ENTERTAINMENT

Rumesbak ang Actress-TV Host na si Karla Estrada sa kaniyang mga basher matapos ikumpara ang kaniyang pamilya partikular na sa anak na si Daniel Padilla sa pamilya ni Donny Pangilinan.

Ito’y makaraang tawagin na “Cheater” si Daniel ng isang basher kung saan, binansagan din si Karla na “Problematic” at “Chaotic” ang kaniyang pamilya habang “Complete at Happy” naman ang sinabi sa pamilya ni Donny.

Iginiit ni Karla, na nais lang ng mga ito na masira ang pangalan ng kaniyang anak kung saan, walang katotohanan ang ibinabato ng mga basher sa kaniyang pamilya.

Sinabi ni Karla na hindi alam ng mga tao ang totoong nangyayari sa mundo ng Showbiz at hindi maganda ang nandadamay pa ng ibang pamilya para lang makapanira ng ibang tao.

Nagpaalala naman ang aktres sa mga netizen na maging maingat sa pagbibigay ng komento at gawing tama ang pagtrato at pagtingin sa kapwa dahil mahirap ang manghusga lalo na kung hindi natin alam ang pinagdaraanan ng iba.

Usap-usapan ngayon sa social media ang boyfriend ng singer at PBB Otso housemates na si Lie Reposposa.

Ito’y matapos ibahagi ni Lie sa kaniyang Instagram account ang mga litratong kasama ang kaniyang boyfriend na may hashtag “Road to forever.”

Agad na nagbigay ng ibat-ibang komento ang mga netizen maging ang kapwa mga artista nito na natuwa naman at sinabing may nanalo na.

May ilan ding nagbigay ng komento na hindi man pinalad si Lie sa kaniyang career, winner naman ito pagdating sa kaniyang love life.

Ayon pa sa ilang netizen hindi na mapapasama sa SMP Group (Samahang Malalamig ang Pasko) ang naturang singer dahil nakahabol ito bago matapos ang taong 2022.

Nanakawan ng alahas ang dating Pinoy Big Brother (PBB) housemate na si Brenda Mage.

Ibinahagi ito ni Brenda sa kanyang social media account na ninakaw ang mamahaling bato na nagkakahalagang P120,000 na mula sa Japan at hindi pa niya ito bayad.

Sa ngayon, wala pang suspek sa pagnanakaw ngunit may pinaghihinalaan ang komedyante pero kukumpirmahin muna niya ito sa pamamagitan ng hula.

Kasabay nito, sa pag-asang makita ang kanyang mga alahas nagtungo ang vlogger sa mga malapit na pawnshop.

Gayunpaman, ipagdadasal na lamang ng komedyante ang kaniyang sitwasyon.

Nagsalita na ang aktres na si Barbie Imperial tungkol sa issue nila ng VIVAMAX Artist na si Debbie Garcia.

Ito’y matapos niyang sugurin sa isang bar sa Quezon City noong Nobyembre.

Inamin ni Barbie sa isang panayam na wala pa siyang natatanggap na subpoena matapos itong kasuhan ni Debbie ng physical injuries.

Isiniwalat pa ni Babrie na na-provoke siyang sugurin si Debbie dahil sa paulit-ulit na pagkakamali na nagawa nito.

Sa ngayon, wala pa ring reaksyon ang kampo ni Debbie hinggil sa issue. —sa panulat ni Jenn Patrolla

Nadisgrasya ang Cebuana Beauty Queen na si Lou Dominique Piczon matapos bumangga ang minamanehong sasakyan sa Center Island ng kalsada kahapon.

Naganap ang insidente sa may N. Bacalso Street, Barangay Sambag 1, Cebu City.

Agad namang naisugod ang beauty queen sa malapit na ospital at ayon sa kanyang malapit na kaibigan, wala itong tinaming sugat mula sa aksidente bukod sa kaunting chest pain.

Sa ngayon ay nakauwi na si Lou at kasalukuyang nagpapagaling mula sa car accident. —sa panulat ni Hannah Oledan