Narekober na ang bangkay ng isa sa mga Vietnamese national na bihag ng bandidong grupo na Abu Sayyaf sa Sitio Kasulutan Barang Bub-bus sa Jolo, Sulu.
Kinilala ang bihag na si Pham Minh Tuan na kapitan ng MV Royal 16 cargo ship.
Ayon kay Autonomous Region in Muslim Mindanao o ARMM Police Director Chief Superintendent Graciano Mijares posibleng dinala ang katawan ni Tuan sa Jolo para malito ang mga awtoridad.
Sinasabing pinaslang si Tuan ng abu SAYYAF na pinamumunuan ni Indang Susukan matapos maka-engkwentro ang 41st Infantry Battalion noong September 7.
Nakatakdang dalhin sa Vietnamese Embassy ang labi ni Tuan para iturn-over sa mga awtoridad ng Vietnam.
Kabilang si Tuan sa anim na mga crew members ng MV Royal 16 na dinukot ng bandidong grupo noong November 11, 2016.
—-