Patay ang tatlong miyembro ng Abu Sayyaf matapos ang isang engkwentro sa militar sa bayan ng Panamao sa Sulu.
Kinilala ang mga napatay na sina Peping Jamalu, bayaw ni Radulan Sahiron, Aldi Abtahi na anak ni Amlon na isang sub-leader at si Nelson Rajak.
Ayon kay Brigadier General Cirilito Sobejana nagsagawa sila ng operasyon matapos makatanggap ng ulat mula sa mga opisyal ng lokal na pamahalaan at sa mga residente ng lugar kaugnay sa kinaroroonan ng Abu Sayyaf.
Dito nakasagupa ng mga miyembro ng Marine Battalion Landin Team 3 ang nasa dalawampung (20) bandido mula sa grupo ni Sahiron.
Isang M-16 rifle at isang kalibre kwarenta’y singkong baril ang narekober mula sa mga bandido.
—-
