ENTERTAINMENT

Aabot sa P500M ang kinita ng Metro Manila Film Festival o MMFF ngayong taon.

Ayon kay MMDA at MMFF Overall Chairman, Atty. Romando Artes, kinita nila ang nasabing halaga sa walong pelikulang kalahok.

Kabilang sa mga pelikulang pumatok sa takilya ay ang Deleter, Family Matters, Labyu with an Accent at Partners in Crime.

Samantala, inanunsyo rin ni Artes na extended ang pagpalabas ng mga pelikulang kalahok sa MMFF hanggang sa Ene. 13, 2022.

Nagkaayos na matapos ang naging tampuhan sa pagitan ng mag inang sina Matet De Leon at Superstar Nora Aunor.

Kasunod ito nang balitang magkakompitensya ang mag ina kung saan, Gourmet Tuyo ang negosyong hawak ni Nora habang tinapa business naman ang pinapatakbo ni Matet.

Sa youtube live ni Matet noong Sabado, kaniyang iginiit na nagkaayos na sila ng kaniyang ina at wala nang tampuhan sa kanilang dalawa.

Ayon kay Matet, si Nora ang mismong lumapit sa kaniya para makipag-ayos kung saan, matapos ang bagong taon ay nag-chat sa kaniya ang kaniyang ina.

Iginiit naman ni Matet na normal lang sa pamilya ang magkatampuhan pero maraming posibleng kahihinatnan ang pagkakaroon ng galit at hinanakit sa sarili.

Dumalo sina Kyline Alcantara at Kapamilya singer-actor Darren Espanto sa birthday party ng kambal na sina Cassy at Mavy Legazpi.

Ito’y matapos ibinahagi sa instagram posts ni Carmina Villarroel ang mga larawan ng kanilang pamilya kasama sina Kyline at Darren kalakip ang pagbati nito sa mga anak.

Mababatid na nali-link si Mavy kay Kyline habang si Darren naman kay Cassy.  —sa panulat ni Jenn Patrolla

Kinumpirma na ng mismong aktor na si Carlo Aquino na nasa “dating” stage na sila ng aktres na si Charlie Dizon.

Sa isang panayam, diretsahang sinagot ni Carlo ang matagal nang tanong ng publiko kung nga ba ang real score sa kanila ni Charlie.

‘Yes’, ang sagot ng aktor sa tanong kung lumalabas na ba silang dalawa.

Pagbahagi pa nga ng singer, magkasama silang nag-celebrate noong New Year’s Eve sa La Union kasama ang kanyang pamilya.

Samantala, nang tanunging muli kung dating nga sila ay sinagot ng aktor na nasa “getting to know” stage pa lang sila.

Matatandaang kamakailan lang ng umugong ang balitang may namamagitan sa dalawa matapos mapansin ng mga netizens ang kanilang “closeness” sa larawang ibinahagi ni Charlie sa Instagram.