Tatlumpung (30) porsyento ang itinaas sa ng mga high value target na naaresto ng Philippine Drug Enforcement Agency o PDEA para sa taong 2015.
Ayon sa pdea, aabot sa 1,821 ang kanilang naarestong high value target noong isang taon kumpara sa 1,402 noong 2014.
Kinabibilangan anila ito ng mga halal na opisyal gayundin ng mga kawani ng gobyerno, law enforcers, foreign nationals o kilalang personalidad na sangkot sa operasyon ng iligal na droga.
Kasama rin dito ang mga miyembro ng kilabot na drug group, armadong grupo at mga wanted na criminal.
By Jaymark Dagala