May bago nang Executive Director ang Public – Private Partnership o PPP Center of the Philippines.
Ito’y makaraang hirangin ni Pangulong Benigno Aquino III si Atty. Andre Raj Palacios bilang kapalit ng nagbitiw na si Cosette Canilao.
Bago italaga, nagsilbi muna si Palacios bilang technical adviser para sa PPP Center mula pa noong Enero ng nakalipas na taon.
Nanilbihan din si Palacios bilang General Counsel ng Millennium Challenge Account Philippine at Asst. Sec. ng Office of the Chief Presidential Legal Counsel mula Marso 2003 hanggang Mayo ng 2004.
Sinasabing dalubhasa rin si Palacios sa international at corporate law at pang-lima sa mga topnotchers sa abogasya mula sa Unibersidad ng Pilipinas.
By Jaymark Dagala
