ENTERTAINMENT

Mas bumubuti na ngayon ang health condition ng TV Host-Actress na si Kris Aquino matapos magpagamot ng ilang buwan sa Amerika.

Ibinahagi ni Batangas Vice Governor Mark Leviste ang larawan ni Kris kung saan na totoong nadagdagan na ang timbang nito.

Nakasaad sa caption ni Mark sa kanyang Facebook post na kasama niya sa unang araw ng taon ang kaibigan na si Kris.

Maliban sa litrato nila ni Kris, nakasama rin ang dalawang anak ng aktres na sina Joshua at Bimby.

Samantala, ikinatuwa naman ng mga fans ni Kris Aquino nang makita sa litrato sa FB na nakaka-recover na sa kanyang karamdamdam ang aktres. –sa panulat ni Jenn Patrolla

Nagtamo ng injury ang isa sa mga bida ng pelikulang The Avengers na si Jeremy Renner.

Ayon sa ulat, sa pagbubungkal ng niyebe noong linggo (Oras sa US) naganap ang aksidente.

Dahil sa nangyari, nasa kritikal ngunit stable na kondisyon ang aktor na nakaranas ng injuries.

Patuloy naman itong binabantayan ng kaniyang pamilya para sa agarang paggaling.

Sa ngayon, hindi pa kumpirmado ang lokasyon ng aksidente ni Jeremy, na una nang sinabi ng Reno Gazette Journal na nagmamay-ari ng isang bahay sa Washoe County, Nevada na tinamaan ng malakas na ulan ng niyebe noong bisperas ng bagong taon.

Nilinaw ng aktres na si Sunshine Dizon na hindi umano ang kaniyang ex-husband ang laman ng kaniyang Instagram post.

Ito’y matapos magpost ng hinanaing ang aktres kung saan, kaniyang pinayuhan ang publiko tungkol sa hacking ng mga video.

Bukod pa dito, pinatutsadahan din ni Sunshine ang mga influencer na nanloloko umano ng kapwa influencers maging sa mga investor.

Wala namang tinukoy na pangalan ang aktres hinggil sa kaniyang post at iginiit na hindi ang dating asawa ang nasa post dahil mabuti at walang problema ang ama ng kaniyang mga anak.

Sa ngayon, burado na ang post ng aktres na umani ng ibat ibang reaksiyon sa mga netizen.

Magkasamang sinalubong ng showbiz couple na sina Catriona Gray at Sam Milby sa Australia ang pagtatapos ng 2022.

Batay sa kanyang instagram post, ibinahagi ni Miss Universe 2018 ang mga larawan kasama ang kanyang pamilya at ang kanyang boyfriend.

Kamakailan lamang ay nag-post ang beauty queen ng isang larawan na may caption na “Happiest” kung saan kasama si Sam na nasa Western Australia at nagdulot ng espekulasyon na tila engage na ang dalawa.

Dinagsa naman ng komento ng kanilang mga tagahanga at ilang kaibigan sa industriya ang post.

Matatandaang, kinumpirma ng showbiz couple ang kanilang relasyon nuong May 2020.

Nakipag-isang dibdib na si Miss Universe Philippines 2021 2nd runner-up Steffi Rose Aberasturi sa kanyang long-time boyfriend na si Karl Arcenas.

Ginanap ang kanilang “intimate chapel wedding” sa Cebu kahapon, December 28, 2022.

Mababatid na na-engage si Steffi noong January 23, 2022 na birthday ng kaniyang nobyo.

Aniya, hindi niya alam na siya pala ang masosorpresa.

Sinabi rin ni Steffi na sa asiyam na buwan nilang magkarelasyon ay marami na rin silang pinagdaanang pagsubok.

Saad ng beauty queen, napaka blessed nito na mayroon siyang karl sa kaniyang buhay.  —sa panulat ni Hannah Oledan