Muling nagpatupad ng shellfish ban sa 11 baybaying dagat ang Bureau of Fisheries and Aquatic Resources o BFAR sa Visayas matapos magpositibo sa red tide toxins ang mga nasuring sample na mga lamang dagat.
Kabilang sa mga apektado ng red tide ay ang mga baybayin ng Biliran, Calubian, Leyte, Gigantes Islands sa Iloilo, Carigara Bay sa Leyte; Dauis at Tagbilaran City sa Bohol; Cambatutay Bay at Daram Island sa Western Samar.
Tiniyak naman ni BFAR Director Eduardo Gongona na patuloy ang kanilang monitoring sa mga apektadong lugar para maiwasang makabili at makakain ang mga residente ng mga shellfish na apektado ng red tide.
Muling umapela ang BFAR sa mga residente ng mga apektadong lugar ba iwasan na mag-hango, magbenta, bumili at kumain ng lahat ng uri ng shellfish tulad ng tahong, talaba at tulya.
By: Drew Nacino