K, Calcium, Fiber at iba pa.

Ito ay magandang panlaban sa sakit tulad ng High Blood Pressure, Diabetes at sakit sa tiyan dahil mababa ito sa Calorie.

Makatutulong din ito para sa mga nagpapapayat at nakakadagdag enerhiya dahil sa taglay nitong Protina na tumutulong rin na ayusin ang mga nasirang body tissue.

Alam niyo ba na hindi lamang para sa sugat ang Hydrogen Peroxide?

Ang Hydrogen Peroxide ay isang disinfectant o pampatay ng mikrobyo.

Taglay nito ang tubig o H2O at extra na oxygen molecule o H2O2.

Pinapatay naman ng oxidation ang mikrobyo at nag-aalis ng kulay o bleach sa mga magagaspang na gamit tulad ng tela.

Maaaring gamitin ang Hydrogen Peroxide sa mga gustong pumuti ang ngipin, paghaluin lamang ang pantay na sukat ng tubig at Hydrogen Peroxide at ipangmumog.

Pwede rin na ibabad ang toothbrush pinaghalong tubig at Hydrogen Peroxide at ipang sepilyo ng dalawang minuto.

Pampaputi rin ito ng kuko na nanilaw dahil sa mga nakakahawang kulay o madalas na paglalagay ng nail polish at paninigarilyo, isawsaw lamang ang bulak sa hydrogen peroxide at ipahid ito sa kuko.

Matapos ideklara ng PAGASA ang rainy season nitong Mayo a-18, dumagsa na sa mga kabahayan ang mga Gamu-gamo na senyales nang nalalapit na tag-ulan.

Pero ano nga ba ang mga paraan upang paalisin ang mga Gamu-gamo?

Una; gumamit ng makakapal na kurtina sa mga bintana na dapat laging nakasarado. Naaakit kasi ang Gamu-gamo sa ilaw kaya makakatulong ang palagiang pagsara ng bintana.

Pangalawa, maghanda ng mangkok na may tubig at itapat dito ang ilaw para sa tubig dumiretso ang Gamu-gamo at hindi na makalipad.

Pangatlo, maliban sa ilaw ay naaakit din ang Gamu-gamo sa cellulose at humidity kaya nakakatulong dito ito para ma-trap ang Gamu-gamo.

Pang-apat, maaari ring gumamit ng electric insect killer.

At panghuli, sign din ng pagkakaroon ng termites ang Gamu-gamo kaya mabuting ipasuri ang bahay sa mga eksperto.

Para sa mga madalas makaranas ng constipation o yung hindi makadumi, narito ang mga pagkain para lumambot ang inyong dumi.

1. Berdeng gulay tulad ng Kangkong, Spinach, Pechay, Malunggay at Talbos ng Kamote. Mataas ang gulay sa fiber na makatutulong sa pagiging regular ng pagdumi.

2. Okra – sa mga gulay, kakaiba ang epekto ng Okra para mapalambot ang dumi. Ang Okra ay may malapot na likido na nagpapadulas sa pagdaan ng dumi.

3. Oatmeal – puwede kang kumain ng isang tasang Oatmeal sa umaga. May sangkap itong Beta-Glucan (isang soluble fiber) na nagtatanggal ng Cholesterol sa ating katawan at makatutulong din sa pagdumi.

4. Yogurt – ang Yogurt ay may taglay na mabuting Bacteria na may benepisyo sa ating tiyan at bituka.

5. Tubig – napakahalaga ang pag-inom ng sapat na tubig para sa mga nagtitibi. Ang mga pagkaing mataas sa Fiber, tulad ng gulay, prutas at Oatmeal, ay kailangang humalo muna sa tubig para maging malambot ang dumi.

Subukang uminom ng 8 hanggang 10 basong tubig o likido sa maghapon. Kapag kulang ka sa tubig, siguradong titigas ang iyong dumi.