ENTERTAINMENT

Ibinandera ng Fil-Am influencer na si Bretman Rock ang pagiging Pinoy matapos tanggapin ang digital influencer award sa Gala’s 20th Annual Asian American Awards.

Sa Instagram post ni Bretman, ibinahagi niya ang unforgettable moment na kanyang naranasan.

Dahil dito, sinabi ng social media star na patuloy siyang magiging siya, bilang miyembro ng LGBTQ Community at isang Pinoy.

Ang Character Media ay isang international print magazine kung saan ang pagkilala sa digital influencer award ay isang parangal na nagbibigay ng malaking kontribusyon sa online media.

Ayon sa Character Media, si Bretman ay isang inspirasyon lalo na sa LGBTQ Community.

Isinapubliko na ng Miss Universe Organization ang itsura ng kanilang bagong korona na tinaguriang “Force for Good”.

Ang koronang ito ang susuutin ng magwawagi sa grand coronation ng kompetisyon na magaganap sa January 14, 2023 sa New Orleans, Louisiana (January 15, oras sa Pilipinas).

Ginawa ang Miss Universe crown ng world-renowned luxury jeweler na Mouawad na kinakatawan ng 45.14-carat na Royal Blue sapphire, at nagkakahalaga ng anim na milyong dolyar o katumbas ng mahigit P336 million.

Ang Filipina beauty queen na si Celeste Cortesi ang panlaban ng Pilipinas sa kompetisyon.

Aprub kay Sylvia Sanchez ang aktor na si zanjoe marudo bilang boyfriend ng anak nitong si Ria Atayde.

Sumalang sa isang panayam ang mag-inang Sylvia at Ria kung saan tinanong ito ng host na si Alora kung ‘naugthy or nice’ ang kanyang anak pagdating sa pag-ibig.

Sinagot naman ito ni Sylvia ng ‘nice’ dahil ibinibigay ni Ria ang lahat sa pag-ibig at lagi rin nitong pinaalalahanan ang kanyang anak na magtira palagi para sa sarili.

Sinabi pa ng aktres na masaya at nirerespeto nito ang pag-iibigan ng dalawa.

Matatandaang isiniwalat ni Sylvia noong Nobyembre 11 na exclusively dating ang relationship status nina Zanjoe at Ria. —sa panulat ni Jenn Patrolla

Bumuhos ang mensahe, dasal at pakikiramay sa aktor na si Andrew Schimmer matapos pumanaw ang kaniyang asawa na si Jho Rovero nito lamang Martes.

Kasunod ito ng Facebook post ni Andrew hinggil sa pagkamatay ng kaniyang asawa na mahigit isang taon nang nakikipaglaban sa sakit na Severe Hypoxemia na nauwi sa ibat-ibang komplikasyon.

Ayon kay Andrew, November 2021 pa naka-confine ang kaniyang asawa sa St. Luke’s Medical Center, Bonifacio Global City, Taguig City kung saan, sinubukan pang i-revive ng mga doctor at nurses ang kaniyang asawa pero wala na itong response.

Kasunod nito ay nagpasalamat si Andrew sa lahat ng mga taong nagdasal at tumulong sa kanila partikular na ang mga kamag-anak, kaibigan, fans at kapwa artista ni Andrew.

Kasado na bukas, December 21, ang Parade of Stars ng Metro Manila Film Festival (MMFF) na gaganapin sa Quezon City.

Tampok dito ang mga artista mula sa walong official movie entries ngayong taon kung saan kabilang dito ang:

“Mamasapano: Now it can be told” ng Borracho Film Production; “Deleter” ng Viva Communications, Inc.; “Family Matters” ng Cineko Productions, Inc.; “My Father, Myself” ng 3:16 Media Network and Mentorque Productions; “Nanahimik ang Gabi” ng Rein Entertainment Productions; “Partners in Crime” at  “Labyu with an Accent” ng ABS-CBN Film Productions; at “My Teacher” ng Ten17p.

Magsisimula ang parade of stars sa Mabuhay Rotonda hanggang Quezon Memorial Circle na inaasahang tatagal ng mahigit dalawang oras.