Inihayag ni Dr. Ranjit Rye na wala sa kamay ng OCTA research ang pagpapatupad ng lockdown.
Nilinaw ni Rye na ang OCTA research ay isang pribadong organisasyon na nagsasagawa ng research tungkol sa COVID-19.
Aniya, ang desisyon sa pagpapatupad ng lockdown ay nasa kamay ng local at national government.
Hindi rin aniya tamang sabihin na ang OCTA ay responsable sa desisyon ng gobyerno.
Sinabi pa ni Rye na sa pagpapatupad ng lockdown ay dapat ding ikonsidera ang ekonomiya.—sa panulat ni Hyacinth Ludivico
