Pumalo na sa mahigit 5,400 ang bilang ng mga pasaherong nasebisyohan ng libreng sakay sa mga bus ng philippine Coast Guard (PCG) sa National Capital Region (NCR).
Kasunod ito ng pagsisimula ng naturang programa noong Disyembre a-20 na tatagal nalang hanggang ngayong araw, Enero a-6.
Ang biyahe ng libreng sakay ay nagsisimula tuwing alas-singko ng hapon hanggang alas-diyes ng gabi mula PITX papuntang Monumento at vice versa.
Layunin nitong matulungan ang mga mag-aaral at mga komyuter na kinakailangang bumiyahe araw-araw para sa kanilang trabaho.
