Halos 75% ang itinaas ng mga pasahero stranded sa mga pantalan matapos ang hagupit ng bagyong Odette.
Ipinabatid ito ng Philippine Coast Guard (PCG) kung saan tumaas ng 74% ang mga inbound passenger na nasa halos 60,000 na at 62% naman ang outbound passengers o mahigit 60,000 sa mga pantalan sa bansa.
Samantala, halos 800 barko at 700 bangka ang ininspeksyon ng coast guard bilang bahagi ng Oplan Biyaheng Ayos: Pasko 2021 ng Department of Transportation (DOTr).
Una nang itinaas ng coast guard sa heightened alert ang mga nasasakupan nito mula December 16, 2021 hanggang January 5, 2022 para maayos ang inaasahang pagdagsa ng mga pasahero sa mga pantalan sa lalawigan.