Kapwa pabor sina Labor Secretary Silvestre Bello lll at Foreign Affairs Secretary Teddy Boy Locsin na payagan nang makabalik ang mga OFW’s sa China, Hong Kong at Macau.
Ayon kay Bello, tumutol rito si Health Secretary Francisco Duque III kaya’t nagkaroon sila ng negosasyon na kapag bumuti ang sitwasyon sa susunod na dalawang linggo ay papayagan na ring makaalis ang mga OFW’s.
Sinabi ni Bello na maaari namang manuluyan sa OWWA ang mga istranded na OFW’s hanggang sa umayos ang sitwasyon.
