ENTERTAINMENT

Isinapubliko na ang mga pangalan ng mga Filipino personalities na kasama sa German Moreno Walk of Fame ngayong taon.

Kabilang sa listahan ang Filipino screenwriter, journalist, novelist, at playwright na si Ricky Lee na inductee o napabilang sa larangan ng film; inilagay naman sa Theater si Filipino stage director, film at television actor, at professor Tony Mabesa.

Napabilang naman para sa social media ang magkapatid na Ranz at Niana Guerrero; habang ang Pinay singer na Janet Basco ay napabilang para sa Music.

Nasa larangan ng Sports naman si Olympian Gold Medalist Hidilyn Diaz; sa Television category ang aktres na si Maja Salvador.

Nangunguna naman sa News & Public Affairs si Mario Dumaual at sa Radio category ang broadcaster na si Gerry Baja.

Matatandaang nagsimula ang German Moreno Walk of Fame noong December 2005 na ibinatay sa Hollywood Walk of Fame kung saan, gaganapin ang seremonya sa Enero 18, alas-5:30 ng hapon sa Eastwood City, Quezon City.

Matapos ang 18 taon, ikinasal na ang kapamilya reporter na si Marcelo Logan Ponti Jr. o mas kilala bilang Marc Logan sa kaniyang longtime partner na si Eloisa “Lois” Diego.

Idinaos ang kasal nina Marc at Lois sa St. James the Great Parish sa Ayala, Alabang, Muntinlupa City kahapon.

Dinaluhan ito ng ilang bigating mamamahayag na dati at kasalukuyang kasamahan ni marc sa industriya tulad nina korina Sanchez, Karen Davila at Ces Drilon.

Samantala, sinabi naman ni Karen na isa sa matalik na kaibigan ni Marc, na bagamat ngayon lamang nagpakasal ang dalawa ay taong 2003 pa lamang ay kinokonsidera na ni Marc at Lois ang isa’t isa bilang mag-asawa. —sa panulat ni Hannah Oledan

Aabot sa P500M ang kinita ng Metro Manila Film Festival o MMFF ngayong taon.

Ayon kay MMDA at MMFF Overall Chairman, Atty. Romando Artes, kinita nila ang nasabing halaga sa walong pelikulang kalahok.

Kabilang sa mga pelikulang pumatok sa takilya ay ang Deleter, Family Matters, Labyu with an Accent at Partners in Crime.

Samantala, inanunsyo rin ni Artes na extended ang pagpalabas ng mga pelikulang kalahok sa MMFF hanggang sa Ene. 13, 2022.

Nagkaayos na matapos ang naging tampuhan sa pagitan ng mag inang sina Matet De Leon at Superstar Nora Aunor.

Kasunod ito nang balitang magkakompitensya ang mag ina kung saan, Gourmet Tuyo ang negosyong hawak ni Nora habang tinapa business naman ang pinapatakbo ni Matet.

Sa youtube live ni Matet noong Sabado, kaniyang iginiit na nagkaayos na sila ng kaniyang ina at wala nang tampuhan sa kanilang dalawa.

Ayon kay Matet, si Nora ang mismong lumapit sa kaniya para makipag-ayos kung saan, matapos ang bagong taon ay nag-chat sa kaniya ang kaniyang ina.

Iginiit naman ni Matet na normal lang sa pamilya ang magkatampuhan pero maraming posibleng kahihinatnan ang pagkakaroon ng galit at hinanakit sa sarili.

Dumalo sina Kyline Alcantara at Kapamilya singer-actor Darren Espanto sa birthday party ng kambal na sina Cassy at Mavy Legazpi.

Ito’y matapos ibinahagi sa instagram posts ni Carmina Villarroel ang mga larawan ng kanilang pamilya kasama sina Kyline at Darren kalakip ang pagbati nito sa mga anak.

Mababatid na nali-link si Mavy kay Kyline habang si Darren naman kay Cassy.  —sa panulat ni Jenn Patrolla