Bumaba ang inflation rate sa bansa nitong Setyembre ayon sa PSA o Philippine Statistics Authority.
Sinabi ni PSA Chief Dennis Mapa na bumagal ang antas ng pagtaas ng presyo ng mga bilihin at serbisyo sa 4.8% nitong nakaraang buwan.
Ito ay mas mabagal sa naitalang 4.9% na inflation noong Agosto.
Ani Mapa, pasok ito sa pagtataya ng Bangko Sentral ng Pilipinas na 4.8 hanggang 5.6 percent range. —sa panulat ni Jennelyn Valencia-Burgos
Umabot na sa kabuuan na 43,332 na mga pribado at publikong establisyimento ang naisyuhan ng Safety Seal certification sa buong mundo.
Ito ay ayon kay Trade Secretary Ramon Lopez, na hinimok ang mga may-ari ng negosyo na magkaroon ng safety seal bilang parte ng pagsunod sa mga hakbang kontra COVID-19.
Sa kasalukuyan, mayroong higit 85,000 aplikasyon ang Safety Seal Technical Working Group, higit 40,000 ang mga naaprubahan dito at higit 9,000 ang aplikasyon na tinanggihan o isinangguni sa angkop na ahensya.—sa panulat ni Airiam Sancho
Inanunsyo ni Department of the Interior and Local Government o DILG Secretary Eduardo Año, nitong lunes ng gabi na tapos na ang distribusyon ng cash aid o ayuda para sa mga benepisyaryo ng Enhanced Community Quarantine sa Laguna habang ang bataan ay nasa 97.95 porsyento.
Aniya, higit anim na daan libo na benepisyaryo sa Bataan ang nabigyan na ng ayuda at inaasahang makukumpleto ang distribusyon sa susunod na linggo.
Samantala, sinabi ni Año na inilunsad na ng Department of Information and Communication Technology o DICT ang online application platform na Vaccination Certificication Philippines o VaxCertPH.
Bukod dito, sinabi ni Año na walang kaukulang bayad o libre ang VaxCert na maaaring magrehistro sa online website na vaxcert.doh.gov.ph at satellite booths ang mga nabakunahan na. —sa panulat ni Airiam Sancho
Sinimulan na ng Commission on Elections ang review period para busisiin ng stakeholders ang source code ng Automated Election System o AES na gagamitin para sa eleksyon sa Mayo 2022.
Ayon kay COMELEC Chairman Sheriff Abas, ginagawa ang local source code review para masiguro at makita kung gaano ka-ligtas ang automated election system, na iminamandato rin sa ilalim ng Republic Act 9363.
Dagdag pa niya, ang source code na ipinapabusisi sa mga stakeholders ay para maiwasan ang nangyaring 7-hour glitch noong Eleksyon 2019 na kung saan nagkaroon ng pagbara sa sistema ng voter counting machines.
Samantala, labing limang grupo ang nag-abiso sa COMELEC na lalahok sa local source code review, kasama rito ang ilang political parties, civil society organizations, at eleksyon watchgroups na PPRCV at NAMFREL.—sa panulat ni Airiam Sancho
Pansamantalang sinuspinde ang limang Augusta AW-109 Helicopter ng Philippine Navy matapos masangkot sa aksidente ang isa sa mga ito sa bayan ng Lal-Lo, Cagayan.
Ayon kay Philippine Navy flag officer in Command Vice Admiral, Adelius Bordado, ito’y normal na proseso habang iniimbestigahan ang aksidente.
Paglilinaw naman ni Bordado na tumagilid lang habang palapag sa designated landing zone ang Philippine Navy AW-109 helicopter na may tail number na NH435 at hindi nag-crash.
Aniya, nagtamo lang ng kaunting gasgas ang piloto ngunit lahat ng apat na sakay ng chopper ay dinala sa ospital para sa routine check-up.—sa panulat ni Airiam Sancho
Namatay ang isang lalaki sa loob ng ospital na biktima ng riding in tandem sa Barangay Unang Sigaw, Balintawak Quezon City.
Kinilala ng mga kaanak ang biktima na si Jessie Dela Cruz, apat na put limang taon gulang, at Presidente ng isang asosasyon ng mga jeepney driver.
Ayon sa mga kaanak, galing sa birthday party sa caloocan ang biktima nang harangin at pagbabarilin ng dalawang suspek na sakay ng isang motorsiklo.
Naisugod naman sa ospital ang biktima ngunit binawian rin siya ng buhay matapos magtamo ng walong tama ng bala sa kaniyang tagiliran at dibdib.
Patuloy pa rin na iniimbestigahan ng Quezon City Police District (QCPD) ang nasabing insidente. —sa panulat ni Airiam Sancho
Patay sa pamamaril ng riding-in-tandem ang isang negosyateng dayuhan sa Lipa City, Batangas.
Kinilala ang dayuhang biktima na si Shajad Miah, 43-anyos na residente ng Karuhatan, Valenzuela City.
Base sa imbestigasyon, nasa harap ng opisina ng isang kumpaniya sa bahagi ng P. Torres St., Brgy. 5, Lipa City ang biktima nang dumating ang dalawang suspek sakay ng pulang yamaha mio soul motorcycle saka pinagbabaril ang biktima.
Nakaligtas pa sa pamamaril ang biktima matapos makatakbo pero muli itong hinabol ng mga suspek saka pinaulanan ng bala ng baril.
Dito na binawian ng buhay ang suspek matapos magtamo ng mga tama sa ibat-ibang bahagi ng kaniyang katawan.
Narekober sa pinangyarihang krimen ang 9 na basyo ng kalibre .45 baril.
Sa ngayon, pinaghahanap na ng mga otoridad ang mga suspek na tumakas. —sa panulat ni Angelica Doctolero
Nagbabala si Food and Drug Administration Director General Eric Domingo sa mga bumibili ng mga gamot online bilang panlaban sa Corona virus disease at iba pang sakit.
Ayon kay Domingo, karamihan sa mga itinitindang gamot sa online ay mga peke at hindi mga rehistrado ng kanilang ahensya.
Bukod pa dito, ang ilan din sa mga itinitindang gamot online ay hindi nakapasa sa requirement ng FDA.
Muli namang nakiusap si Domingo sa publiko na delikado ang mga gamot na iniinom ng isang indibidwal kung hindi ito otorisado ng kanilang ahensya. —sa panulat ni Angelica Doctolero
Aabot sa 7 pamilya o katumbas ng 30 indibidwal ang inilikas sa Eastern Visayas Region dahil sa masamang panahong dulot ng Bagyong Lannie.
Kasunod nito, iniulat din ng National Disaster Risk Reduction and Management Council o NDRRMC na aabot sa mahigit 200 pasahero ang istranded ngayon sa mga pantalan.
Batay sa datos ng NDRRMC, nasa 12 pantalan ngayon ang suspendido ang operasyon sa CALABARZON, MIMAROPA, Silangan at Kanlurang Visayas.
Maliban dito, may 130 rolling cargoes din at 3 barko ang hindi rin pinayagang makabiyahe dahil sa masungit na lagay ng panahon.—ulat mula kay Jaymark Dagala (Patrol 9)
Inirekomenda ni Cabinet Secretary Karlo Nograles kay Pangulong Rodrigo Duterte ang paggamit ng virgin coconut oil bilang alternatibong gamot sa COVID-19.
Ayon kay Cabinet Sec. Karlo Nograles, nagsasagawa na ng hakbang ang PCA, FNRI at DOST maging ang iba pang mga ahensya para sa clinical studies ng VCO.
Ito ay upang alamin kung mabisa itong treatment sa mga suspected at probable cases ng COVID-19.
Samantala, patuloy na naglulunsad ang Philippine Coconut Authority (PCA) ng iba’t-ibang proyekto at programa para matulungang mapataas ang kita ng mga coconut farmers sa bansa.
Sa ngayon, nakikipag-ugnayan na ang PCA sa mga coconut farmers upang masuportahan din ang pangangailangan ng bansa. —sa panulat ni Angelica Doctolero