HEADLINES

Nasa ika-48 na puwesto ang Pilipinas sa 110 bansa pagdating sa “global digital quality of life”.

Batay sa pag-aaral na isinagawa ng cybersecurity firm na Surfshark ang bagong puwesto ngayon ng bansa ay nangangahulugan ng improvement.

Binibigyang-diin ng panibagong ranking na ito ang pagbabago sa digital landscape na naganap sa bansa sa gitna ng kinakaharap na global health crisis dahil sa COVID-19 pandemic.

Ayon pa sa Surfshark, ipinapakita lamang nito na napakahalaga ng pagkakaroon ng digital opportunities lalo ngayong pandemya para manatiling buhay ang ekonomiya ng bansa.

Samantala, nasungkit naman ng Denmark ang unang puwesto na sinundan ng South Korea, Finland, Israel at United States.

Wala nang umiiral na tropical cyclone wind signal sa anomang bahagi ng bansa.

Gayunman, ayon sa Pagasa, palalakasain ng Bagyong Lannie ang Easterly flow sa Hilaga at Southwest flow naman sa Timog na magdadala ng pabugso-bugsong malakas na ulan at maalon na dagat.

Huling namataan ang sentro ng Bagyong Lannie 165 kilometro Kanluran ng Coron, Palawan.

Taglay nito ang lakas ng hanging aabot sa 45 kilometro kada oras malapit sa gitna at may pagbugsong aabot sa 55 kilometro kada oras.

Inaasahang lalabas ang Bagyong Lannie ng Philippine Area of Responsibility sa Miyerkules ng hapon o gabi.

Walang problema sa ginagawang COVID-19 test ng pamahalaan.

Ito ang binigyang-diin ni testing Czar Sec. Vince Dizon,   matapos manatili pa rin  sa 60,000 hanggang 70,000 ang average ng kanilang mga isinasagawang testing.

Giit ni Dizon, hindi ito bumababa, dahil kung pagbabasehan ang sinabi ng Department of Health (DOH), risk-based ang ginagamit nilang pamamaraan sa pagsasagawa ng mga testing.

Kung saan nangangahulugan aniya ito na iyung mga may mataas na exposure sa COVID-19 positive, ang kanilang isinasalang dito.

Gaya na lamang ani Dizon ng mga close contacts, may mga sintomas, at mga naninirahan sa lugar na may maraming kaso ng COVID-19.

Pero sa kabila ani Dizon ng pagbaba ng naitatalang virus cases, hindi pa rin maaring magpaka-kampante bagkus dapat pa ring panatilihin ang mariing pagsunod sa mga health protocols na ipinatutupad ng pamahalaan.—mula sa ulat ni Jopel Pelenio (Patrol 17)

Pangangasiwaan ng National Adverse Events Following Immunization (NAEFI) ang mga batang makararanas ng side effect matapos bakunahan kontra COVID-19.

Ayon  kay Health Secretary Francisco Duque III, may mga regional at local offices din ang NAEFI upang makatiyak na ang lahat ng mga batang edad 12 hanggang 17 anyos ay mababakunahan, matutukan at mababantayan.

Ani Duque, asahang makatutulong ang NAEFI para matukoy agad kung may kaugnayan ba sa bakuna ang side effect na nararanasan ng mga bata.

Kaugnay nito, tiniyak ng kalihim na anomang maitatalang adverse event ay dadaan sa masusing pagsusuri ng mga eksperto.—mula sa ulat ni Jopel Pelenio (Patrol 17)

Inatasan ng liderato ng Philippine National Police (PNP) ang Police Regional Office 5 o Bicol Police na tutukan ang imbestigasyon hinggil sa nangyaring pagsabog sa Bicol University – Legazpi campus nitong weekend

Ayon kay Pnp chief P/Gen. Guillermo Eleazar, hindi na dapat maulit pa ang ganitong insidente lalo’t nalalagay sa balag ng alanganin ang seguridad at kaligtasan ng mga residente sa lugar

Bagama’t wala namang ginagawang klase sa naturang pamantasan dulot ng COVID-19 pandemic, binigyang-diin ng PNP chief na hindi pa rin ito maaaring gamiting dahilan para maging kampante

Alas-6:30 ng gabi nitong linggo nang mangyari ang pagsabog sa naturang pamantasan na nasa harap lamang ng Camp Simeon Ola na regional headquarters ng Bicol PNP kaya’t mabilis itong narespondehan.

Wala namang naitalang nasugatan o nasawi sa naturang insidente, subalit umaapela si Eleazar sa mga nakatira malapit sa lugar na makipag-ugnayan lamang sa awtoridad kung may hawak silang mahahalagang impormasyon para sa mabilis na ikalulutas ng kaso.—mula sa ulat ni Jaymark Dagala (Patrol 9)

Naniniwala si senatorial bet Samira Gutoc na bangsamoro ang greatest achievement ng administrasyong Duterte at hindi ang war on drugs.

Sinabi ni Gutoc, na maaari sanang naging matagumpay ang kampanya laban sa ilegal na droga ng administrasyong Duterte kung hindi sana ito nabahiran ng isyu hinggil sa extrajudicial killings.

Giit ni Gutoc, sayang dahil peace and order ang isinusulong ng war on drugs na ito, ngunit ang mga naging pagpatay sa ilalim ng kampanyang ito ay higit na nakatawag pansin, naging kwestyunable at hanggang sa ngayon ay iniimbestigahan.

Kaya ayon kay Gutoc, bilang residente siya ng Marawi, malaking bagay sa kaniya nang maisabatas ang Bangsamoro Law kung saan 4M Pinoy ang naapektuhan nito.

Samantala, sinabi ni Gutoc na sa tingin niya ang naging “biggest failure” ng administrasyong Duterte ay ang pagiging handa sa pagtugon sa krisis.

Nasa 30 indibidwal ang nailikas na sa Eastern Visayas matapos salantain ng Bagyong Lannie ang kanilang kabahayan.

Ayon sa National Disaster Risk Reduction and Management Council (NDRRMC), may mga napaulat ng insidente ng landslide sa Eastern Visayas habang limang insidente naman ng pagbaha.

Tatlong kalsada rin umano ang hindi pa maaaring madaanan sa Eastern Visayas at Western Visayas.

Nagsuspindi na rin umano ng operasyon ang 12 pantalan dahil sa banta ng Bagyong Lannie.

Aabot sa 201 pasahero, 130 rolling cargoes at tatlong vessels ang na-stranded sa Calabarzon, Mimaropa, Western Visayas at Eastern Visayas.

Pagsisikapan ng Pilipinas na makabili ng Merck & Co’s Experimental Antiviral Pill na Molnupiravir sakaling ito ay mapatunayang may benepisyo sa mga pasyenteng tinamaan ng COVID-19.

Ayon kay Health Undersecretary Maria Rosario Vergeire, kapag may mga ganito namang bagong produkto na isinasailalim sa pag-aaral ay hindi naman nagpapahuli ang pilipinas at nakikipag negosasyon ang Gobyerno para tayo ay magkaroon ng access dito.

Ani Vergeire, isinagawa ang clinical trial sa naturang pill sa Lung Center of the Philippines nitong taon, dahilan para mas maging madali sa Pilipinas na magkaroon ng access dito.

Gayunman sinabi ni Vergeire na sakaling maging “Game Changer” ang pill na ito, tiyak na mapakikinabangan ito ng publiko.—sa panulat ni Jennelyn Valencia-Burgos