In a relationship na ang South Korean actor na si Song Joong Ki sa isang non-showbiz British woman.
Ito ang kinumpirma ng Highzium Studio, ang agency ni Joong Ki kaugnay sa kaniyang status.
Nakiusap naman ito sa mga taga-hanga ng South Korean actor na suportahan na lamang ang relasyon nito.
Matatandaang dating asawa ni Joong Ki ang Korean actress na si Song Hye Kyo kung saan ikinasal sila noong 2017 at dalawang taon rin ang nakalipas nang mag-divorce.
Usap-usapan ngayon sa social media ang ginawang pag-unfollow ng actress-model na si Sofia Andres, sa kaniyang live-in partner na si Daniel Miranda.
Ito’y matapos magpost ng Christmas picture si Daniel sa kaniyang Instagram account kasama ang kanilang anak na si Baby Zoe kung saan, hindi kasama sa litrato si Sofia.
Nagpost din ang aktres ng kaparehong litrato pero wala din si Daniel at tanging si Zoe lang kasama nito sa picture dahilan para magtaka ang mga netizen kung saan, marami ang nagtatanong kung hiwalay na nga ba ang dalawa.
Sa ngayon, wala pang reaksiyon si Sofia at Daniel, hinggil sa kumakalat na isyu tungkol sa sitwasyon ng kanilang relasyon.
Gagamit ang Miss Universe ng sustainable sash para sa ika-71 edisyon ng naturang pageant sa 2023.
Ayon sa Miss Universe, ang mga sash ay gawa mula sa 100% “post-consumer recycled” na fabric at mayroon din itong rhinestones.
Layon nito na mabawasan ang plastic at basura at sa pakikipagtungan na rin sa “The Sash Company”.
Kamakailan lamang, nang isinapubliko ng Miss Universe at Mouawad koronang “Force for Good” na gawa sa mga saphire at diamond.
Inihayag nina Miss Universe at Mouawad ang koronang Force for Good na gawa sa mga Sapiro at Diamante.
Magaganap ang 71st edition ng Miss Universe sa January 14, 2023 sa New Orleans, Louisiana. –sa panulat ni Jenn Patrolla
Usap-usapan sa social media ang umano’y pagbabalikan nina Jeric Gonzales at Rabiya Mateo.
Ito’y matapos mamataan sa Eraserheads Huling El Bimbo Concert sa SMDC Festivals Grounds.
Marami ang dumalo sa huling concert ng Eraserheads, kaya ang tanong ng karamihan, celebration rin kaya ito ng pagbabalikan ng dalawa.
Sa ngayon, wala pang pahayag ang dalawa hinggil sa isyu. - sa panunulat ni Jenn Patrolla
Ibinahagi ni Maxene Magalona sa Instagram ang kanyang lumang larawan na kuha sa kasal nila ng kanyang ex-husband na si Rob Mananquil.
Ani Maxene sa caption, “Breaking up without breaking down”.
Usap-usapan naman ang naturang pagpopost ng aktres ng kanilang wedding photos kahit matagal na silang hiwalay ni Rob.
Sagot naman ng aktres, isa ito sa mga paraan ng pag-honor niya sa kaniyang pinagdaanan.
Dagdag pa ni Maxene, sayang naman aniya ang ganda niya sa mga litrato kung hindi niya ito ipopost.
Mababatid na January 2022 nang i-unfollow ni Maxene si Rob sa Instagram. —sa panulat ni Hannah Oledan
Hindi pinayagang ipalabas ang pelikulang pinagbidahan nina Jake Cuenca at Sean de Guzman sa ilang sinehan sa Metro Manila.
Nabatid na ang My Father, Myself film nina Jake at Sean na isa sa mga entries sa Metro Manila Film Festival (MMFF) 2022 ay kabilang sa rated 18 o para lamang sa mga matured moviegoers na idinirek ni Joel Lamangan at prinoduce ng 3:16 media production.
Ayon kay Direk Lamangan, masyadong kumplikado at maselan ang plot ng istorya at hindi nagpapalabas ang ilang mga mall ng R-18 kung saan, lumutang ang galing ni Jake sa kanyang role bilang closet gay na abogado.
Sa kabila nito, kumpiyansa si direk lamangan na makaka-relate sa movie ang mga miyembro ng LGBT community na posibleng nangyari rin sa kanila ang naturang istorya.
Usap-usapan sa social media ang balitang hiwalay na ang Pie-Du o tambalan ng real life couple na sina Cherie Pie Picache at Edu Manzano.
Ito ay matapos mapansin ng ilang netizens na tatlong buwan nang walang paramdam sa social media ang magnobyo.
Ngunit ito ay pinabulaanan ni Cherie Pie matapos mag post ng aktres ng isang larawan ng kanilang family get-together kung saan kasama at kaakbay nito si Edu.
Nitong December 18 naman ay nagbahagi din si Edu ng picture nina ni Cherie Pie sa kanyang Instagram account kung saan kasama nito sina Cavite Governor Johnvic Remulla at may-ari ng restaurant sa Quezon City.
Sa caption, tinawag pang gorgeous ni Edu si Cherie Pie na nag-reply naman ng “Thank you good looking” na may kasamang heart-smiley emoji.
Marami naman sa kanilang fans ang natuwa at kinilig na makita ang dalawa na muling magkasama. - sa panulat ni Hannah Oledan
Sinagot na ng aktres na si Janine Gutierrez ang tanong ng mga netizens kung buntis ba siya?
Ito ay matapos isang netizen ang nagkomento sa instagram post ni Janine kung saan makikita ito kasama si Paulo Avelino nang dumalo sa ABS-CBN Christmas Special Suot ang isang body-hugging black gown.
Ayon sa aktres, hindi siya buntis at tanging bloated o nakakaranas ng Post Menstrual Syndrome (PMS) noong nagdaang event.
Sinabi pa ni Janine na hindi niya ipinagkakait ang kanyang sarili na kumain ng kahit anong naisin niya kapag hindi nagtatrabaho.
Sa ngayon, abala ang aktres para sa nalalapit na TV series nito na ‘Dirty Linen’ kung saan makakasama nito sina Zanjoe Marudo, Francine Diaz at Seth Fedelin.
Kinumpirma ni Maureen Wroblewitz na mayroon na siyang special someone ngayon, ilang buwan ang nakalipas matapos silang maghiwalay ng dating nobyong si JK Labajo.
Ibinahagi ni Maureen sa kaniyang personal account ang Tiktok video gamit ang “cards against humanity” filter na nagsasabi kung ano ang makukuha mo sa taong 2023.
Ayon sa filter, makakakuha ang modelo ng lalaki o men. Agad naman itong ngumiwi, senyales na dismayado ito sa naging resulta.
Ngunit pagbawi ni Maureen sa caption, sinabi nito na nagbibiro lamang ito at mayroon na aniya siyang “special someone”.
Nagkomento naman ang ilang netizen na ipakita ang special someone na tinutukoy ng modelo.
Tugon naman ni Maureen, ay mayroong tamang panahon para sa jowa reveal.
Mababatid na tinuldukan na nina Maureen at JK ang kanilang relasyon nitong Hunyo 2022. —sa panulat ni Hannah Oledan
Inalis na ng H&M sa kanilang mga outlet at online store ang inspired collection ni Justin Bieber matapos nitong tawaging “trash” o “basura” ang mga produkto ng kumpaniya.
Sa Instagram post ng singer, kaniyang hinikayat ang mga fans na huwag bumili ng mga items katulad na lamang ng t-shirts, jumpers, tote bags at phone accessories dahil hindi umano ito aprubado o walang pahintulot mula sakaniya.
Matatandaang kamakailan, idineklarang “sold out” sa ilang mga outlet ng naturang kumpaniya ang merch collection sa ilalim ng pangalan ni Justin bagay na ikinagulat ng singer.
Agad namang dumipensa ang naturang store sa kanilang fashion line at sinabi na lisensyado ang kanilang mga produkto maging ang kanilang pakikipagsosyo.
Kanila ding iginiit na sumunod sila sa tamang pamamaraan ng pag-apruba hinggil sa collaboration kay Justin.