Tiniyak ng Bureau of Quarantine ang mahigpit na pagbabantay sa mga paliparan at pantalan sa bansa upang di makapasok ang zika virus.
Ayon kay Bureau of Quarantine Deputy Director Ferchito Avelino, mahigit na dumadaan sa screening ang mga pasaherong galing sa mga bansang Singapore, Malaysia, Indonesia at Thailand na posibleng magdala ng sakit na zika.
Kasabay nito nanawagan ang Bureau of Quarantine sa lahat ng aalis sa bansa na panatalihing malusog ang pangangatawan at ligtas sa zika.
Mahalaga din anila para sa mga nagsisipag-uwing Overseas Filipino Workers (OFWs) na sagutan ang health declaration checklist upang ma-trace ng pamahalaan ang mga posibleng mahawaan o nahawaan ng isang taong may zika.
By Ralph Obina
