Sugatan ang mahigit dalawampung (20) pasahero makaraang bumangga ang sinasakyan ng mga ito na fastcraft sa isang pantalan sa Bacolod City.
Ayon kay Coast Guard Spokesperson Capt. Arman Balilo, galing sa Iloilo City ang Ccean Jet 7 at padaong na sana ito sa pier ng Bacolod nang bumangga ito.
Kwento ng kapitan ng barko na si Capt. Sergio Alcibar, nasa limampung (50) metro ang layo ng barko mula sa pier ng magkaroon ito ng ‘malfunction’ na sinundan pa ng ‘speed acceleration’ dahilan para ito ay bumangga.
Sa ngayon ay nakalabas na ng hospital ang dalawamput anim (26) na nasaktang pasahero dahil minor injury lamang ang natamo ng mga ito.
