ENTERTAINMENT

Nakipag-isang dibdib na si Miss Universe Philippines 2021 2nd runner-up Steffi Rose Aberasturi sa kanyang long-time boyfriend na si Karl Arcenas.

Ginanap ang kanilang “intimate chapel wedding” sa Cebu kahapon, December 28, 2022.

Mababatid na na-engage si Steffi noong January 23, 2022 na birthday ng kaniyang nobyo.

Aniya, hindi niya alam na siya pala ang masosorpresa.

Sinabi rin ni Steffi na sa asiyam na buwan nilang magkarelasyon ay marami na rin silang pinagdaanang pagsubok.

Saad ng beauty queen, napaka blessed nito na mayroon siyang karl sa kaniyang buhay.  —sa panulat ni Hannah Oledan

Hiwalay na nga ba ang actress na si Rhian Ramos at Frontrow CEO Sam Verzosa?

Usap-usapan sa social media na umano’y break na ang dalawa matapos mapansin ng netizens na hindi na naka-follow ang isa’t isa sa Instagram.

Matatandaang kinumpirma ni Rhian ang relasyon nito kay Sam sa Thankgiving Gala Night noong July.

Noong September naman, binati rin ng aktres ang ceo ng happy birthday at may kasamang sweet message.

Ikinagalak ng pamunuan ng Metro Manila Film Festival (MMFF) 2022 ang mainit na pagtangkilik ng publiko sa pagbabalik ng film fest sa mga sinehan simula noong Linggo, December 25.

Ayon kay MMDA Chairman at pinuno ng MMFF na si Atty. Romando Artes, nakita nila ang suportang ipinamalas ng movie goers base sa mahabang pila sa mga sinehan hindi lamang sa Metro Manila.

Hindi naman naglabas ng box office ranking ang MMFF sa mga entries na pinalabas sa mahigit 650 sinehan sa buong bansa.

Nabatid na kabilang sa mga MMFF entries ang “Deleter,” “Family Matters,” “Labyu with an Accent,” “Mamasapano: Now it can be told,” “My Father, My Self,” “My Teacher,” “Nananahimik ang Gabi,” at “Partners in Crime.”

Usap-usapan ngayon sa social media ang ginawang pag-unfollow ng actress-model na si Sofia Andres, sa kaniyang live-in partner na si Daniel Miranda.

Ito’y matapos magpost ng Christmas picture si Daniel sa kaniyang Instagram account kasama ang kanilang anak na si Baby Zoe kung saan, hindi kasama sa litrato si Sofia.

Nagpost din ang aktres ng kaparehong litrato pero wala din si Daniel at tanging si Zoe lang kasama nito sa picture dahilan para magtaka ang mga netizen kung saan, marami ang nagtatanong kung hiwalay na nga ba ang dalawa.

Sa ngayon, wala pang reaksiyon si Sofia at Daniel, hinggil sa kumakalat na isyu tungkol sa sitwasyon ng kanilang relasyon.

Gagamit ang Miss Universe ng sustainable sash para sa ika-71 edisyon ng naturang pageant sa 2023.

Ayon sa Miss Universe, ang mga sash ay gawa mula sa 100% “post-consumer recycled” na fabric at mayroon din itong rhinestones.

Layon nito na mabawasan ang plastic at basura at sa pakikipagtungan na rin sa “The Sash Company”.

Kamakailan lamang, nang isinapubliko ng Miss Universe at Mouawad koronang “Force for Good” na gawa sa mga saphire at diamond.

Inihayag nina Miss Universe at Mouawad ang koronang Force for Good na gawa sa mga Sapiro at Diamante.

Magaganap ang 71^st edition ng Miss Universe sa January 14, 2023 sa New Orleans, Louisiana.  –sa panulat ni Jenn Patrolla