ENTERTAINMENT

Naging star-studded ang selebrasyon ng 47th birthday ni QC Councilor Aiko Melendez.

Kabilang sa mga dumalo ay mga artista kabilang sina Vina Morales, Sunshine Cruz, Katrina Halili, BB Gandanghari, Dolly Anne Carvajal, Dondon Sermino, Ogie Diaz.

Naging present din ang ibang politiko kabilang na sina Vice President Sara Duterte, Sen. Bong Go, Mayor Joy Belmonte, Vice Mayor Gian Sotto, Kon. Alfred vargas, Kon. Wency Lagumbay.

Samantala, naging sentro naman ng biruan ang pagni-ninang ni VP Sara sa kasal nina Aiko at Zambales’s 1st District Representative Jefferson “Jay” Khonghun. —sa panulat ni Hannah Oledan

Aminado ang aktres na si Heaven Peralejo na posible siyang ma-fall kung binata pa ang aktor na si Ian Veneracion.

Sa naganap na media conference ng 2022 Metro Manila Film Festival (MMFF), inamin ni Heaven na na kay Ian na ang lahat ng katangian ng isang lalaki kaya mataas ang posibilidad na mahulog ito sa aktor.

Samantala, sinabi naman ni Ian na para sa kaniya, si Heaven ay hindi umano pang-sugar baby level.

Bukod pa dito, ipinagtanggol din ni Ian si Heaven laban sa mga basher nito na ginagawa lamang nila ang kanilang trabaho kung saan, naging mainit ang mga eksena sa pelikulang kanilang pinagbibidahan batay narin sa sinusunod nilang scripts.

Inanunsiyo ng Hollywood actor na si Henry Cavill na hindi na siya ang gaganap bilang Superman sa susunod na mga DC Cinematic Universe movies.

Sa Instagram post ni Henry, kaniyang sinabi ang malungkot na balitang hindi na siya babalik bilang international superhero.

Pinasalamatan naman ni Henry ang mga taong nandyan at patuloy na sumusuporta sa kaniya sa mahabang panahon.

Dahil dito, maraming netizen ang nalungkot sa naging anunsiyo ni Henry kabilang na diyan ang dating basketball player at ngayon ay social media influencer na si Doug Kramer.

Viral ngayon sa social media ang aktor na si Marco Alcaraz matapos kumanta sa isang local beauty pageant sa Urdaneta, Pangasinan.

Ito’y matapos sumobra ang off-key sa kantang “Ngiti” na kinanta ni Marco.

Ayon sa mga netizen, mula simula hanggang sa dulo ng kanta, walang tinamaang tamang tono ang aktor.

Bukod pa dito, may ilan pang nagbigay ng komento na lasing umano si Marco kaya hindi naging maayos ang pagkanta nito sa entablado.

Sa ngayon, umabot na sa 1.2 million views; 23,000 laughing reactions; at lagpas na sa 2,000 comments ang viral video ni Marco.

Nakapagtapos na sa pag-aaral at naging magna cum laude ang isang grab driver na nagviral noong kasagsagan ng pandemya.

Matatandaang si Ax Valerio, isang communication student na hinangaan ng mga netizens noong september 2020 ay kinuhanan ng litrato ng kaniyang kaibigan habang nasa online class sa adamson university habang nakasuot ng grab uniform.

2 taon matapos ang kaniyang pagsisikap ay nakatanggap ito ng silver medal para sa pagiging Magna Cum Laude.

Hindi naman makapaniwala si Valerio at nagpapasalamat naman ito sa lahat ng naging inspirasyon para maabot ang pangarap na makapagtapos ng pag-aaral.