HEADLINES

Ayon sa isinagawang survey ng OCTA Research mula September 30 to October 4, 2023, naipakitang bumaba nang mahigit isang milyong pamilya ang nakararanas ng gutom at hirap sa Pilipinas.

Para kay National Anti-Poverty Commission (NAPC) Secretary Lope Santos III, patunay ito na epektibo ang mga direktiba ni Pangulong Ferdinand Marcos Jr. sa sektor ng agrikultura upang malabanan ang kagutuman at kahirapan.

Patuloy na sinisikap ng pamahalaan na pababain ang presyo ng bigas at iba pang agricultural products sa bansa. Matatandaang ipinatigil ni Pangulong Marcos ang pangongolekta ng local government units (LGUs) ng toll fees at iba pang uri pass-through fees sa mga sasakyang may dalang paninda at kalakal. Isa ang pagbabayad ng pass-through fees sa mga dahilan kung bakit tumataas ang presyo ng mga produkto at serbisyo.

Sa pagsuspinde ng pangongolekta ng pass-through fees, mababawasan ang production cost ng mga paninda at kalakal. Dahil dito, bababa rin ang presyo ng mga bilihin. Hangad ni Pangulong Marcos Jr. na kontrolin ang epekto ng inflation rate sa bansa kaya niya ginawa ang aksyong ito.

Masasabing epektibo ito dahil sa pinakahuling ulat na inilabas ng Philippine Statistics Authority (PSA), bumaba na ang inflation rate ng 4.9% ngayong October 2023 mula sa 6.1% noong September.

Malaking bahagi ng pagbagal ng inflation ang mga sunod-sunod na direktiba ni Pangulong Marcos Jr. na nagbibigay ng proteksyon sa mga magsasaka at konsyumer.

Nariyan ang patuloy na suporta ng Pangulo sa mga magsasaka gaya ng pamamahagi ng cash assistance, fertilizers, at rice seeds, pati na rin ng machineries. Hinihikayat din niya ang mga magsasaka na i-adapt ang modern farming techniques at technologies sa pamamagitan ng edukasyon. Sa pagpapalakas ng agriculture sector, mapupunan ang kakulangan sa supply ng agricultural products nang hindi na kinakailangang mag-import. Matitiyak nito ang mababang presyo ng mga bilihin.

Bukod sa mga ito, mayroon ding Food Stamp Program ang pamahalaan na inilunsad noong September 29, 2023 sa Dapa, Surigao del Norte. Bibigyan ang mga napiling food-poor families ng Electronic Benefit Transfer (EBT) cards na may lamang 3,000 pesos worth of food credits kada buwan. Maaari itong gamitin upang makabili ng bigas, prutas, gulay, karne, at iba pang healthy foods.

Naniniwala si Pangulong Marcos na sa pagtutulungan at tiwala, makakamit ng mga Pilipino ang isang matatag at masaganang buhay. Aniya, patuloy na sisikapin ng kanyang administrayon na walang Pilipinong magugutom at maghihikahos.

Pabata nang pabata ang workforce ng Pilipinas. Ayon sa Philippine Statistics Authority (PSA), as of 2022, 26% ng labor force ng Pilipinas ay millennials o mga ipinanganak mula 1981 hanggang 1996. 18% naman dito ay Generation Z o mga ipinanganak mula 1997 hanggang 2012.

Lumaki ang millennials kasabay ng pag-usbong ng digital landscape, samantalang itunuturing namang digitally-native ang mga Gen Z. Dahil dito, masasabing natural sa makabagong henerasyon ang pagiging digitally at technologically literate.

Para kay Pangulong Ferdinand ‘Bongbong’ Marcos Jr., big advantage ito para maging technological hub ang bansa.

Tumutukoy ang technological hub sa kumunidad na nagsusulong ng innovation para sa technology-based companies. Naka-focus ang tech hub sa businesses at start-ups na may kinalaman sa teknolohiya, pati na rin ang suporta sa infrastructure at talent pool.

Hindi lang si Pangulong Marcos ang naniniwala na may potensyal ang bansa na maging tech hub. Kinilala rin ng Israel Chamber of Commerce of the Philippines na malayo na ang narating ng bansa sa pag-adapt ng technological advancements, dahil na rin sa pagiging tech-savvy ng makabagong henerasyon.

Bukod dito, sinabi rin ng executive officer mula sa isang Japanese IT firm na may kakayahan ang bansa na maging sunod na tech hub ng Southeast Asia. Ayon kay Fujikura Shigemoto ng Sansan, may oportunidad ang Pilipinas na makaakit ng mas maraming foreign companies na magtayo ng tech hubs sa bansa, lalo na sa larangan ng software development at engineering.

Dagdag pa ni Shigemoto, kinikilala ang Pilipinas dahil sa high-level IT education at mga mahuhusay na engineers. Sa kabila nito, idiniin niya na kailangan pa ring pataasin ang quality ng edukasyon at training sa bansa sa pamamagitan ng investment sa educational infrastructure.

Para naman kay Pangulong Marcos, may talento na ang mga Pilipino, lalo na ang mga kabataan, sa paggamit ng teknolohiya. Kailangan lang ng upskilling upang maging forefront ang bansa sa teknolohiya, partikular na sa paggamit ng artificial intelligence (AI).

Kaugnay nito, matatandaang nilagdaan niya ang Republic Act No. 11962 o Trabaho Para sa Bayan Act noong September 27, 2023. Sa batas na ito, isusulong ang paggamit ng digital technologies, partikular na sa micro-, small-, and medium-sized enterprises. Nakatuon din ito sa upskilling at reskilling ng mga mangagawang Pilipino upang mapalakas ang kanilang employability at competitiveness.

Sa pag-iinvest sa edukasyon, patuloy na training at upskilling, paglikha ng friendly and useful business ecosystem lalo na para sa start-ups, at pagpapahusay sa foreign relations, malaki ang posibilidad na maging technological hub ang Pilipinas, na siyang target ni Pangulong Marcos para sa bansa.

Mahilig ka bang mag-TikTok? O kaya naman mag-scroll sa Facebook? Normal man ito para sa karamihan, marami pa ring Pilipino ang hirap o kaya naman wala talagang access sa internet. Ayon kay San Jose del Monte City, Bulacan Rep. Rida Robes, tinatayang 25 milyong Pilipino ang nananatiling walang access sa internet, partikular na sa mga liblib na lugar kung saan isyu pa rin ang physical at broadband isolation.

Kaya naman pinuri ng mga mambabatas ang plano ni Pangulong Ferdinand ‘Bongbong’ Marcos Jr. na dalhin ang first two internet satellites sa bansa na tiyak na magbibigay serbisyo sa unserved at underserved areas sa bansa.

Naging posible ang programa ni Pangulong Marcos na dalhin ang dalawang internet satellites sa Pilipinas dahil sa pormal na paglagda ng Astranis Space Technologies Corp. at Orbits Corp. sa kasunduan na maglulunsad ng MicroGEO satellites. Nangyari ito sa working visit ng Pangulo sa Amerika nitong November 15, 2023.

Tatawaging ‘Agila’ ang bagong satellite na siyang pambansang ibon ng Pilipinas. Ayon kay Astranis Co-founder and CEO John Gedmark, ilulunsad ang naturang satellite sa first quarter ng 2024 na inaasahang sasakop sa higit 10 million users at 30,000 barangays sa Pilipinas.

Ayon sa Vice Chairman of Senate Committee on Science and Technology na si Senator Francis Tolentino, maraming lugar sa bansa ang nakararanas ng technological poverty at maraming Pilipino ang internet poor. Dahil umano ito sa tingin ng telecommunications companies, economically unfeasible o hindi praktikal ang gastos sa pagbibigay ng serbisyo sa mga liblib na lugar. Aniya, nagdudulot ito ng economic stagnation o kawalan ng paglago sa ekonomiya.

Kaya naman para sa senador, magbubukas ang inisyatibo ni Pangulong Marcos ng mas masiglang economic activities. Binigyang-diin niya ang potential benefits ng pagkakaroon ng internet satellite sa bansa, kabilang na ang mas pinabuting edukasyon para sa mga estudyante, mas pinalakas na marketing capabilities para sa mga negosyante, at crucial access sa weather information na siyang makatutulong sa mga magsasaka.

Ayon naman kay Rep. Robes na miyembro rin ng House Information and Communications Technology Committee, napakahalagang papel ang ginagampanan ni Pangulong Marcos upang tugunan ang digital divide sa bansa. Aniya, ang daming economic opportunites na magpapaganda sana ng buhay ang hindi napakikinabangan ng mga Pilipinong nasa liblib na lugar dahil sa broadband isolation. Sa pagkakaroon ng internet sa mga naturang lugar, lalago rin aniya ang demokrasya dahil lumilikha ng mulat na mamamayan ang pagkakaroon ng access sa malayang impormasyon.

Bukod sa mga ito, inaasahang lilikha ang programa ng mahigit 10,000 jobs, pati na rin ng $400 million investment sa susunod na walong taon.

Sa panahon ngayon, napakahalaga ng internet. Walang araw na hindi tayo gumagamit nito, dahil man yan sa trabaho, entertainment, o kagustuhang makipag-usap sa mga mahal natin sa buhay. Sa pagkakaroon ng internet satellite na nakalaan lamang para serbisyuhan ang mga liblib na lugar sa Pilipinas, mas tatatag ang koneksyon nating mga Pilipino—mapa-online man yan or in real life.