Nilinaw ng Provincial Disaster Risk Reduction and Management Office (PDRRMO) ng Batanes na hindi nila isinasara sa mga turista ang buong lalawigan sa kabila nang pagtama ng lindol sa bayan ng Itbayat.
Ayon kay Batanes PDRRMO Head Roldan Esdicul, welcome pa rin sa kanilang lalawigan ang mga turista lalo na’t ang bayan lang naman ng Itbayat ang labis na naapektuhan.
Wala aniya silang kinanselang booking ng mga turista na nais pumasyal sa lalawigan sa kabila ng lindol bagamat mahigpit nilang tinututukan ang kaligtasan ng mga ito.
