ENTERTAINMENT

Muling nagsama-sama ang ilang miyembro ng streetboys, kabilang si Vhong Navarro na nagkaroon ng maligayang reunion isang linggo matapos makapagpiyansa.

Sa kanilang official Facebook page, ibinahagi ng grupo ang isang photo kung saan bakas sa mga mukha nito ang kasiyahan at tila nagkaroon ng at home get-together.

Ito ang kauna unahang public photo ni Vhong matapos nitong nakalaya mula sa Taguig City Jail sa piyansa noong Disyembre 6.

Kabilang sa litrato sina Jhong Hilario na co-host nito sa It’s Showtime at sina Meynard Marcellano, Chris Cruz, Joey Andres, at Spencer Reyes.

Mababatid na nakulong ang Aktor at TV Host ng dalawang buwan sa National Bureau of Investigation (NBI) at isang linggo naman sa Taguig City Jail bago mapagbigyan ang petisyon nitong makapagpiyansa. –  sa panulat ni Hannah Oledan

Inanunsyo ng Actor-Singer na si James Reid ang petsa para sa kanyang North American tour sa susunod na taon.

Ayon kay James, magsisimula ang kanyang councert sa Houston, Texas sa January 29, 2023 para i-promote ang kanyang ‘Lovescene ‘album.

Idaraos din ang kanyang concert sa Richmond, Virginia; Asbury Park, New Jersey; New York; Toronto, Ontario; Chicago, Illinois; Winnipeg; Calgary, Alberta; Vancouver; Seattle; San Francisco; at West Hollywood.

Nabatid na ito ang kauna-unahang pagkakataon na magkakaroon ng tour si Reid sa North America.

Hindi naman binanggit ni James kung mayroon siyang guest performers sa kanyang concert tour.

Ibinida ng Comedienne at Beauty Queen na si Herlene Nicole “Hipon Girl” Budol, ang kanyang dalawang billboard na matatagpuan sa Edsa Ortigas at Alabang Skyway Toll Plaza sa Alabang.

Ayon sa Binibining Pilipinas 2022 first runner-up, isa itong magandang pamasko sa kanya ng Jag jeans.

Matatandaang isa ang Jag jeans sa mga sponsor ng Binibining Pilipinas ngayong taon kung saan, si Herlene ang itinanghal na Jag queen.

Una na ring naitampok si Herlene sa kauna-unahan at pinakamalaking 3D led billboard sa bansa.

Masayang ibinahagi ng “Wais Na Misis” na si Neri Naig na may sarili na siyang management company na pinangalanang wais communications incorporated.

Sa instagram post ni Neri, sinabi nito na hinikayat siya ni Direk Lauren Dyogi na magbukas ng kompanya para ma-manage ang mga endorsement deals ng kaniyang pamilya.

Inamin naman niya na nag-aalangan siya sa umpisa pero sinubukan niyang tanggapin ang bagong oportunidad sa tulong na rin ng kaniyang asawang si Chito.

Talaga nga namang mapapa jaws drop sa stunning photos ng aktres na si Ina Raymundo para sa kaniyang 47th birthday.

Ipinost ng celebrity mom sa instagram ang no filter snaps kung saan nakasuot ito ng white swimsuit.

“Be kind, be strong, be you #47,” nakasaad sa caption ni Raymundo.

Matatandaan na ibinabahagi ng aktres ang lahat ng kaniyang fun activities para maging strong and fit.

Nagbigay ng mensahe ang singer-comedian host na si Billy Crawford sa kaibigan at kapwa komedyanteng si Vhong Navarro.

Ito’y matapos pansamantalang makalaya si Vhong sa Taguig City Jail makaraang payagang makapagpiyansa ng Korte na nagkakahalaga ng P1 milyon.

Ayon kay Billy, masaya siya na nabigyan ng temporary liberty ang kaniyang kaibigan para makasama ang pamilya nito ngayong pasko.

Sinabi ni Billy na looking forward siya na magtutuloy-tuloy ang pag-usad ng kasong kinakaharap ni Vhong sa maayos na paraan kung saan, nalungkot ang buong showbiz industry nang makulong ito.

Sa kabila nito, naniniwala si Billy na malulutas ang kaso at magiging maayos ang pamumuhay ni Vhong kasama ang kaniyang pamilya.

Pinarangalan ng best supporting performance award si Filipina Actress Dolly De Leon sa 2022 Los Angeles film critics association awards

Ito ay matapos ang naging pagganap ng aktres sa international film na “Triangle of sadness” bilang si Abigail, isang toilet cleaner.

Mababatid na noong nakaraang linggo ay nasungkit din ni Dolly ang nominasyon para sa best supporting actress sa 2022 satellite awards na iginawad ng International Press Academy (IPA). – sa panunulat ni Hannah Oledan