Aabot sa 10 volcanic earthquakes ang naitala sa Bulusan Volcano sa nakalipas na 24 oras.
Ayon sa PHIVOLCS, nananatiling nakataas ang alert level 1 sa bulkan na nangangahulugang nasa low-level unrest ito, ngunit posible ang biglaang steam-driven o phreatic eruptions.
Nagbuga rin ang bulkan ng plumes na umabot sa 500 metro ang taas at naglabas ng 4,627 tonelada ng sulfur dioxide noong Hunyo 12.
Patuloy na pinapaalahanan ng ahensya ang publiko na bawal pa rin ang pagpasok sa 4-kilometer-radius permanent danger zone.
