HEADLINES

Nilinaw ng Department of Health na ang ipinatutupad na alert level system sa NCR ay hindi upang luwagan ang quarantine restrictions kundi ay para mas pag-tuunang pansin ang pagtugon ng pamahalaan sa COVID-19.

Ginawa ni Health Undersecretary Maria Rosario Vergeire ang paglilinaw makaraang payuhan ng World Health Organization o WHO ang gobyerno na huwag muna kaagad magluwag ng quarantine restrictions.

Binigyang-diin pa ni Vergeire na pinagtutuunan ng gobyerno ang highly burdened areas.

Maliban dito, nakatuon din aniya ang bagong lockdown system sa 3C o ang closed, crowded areas at close contact upang mapigilan ang pagkalat ng COVID-19.

Nakatuon ngayon ang National Task Force sa region 4A-Calabarzon na isa sa critical  area.

Sinabi ni Health Undersecretary Maria Rosario Vergeire na nakipagpulong na ang ahensya sa region 4A kung saan tinitignan ang posibilidad na magkaroon sila ng telemedicine providers.

Isa aniya sa nakitang isyu sa Calabarzon ay hindi alam ng pasyente kung saan sila magtutungo.

Magkakalayo rin aniya ang mga lugar hindi tulad sa NCR na urbanized area.

Tinitignan na rin aniya ng ahensya kung saan maaring maglagay ng modular o field hospitals sa nasabing lugar.—sa panulat ni Hyacinth Ludivico

Hindi pa expired o halos pa expire ang RT-PCR test kits na binili ng DOH.

Sa katunayan, ipinabatid ni Health Secretary Francisco Duque III na ang P600-M na halaga ng RT-PCR test kits na binili nila ay mag-e-expire sa susunod pang anim na buwan.

Iginiit ng DOH na ang standard shelf life ng test kits ay anim na buwan.

Target ng One Hospital Command Center na maipasok ang emergency patients sa mga ospital ng walang isang oras.

Gayunman, ipinabatid ni Dr. Bernadette Velasco, operations manager of One Hospital Command Center na dahil sa kakulangan ng hospital beds, inaabot ng apat hanggang anim na oras para bago sila makakuha ng ospital para sa emergency patients.

Napakahirap talaga aniyang mag-endorse ng cases dahil punuan na ang mga ospital bukod sa kailangan pa nilang kumuha o makapag-book ng ambulansya na kukuha sa pasyente.

Ipagkakaloob pa rin ng gobyerno ang P100,000 cash gift sa sumakabilang buhay na centenarian.

Ayon kay DSWD Assistant Secretary Glenda Relova, kaagad namang makukuha ng kaanak ni Lola Eugenia ang cash gift nito basta’t maisumite ang lahat ng requirements base sa Centenarians Act of 2016.

Nakalulungkot aniyang hindi na napakinabangan ni Lola Eugenia ang kanyang cash gift, bagama’t hindi ito kabilang sa 952 centenarians na nakalistang dapat tumanggap ng P100,000.

Hihilingin ng Kamara sa Malakanyang na i-certify bilang urgent ang panukalang 2022 National Budget.

Ito ayon kay House Appropriations Committee Chair Eric Yap ay para maipasa na ang panukalang 2022 National Budget sa third and final reading.

Ipinabatid ni Yap na sisimulan na ng Kamara sa susunod na linggo ang plenary deliberations ng panukalang 2022 budget kung saan ikokonsider ang mga amyenda rito.

Isa katao ang nasawi at dalawang rider ang sugatan sa magkahiwalay na aksidente sa Pasay City.

Natagpuang nakahandusay sa Edsa Southbound malapit sa Cabrera Street ang labi ng isang lalaki matapos mabangga ng motorsiklo ng isang delivery rider.

Ipinabatid ni Ambrosio Payumo, Jr. Nightshift Supervisor ng Pasay Traffic, hindi napansin ng delivery rider ang pagtawid ng biktima at dahil sa lakas ng impact ay tumilapon ang rider.

Samantala, isang sundalo naman ang sugatan matapos tumama ang minamanehong motorsiklo sa likuran ng nakaparadang truck sa West Service Road.

Tila naka inom ang sundalo kaya’t maaring hindi napansin ang nakabukas na warning lights ng truck.

Ikinukunsider ng DOH ang ethical issues sa usapin ng booster shots.

Ipinabatid ito ni Health Secretary Franciscod Duque, III lalo pa’t maraming Pilipino pa aniya ang hindi pa nababakunahan kontra COVID-19.

Inihayag ni Duque na patuloy na pinag aaralan ng Vaccine Expert Panel at all experts groups hinggil sa COVID-19 vaccines, ang mga polisiya sa booster shots.

Mahirap aniyang maging panuntunan na bigyan ng booster dose ang mga nakatanggap na ng kumpletong bakuna subalit paano yung iba pang kahit isang dose ay hindi pa natuturukan na malinaw na ethical issue.

Iginiit ni Duque na maging ang World Health Organization ay hindi pa inirerekomenda ang booster shots dahil kapos ang supply ng COVID-19 vaccines partikular sa low at middle income countries tulad ng Pilipinas.