HEADLINES

PBBM, hinihikayat ang mga kabataan na tumulong sa sektor ng agrikultura

Kamakailan lang, inanunsyo ng Department of Agriculture na pabata nang pabata na ang edad ng mga Pilipinong magsasaka na agad namang ikinatuwa ng netizens.

Ayon kay DA Assistant Secretary Arnel de Mesa, 57 years old ang previous average age noon ng mga magsasaka. Bumaba na ito ngayon sa 49 to 50 years old base sa registry system.

Matatandaang aktibong hinihikayat ni Pangulong Ferdinand ‘Bongbong’ Marcos Jr. ang mga kabataan na tumulong na pataasin ang pagiging produktibo ng sektor ng agrikultura. Sa katunayan, kamakailan lang inilunsad ng Department of Agriculture ang 2023 Young Farmers Challenge (YFC) program na in line sa food security agenda ni Pangulong Marcos Jr.

Inilunsad ng Department of Agriculture sa pamamagitan ng Agribusiness and Marketing Assistance Service ang ikatlong Young Farmers Challenge program, katulong ang Government Service Insurance System o GSIS at ang tanggapan ni Senator Imee Marcos noong September 28, 2023.

Nag-aalok ang YFC program ng financial grant assistance para sa mga kabataang Pilipino na nais sumali sa bagong agri-fishery enterprises. Ang tulong pinansyal na ito ay magsisilbing initial capital para sa kanilang business endeavors. Bukod sa financial assistance, nagbibigay rin ang nasabing programa ng Business Development Services gaya ng coaching and mentoring, local and international product expositions, at assistance sa business registration para sa mga kabataan.

Mayroong two new components ang 2023 Young Farmers Challenge program: ang YFC Upscale at YFC Intercollegiate Competition.

Sa YFC Upscale, mayroong head-to-head business pitch competition kung saan ang bawat regional winner ay mabibigyan ng 300,000 pesos at ang national winner naman ay 500,000 pesos.

Sa Business Model Canvas-based Competition naman nakatuon ang YFC Intercollegiate Competition. Hinihikayat ang mga estudyanteng nag-aaral ng agriculture and related subjects mula sa State Universities and Colleges na sumali sa kompetisyong ito kung saan matutulungan silang gawing profitable ang kanilang mga idea. Magsisilbi rin itong training para ma-improve ang kanilang skills at knowledge bilang future agripreneurs at professional farmer business owners. Ang bawat winning SUC enterprise per region ay makakatanggap ng 150,000 pesos bilang start-up capital.

Sa kasalukuyan, nakapagbigay na ang YFC program ng 149.25 million pesos start capital funds para sa 2,955 young farmers.

Matatandaang noong presidential campaign pa lamang, hinihikayat na ni Pangulong Marcos Jr. ang mga kabataan na mag-aral ng agrikultura. Ngayong nakaupo na siya, makikitang gumagawa ng aksyon ang ahensyang pinamumunuan niya na patuloy akitin ang bagong henerasyon na makilahok at paunlarin ang sektor ng agrikultura para matiyak ang food supply ng bansa.

October 20, 2023 0 comment

HEADLINES NATIONAL NEWS

Pagsuspinde ni PBBM sa Maharlika Investment Fund, suportado ng mga mambabatas

written by DWIZ 882

Suportado ng mga mambabatas ang desisyon ni Pangulong Ferdinand R. Marcos Jr. nang siguruhin niyang may sapat na proteksyon o safeguard ang paggamit ng Maharlika Investment Fund (MIF).

Kinatigan ito ng ekonomista na si Albay 2nd District Rep. Joey Salceda, House Appropriations Committee Vice Chairperson at Aklan 2nd District Rep. Teodorico Haresco Jr., senate majority leader Joel Villanueva, Senate Minority Leader Koko Pimentel at Senator Chiz Escudero.

Para sa mga mambabatas, nagsisilbi lamang katiwala ng sambayanang Pilipino si Pangulong Marcos matapos ang kanyang kautusan para magsagawa ng karagdagang pagsusuri sa implementasyon ng MIF Act of 2023.

Para kay Congressman Salceda, maipapatupad pa rin ang Maharlika Investment Fund ngunit kailangan pang suriin ng ehekutibo ang Implementing Rules and Regulations ng naturang batas.

Ayon kay congressman Haresco, tama ang naging desisyon ng Pangulo sapagkat hindi biro-biro ang pondo ng taumbayan kaya hindi dapag bara-bara ang diskarte dito.

Suportado naman nina Senate Majority Leader Villanueva at Minority Leader Pimentel ang direktiba ng Pangulo ang pagsuspinde ng implementasyon at pagsiguro ng sapat na safeguard sa batas.

Pinasalamatan din ni senator Escudero ang Pangulo sa pagtugon sa mga posibleng isyu na magmumula sa Implementing Rules and Regulations, pati na rin ang layunin ng MIF sa pangmatagalan.

Sa inilabas na memorandum ng Office of the Executive Secretary noong Oktubre 12, sinuspinde muna ang IRR ng MIF Act of 2023 sa Bureau of Treasury, Land Bank of the Philippines (LBP) at Development Bank of the Philippines (DBP).

Nakasaad sa memorandum na nais ni Pangulong Marcos na magkaroon muna ng mas mahaba at malalim na pag-aaral sa naturang batas.

Bukod dito, nais din ng Pangulo na malinaw na mailatag muna ang mga safeguards para maging bukas ito o transparent at magkaroon ng pananagutan o accountability.

October 19, 2023 0 comment

HEADLINES HOT STORIES OF THE WEEK

Food security at energy sa bansa, isusulong ni PBBM sa ASEAN-GCC Summit

written by DWIZ 882

Nangako si Pangulong Ferdinand Marcos Jr. na isusulong niya ang interes ng Pilipinas sa food security, energy, at iba pa sa kanyang pagdalo sa ikaunang association of Southeast Asian Nations-Gulf Cooperation Council na gaganapin sa Riyadh, Saudi Arabia.

Ayon kay Pangulong Marcos, magsisilbing plataporma ang ASEAN-GCC Summit para i-highlight ang pangagailangan ng Pilipinas sa kooperasyon sa food security, trade, energy, logistics, supply chains, at digital transformation. bukod dito, tatalakayin din ang proteksyon at mga karapatan ng Overseas Filipino Workers.

Para sa Pangulo, natatanging oportunidad ito kung saan bibigyang-diin niya ang adbokasiya ng Pilipinas para sa isang rules-based international order upang mapanatili ang kapayapaan, seguridad, at katatagan ng dalawang bansa.

Samantala, makikipagkita si Pangulong Marcos sa Filipino community sa Saudi Arabia para ibahagi ang mga importanteng development at para bigyang pagkilala ang kanilang mga kontribusyon sa bansa.

October 19, 2023 0 comment

HEADLINES HOT STORIES OF THE WEEK NATIONAL NEWS

Mga magsasaka sa Negros Occidental, pinatunayang posible ang Php25 per kilong bigas

written by DWIZ 882

Pinatunayan ng mga magsasaka sa Negros Occidental na posibleng maibenta ng 25 pesos per kilo ang local rice. Aligned ito sa hangarin ni Pangulong Ferdinand ‘Bongbong’ Marcos Jr. na gawing mas affordable ang bigas para sa mga Pilipino.

Inilunsad ang Bigas ng Bayan program noong October 12, 2023 kung saan ibinenta ang bigas na nagkakahalaga ng 25 pesos per kilo sa Food Terminal Market sa Bacolod City.

Ang programang ito ay kolaborasyon ng Provincial Government of Negros Occidental at Federation of Irrigators’ Association of Central Negros-Bago River Irrigation System na naglalayong matulungan ang mga nangangailangang pamilya na makabili ng abot-kayang bigas. Tinitiyak din nitong magkakaroon ng sapat na kita ang mga magsasaka.

Iginiit ni Negros Occidental Governor Eugenio Jose “Bong” Lacson na magiging sustainable ang Bigas ng Bayan program dahil 44 irrigators’ associations ang nakilahok dito. Maaaring makabili ng hanggang limang kilo ang bawat mamimili.

Ayon kay Federation President Pedro Limpangog, naglaan sila ng 10% sa kanilang total production para sa mga residenteng nasa vulnerable sectors kabilang na ang senior citizens, indigents at persons with disabilities (PWDs).

Maaalala natin noong 2022 elections, sinabi ng noong presidential candidate na si BBM na hangad niyang pabababain ang presyo ng bigas mula 20 to 30 pesos per kilogram. Ngayong nakaupo na siya sa pwesto, sinabi niya noong September 19, 2023 na laging may chance ang pagkakaroon ng bente pesos per kilong bigas. Ito ay sa oras na maging stable na ang agriculture sector at production sa bansa.

Kung mapaayos ang produksyon, hindi na masyadong bagyuhin ang bansa, at gamitin ng mga magsasaka ang mga tulong na ibinigay sa kanila, malaki ang posibilidad na bumaba ang presyo ng bigas hanggang sa bente pesos.

Maraming factors sa loob at labas ng bansa na direktang nakakaapekto sa presyo ng mga bilihin, partikular na ng bigas. Dahil dito, kailangan munang mag-adjust ng gobyerno at merkado sa ngayon. Pero kapag maging normal na ang lahat, siniguro naman ni Pangulong Marcos Jr. na madali na lang para sa gobyerno na gumawa ng aksyon para mapababa lalo ang presyo ng mga bilihin.

Makikita naman sa mga aksyon ng Pangulo na ginagawa nila ang lahat para mapababa ang presyo ng mga bilihin, gaya ng pagpapatigil sa pangongolekta ng pass-through fees na naging usap-usapan sa social media. Nariyan din ang patuloy na rice distribution galing sa nakumpiskang smuggled rice at ang pamimigay ng iba’t ibang tulong sa mga magsasaka gaya ng Rice Farmers Financial Assistance Program. Sa pagpapalago ng sektor ng agrikultura gaya ng sinisikap gawin ni Pangulong Marcos Jr., papunta tayo sa pagbaba ng presyo ng mga bilihin.

October 19, 2023 0 comment

HEADLINES HOT STORIES OF THE WEEK NATIONAL NEWS

PBBM, isusulong ang investment sa modernisasyon ng agrikultura

written by DWIZ 882

CHEN YI AGVENTURES PBBM AGRICULTURE MAGSASAKA FARM

Pinangunahan ni Pangulong Ferdinand ‘Bongbong’ Marcos Jr. ang inauguration ng isang state-of the-art poultry farm ng Magnolia sa Hagonoy, Davao del Sur noong October 12, 2023.

Ayon kay Pangulong Marcos Jr., tutugunan ng bagong Magnolia poultry farm ang pangangailangan ng Mindanao pagdating sa poultry supply. Sinabi niya rin dito ang plano niyang mag-invest sa modernization ng agriculture sector na sinag-ayunan naman ng netizens.

Para kay Pangulong Marcos Jr., susi sa pakikipaglaban sa kagutuman at kahirapan ang pag-iinvest sa agrikultura. Aniya, una lang ang high-tech poultry farm sa Davao del Sur sa planong 11 facilities na itatayo sa iba’t ibang bahagi ng bansa sa ilalim ng San Miguel Foods’ Poultry Megafarm Projects.

Mayroong controlled climate technology, biosecurity measures, automated feeding and watering system, air quality monitoring system, at automated harvesting system ang bagong tayong poultry farm. Sinisiguro nito ang pagkakaroon ng mas stable, sufficient, at cost-competitive supply ng manok ng bansa.

Sa pag-iinvest sa latest technological advancements sa poultry farming, mas mabilis na makakapag-produce ng healthy chickens na may premium quality. Ayon sa San Miguel Foods, makaka-produce ng up to 80 million chickens o 200 million kilos yearly ang poultry farm sa Davao del Sur. Bukod rito, makakapagbigay rin ito ng tinatayang 1,000 direct and indirect jobs para sa mga kababayan natin.

Ayon kay Pangulong Marcos Jr., nagbibigay ng mensahe ang pagpapatayo ng high-tech poultry farm sa local at international investors na kaya ng Pilipinas na magkaroon ng advanced industrial forms ng agriculture. Sinasabi man ng iba na pang-abroad lang ang ganitong klase ng teknolohiya, ngayon napatunayan sa ilalim ng administrasyong Marcos na kaya rin ito ng Pilipinas.

Sa pag-iinvest sa agrikultura, makakamit ng bansa ang goal nito pagdating sa food security.

October 19, 2023 0 comment

HEADLINES NATIONAL NEWS

Malakas na depensa ng Philippine Coast Guard para maprotektahan ang teritoryo ng bansa, ipinagmalaki ni PBBM

written by DWIZ 882

Patuloy ang pag-angat ng kakayahan ng Pilipinas sa pagdepensa sa ating mga teritoryo sa karagatan.

Ito ang ibinida ni Pangulong Ferdinand Marcos Junior matapos dumalo sa ika-122 anibersaryo ng Philippine Coast Guard.

Sinabi ni PBBM, na ipinagpapatuloy ang pag-upgrade ng kagamitan, pagsasanay, at pagpapalakas ng Philippine Coast Guard.

Aniya, hindi lamang nasa unang linya ng depensa ang ahensya sa kasalukuyang mga problema sa agawan sa teritoryo, kundi pati na rin sa mahalagang papel nito sa search and rescue, mga aksidente sa karagatan, at disaster assistance.

Ipinagmalaki rin ng Presidente ang bagong sasakyang pandagat o ang idaragdag na 40 units na patrol boats habang patuloy aniyang ina-upgrade ang iba pang mga kagamitan pandagat.

October 18, 2023 0 comment

HEADLINES HOT STORIES OF THE WEEK

Foreign investment ng bansa, tumaas

written by DWIZ 882

Nakapagtala ang pamahalaan ng 734 billion pesos na investment approvals.

Ayon kay Usec. Ceferino Rodolfo ng DTI-Board of Investments, naitala ang numerong ito mula Enero hanggang Setyembre ngayong taon.

Mas mataas aniya ito kumpara sa 362 billion pesos sa kaparehong panahon noong 2022.

Umakyat naman sa 427 billion pesos ang approved foreign investments o katumbas ng mahigit 4000% na pagtaas.

Isiniwalat ni Usec. Rodolfo na 80% ng foreign investments mula sa European countries ay masasabing bunga ng mga biyahe ni Pangulong Ferdinand Marcos Jr., sa ibat’ ibang bansa.

Karamihan aniya sa mga investment na ito ay mula sa renewable energy sector.

October 18, 2023 0 comment

HEADLINES

DOJ at PNP kinalampag vs mabilisang pag-aresto sa 2 empleyado ng Eternal Gardens sa Batangas

written by DWIZ 882

Umapela na ang pamunuan ng Eternal Gardens sa Department of Justice at Philippine National Police na imbestigahan ang paspasang pag-aresto nang walang warrant at pagsasampa ng kaso sa kanilang dalawang empleyado.

Nag-ugat ito sa reklamo ng isang city prosecutor ng Batangas dahil sa umano’y nawawalang lapida.

Ayon kay Atty. Christian Castillo, abogado ng Eternal Gardens, bigo silang makakuha ng mga dokumento noong Sabado sa pulisya para sa kanilang depensa dahil off duty ang may hawak ng kaso.

Nagulat anya at hindi makapaniwala ang mga empleyadong sina alyas ‘Arnel’ at ‘Maris’ na inaakusahan ng pagnanakaw ng lapida ng isang piskal matapos kasuhan at ikulong noong Biyernes kahit wala silang mga abogado.

Magugunitang bumisita ang piskal sa puntod ng kanyang ama sa Eternal Gardens at nadiskubreng nawawala ang lapida noong Oktubre a-trese.

Una nang inihayag ng Batangas City Police, umaksyon lamang sila alinsunod sa reklamo na kanilang mandato at mayroon umanong batayan ang pagsasagawa ng warrantless arrest sa dalawang empleyado ng himlayan.

Itinanggi naman ng Eternal Gardens-Batangas, na pagnanakaw ang nangyari dahil bahagi ng paglilinis ng sementeryo ang pag-aalis ng nakakalat lamang na mga lapida dahil mayroon ng bagong ipinalit dito.

October 16, 2023 0 comment

HEADLINES NATIONAL NEWS

Mga asosasyon ng magsasaka sa Isabela, masaya sa aksyon na ginagawa ng DA sa pangunguna ni PBBM

written by DWIZ 882

Masaya ang mga asosasyon ng lokal na magsasaka ng lalawigan ng Isabela dahil sa mataas na kita sa kanilang palay bunsod ng suporta ng Department of Agriculture sa pangunguna ni Pangulong Ferdinand Marcos Jr.

Ayon kay Noel Baquiran, Municipal Agriculturist ng Tumauini, Isabela, maayos ang kita ng mga magsasaka ngayong wet season ng taong 2023.

Paliwanag niya, bumaba ang gastos ng mga magsasaka dahil sa mga suporta ng DA at sa P2 subsidy ng Isabela provincial government na dagdag pa sa mataas na buying price ng National Food Authority.

Para naman sa Federation of Irrigators’ Associations in Isabela, naibebenta nila ang fresh palay nang P20 kada kilo, samantalang napepresyuhan naman ang dry palay nang P26 kada kilo.

Pahayag ni Samuel Lugo, pangulo ng Tumaini Irrigation Pilot Area, bahagi ng asosasyon, nakababangon na ang mga lokal na magsasaka, at ang dagdag na kita ay malaking tulong sa pang-araw-araw na pangangailangan ng kanilang mga pamilya.

Ayon kay lugo, nagpapasalamat ang mga magsasaka kay Pangulong Marcos para sa suporta tulad ng binhi at abono ng Department of Agriculture sa apat na libong magsasaka na nagtatanim sa mahigit 3,000 ektaryang lupa sa Tumauini, Isabela.

Base sa datos ng DA Regional Field Office ng Cagayan Valley, 5 metric tons per hectare ang average yield na may average gross income ng P112,000 ang bawat asosasyon.

Sa kabuuan ng wet season ngayong 2023, umaabot na sa 326,301 ektarya na ang naitanim na palay sa lalawigan ng isabela, na may target production ng 606,826 tonelada ng palay.

As of September 30, 108,528 ektarya na ang naiani ng mga magsasaka, na umaabot sa production na 453,400 metric tons ng palay.

October 12, 2023 0 comment

HEADLINES NEWS

Mas matibay na relasyon sa Sri Lanka, Uganda nais ni Pang. Marcos

written by DWIZ 882

Nais ni Pangulong Ferdinand Marcos Jr. na mas mapalakas pa ang relasyon ng Uganda at Sri Lanka.

Kapwa nagsumite ng credentials kay Pangulong Marcos sina Betty Oyella Bigombe bilang Non-Resident Ambassador ng Republic of Uganda at Dr. Chanaka Harsha Talpahewa bilang Resident Ambassador ng Democratic Socialist Republic of Sri Lanka.

Sa kanyang mensahe, sinabi ng pangulo kay Bigombe na umaasa itong makahahanap pa ng pamamaraan upang mas mapagtibay ang relasyon sa pagitan ng Pilipinas at Uganda.

“We are very much in the same path, our two countries, and therefore, I think the experiences and lessons that we have learned along the way will be of benefit to both our countries so long as we keep our partnership strong and our alliances very profound and alive,” ayon sa pangulo.

Sinabi naman ni Bigombe na malaking karangalan na maglingkod siya bilang Ambassador-Designate of Uganda to the Philippines.

Ang Philippine embassy sa Nairobi, Kenya ay mayroong administrative jurisdiction sa Uganda at ang kasalukuyang non-resident Philippine ambassador to Uganda ay si Ambassador Marie Charlotte Tang.

Noong 2022, ang Uganda ay nasa 123rd sa ranking bilang trading partner ng Pilipinas, 94th export market at 191st import supplier.

Pangunahing ine-export ng Pilipinas sa Uganda ay ang mga electrical machinery at equipment, sound recorders at reproducers, television images at iba pa.

Samantala, kapwa naman nangako sina Pangulong Marcos at Sri Lankan Ambassador to the Philippines Chanaka Harsha Talpahewa na palalakasin pa ang relasyon ng dalawang bansa.

Ayon sa pangulo, inaasahan niya na mas mapapabuti pa ang bilateral ties sa pagitan ng dalawang bansa.

“With the continuing hope that the relationship between our two countries, which has been an ongoing and long-standing relationship for [62] years is something that we will continue to develop and continue to make stronger,” ayon sa pangulo.

Ang Sri Lanka naman ay 75th sa ranking ng trading partner ng Pilipinas.

Pangunahing ine-export ng Pilipinas sa Sri Lanka ay ang harina, starch, gatas, at iba pang pastry products.

October 12, 2023 0 comment

Newer Posts

Older Posts