Author

Krystine Belen

DWIZ 882

Alagang aso, may pasalubong na buong lechon manok para sa kanyang pamilya!

Hindi malaman ng netizen na si Nick Hendrickson Labajo ang mararamdaman nang makita ang kakaibang pasalubong para sa kanya ng alagang shih tzu.

Mayroon kasi itong dalang buong lechon manok!

Sa isang social media post, ibinahagi ni Nick na palaisipan sa kanila kung saan nanggaling ang mainit-init pang manok at kung paano ito nakuha ng kanyang aso.

Agad namang nag-viral ang naturang post kung saan maraming netizen ang kinagiliwan ang sorpresa ng aso para sa kanyang amo.

Ikinatuwa ng mga netizen ang tila pagiging mapagbigay ng aso. Anila, ipinakita ng simpleng kilos na ito ang pagmamahal ng aso sa kanyang pamilya.

Bilib naman ang iba sa diskarte ng aso na pabiro nilang tinatawag na “provider” ng pamilya.

Gayunman, marami rin ang nagpaalala sa may-ari na ingatan ang aso at huwag itong hayaang lumabas mag-isa.

Hanggang ngayon, isang malaking misteryo pa rin kung paano naiuwi ng aso ang lechon manok na tila kakaluto pa lamang. Nanawagan naman si Nick sa posibleng may-ari ng lechon manok na makipag-ugnayan sa kanya upang palitan ito.

Nakakatawa man ang pangyayari, naipakita nitong tunay ngang kahanga-hanga ang likas na pagiging matalino at mapagbigay ng mga alaga nating aso.

July 15, 2024 0 comment

INTERNATIONAL NEWS

Galit na estudyante sa China, nanuntok ng propesor sa kanyang graduation; ang insidente, na-hulicam

written by Krystine Belen

Tuwing araw ng pagtatapos, saya ang nangingibabaw na emosyon sa mga estudyante.

Ngunit sa halip na saya, galit ang naramdaman ng Taiwanese student na si Hsia mula sa Fudan University sa Shanghai, China.

Pag-akyat niya kasi sa entablado upang kumuha ng diploma, bigla niyang sinuntok ang isa sa kanyang mga propesor!

Sa viral video, makikitang nakahilera sa entablado ang mga propesor na haharap sa graduates.

Maayos namang nagsimula ang seremonya, ngunit pagtungtong ni Hsai sa entablado, sinalubong ng malakas na suntok ang ikalawang propesor.

Agad na isinugod ang propesor sa ospital dahil sa natamong minor injuries.

Dinakip naman ng mga pulis ang estudyante para sa interogasyon.

Ayon sa ulat, nakasama si Hsai sa shortlist para sa master’s degree program ng Peking University Health Science Center. Sa kasamaang palad, hindi siya natuloy rito dahil sinabi ng unibersidad sa isinasailalim pa siya sa ideological and moral assessment.

Ang hinala ng ilan, ang dean talaga ang target na saktan estudyante at napagkamalan lamang nito ang biktimang propesor.

Batay pa sa social media posts ni Hsai, ayaw niya mag-aral sa Shanghai at pinilit lamang siya ng kanyang mga magulang. Ayon sa mga estudyante, posibleng nagtanim siya ng sama ng loob dahil hindi siya makaalis-alis sa unibersidad.

Kasalukuyang iniimbestigahan ng Fudan University ang insidente.

July 12, 2024 0 comment

FEATURES NATIONAL NEWS

Airport cleaner, isinauli ang napulot na bag na may lamang P50K

written by Krystine Belen

Pinuri ng Civil Aviation Authority of the Philippines (CAAP) ang katapatan at professionalism ng isang tagalinis ng airport sa Misamis Oriental.

Hindi kasi ito nagdalawang-isip na isauli ang napulot na bag na naiwan sa Laguindingan Airport.

Ang nasabing bag, may laman palang P50,000!

Batay sa ulat, naiwan sa arrival area ng paliparan ang bag bandang alas siyete ng umaga.

Nang makita ng airport cleaner na si Joshua Bustamante ang bag, agad niya itong ipinagbigay-alam sa pamunuan ng paliparan upang mahanap ang may-ari nito.

Nakuha naman ng babaeng may-ari ng bag ang kanyang gamit at pera makalipas ang halos dalawang oras.

Ayon kay CAAP Area Center 10 Manager Engr. Job De Jesus, ipinakita ni Joshua ang pinakamataas na pamantayan ng katapatan at paglilingkod na itinataguyod ng kanilang ahensya.

Likas na matapat at mabuti ang mga Pilipino, ngunit sa kasamaang palad, hindi natin ito napahahalagahan at unti-unti itong nawawala.

Gayunman, may mga taong katulad ni Joshua na pinipiling gumawa ng mabuti at magpakita ng integridad na dapat nating tularan sa pang-araw araw nating buhay.

July 12, 2024 0 comment

HEADLINES

P28 billion na tulong pinansyal, serbisyo, ipinamahagi ng Marcos admin sa Southern Tagalog

written by Krystine Belen

Halos P28 billion na halaga ng tulong pinansyal at serbisyo ang ipinamahagi ni Pangulong Ferdinand Marcos Jr. sa Timog Katagalugan.

Sa kanyang talumpati sa Cavite, sinabi ni Pangulong Marcos na naglabas ang administrasyon ng P9.9 billion para sa Philippine Rural Development Plan na magsusulong sa moderno at climate-smart agriculture at fishery sector sa rehiyon.

Namigay naman ang Department of Social Welfare and Development (DSWD) ng P11.23 billion na ayuda para sa mga benepisyaryo ng Pantawid Pamilyang Pilipino Program (4Ps), senior citizens, at iba pang lubos na nangangailangan; habang nagkaloob ang Technical Education and Skills Development Authority (TESDA) ng mahigit P28 million na halaga ng scholarship.

Dagdag pa rito, nagpaabot ng tulong ang Department of Trade and Industry (DTI), Commission on Higher Education (CHED), at iba pang ahensya ng pamahalaan sa rehiyon.

July 12, 2024 0 comment

RONDA PROBINSYA

PEF, nanawagan sa pamahalaan na tumulong sa pagprotekta sa Philippine Eagle kasunod sa pagkamatay ng isang agila sa Davao de Oro

written by Krystine Belen

Kasunod sa pagkamatay ng isang Philippine Eagle ilang oras lamang matapos itong sagipin sa Compostela, Davao de Oro, nanawagan ang Philippine Eagle Foundation (PEF) sa pamahalaan na magpatupad ng mas mahigpit na mga hakbang sa pagprotekta sa mga agila.

Batay sa imbestigasyon, posibleng nasugatan ang naturang agila matapos barilin ng holen.

Namatay ito makalipas ng ilang oras dahil sa severe blood loss.

Ayon sa ulat, kabilang ang air gun sa mga karaniwang ginagamit na pambaril sa mga agila.

Ikinalungkot naman ni PEF Director for Operations Dr. Jayson Ibañez ang insidente at sinabing sa kabila ng kanilang pagsisikap na alagaan ang critically endangered na Philippine Eagle, patuloy pa rin silang nasasangkot sa karahasan.

Hinihikayat naman ng PEF ang mga lokal na pamahalaan na magpatupad ng mga ordinansa na magkokontrol sa pagmamay-ari ng air guns sa mga teritoryo ng agila.

July 11, 2024 0 comment

FEATURES INTERNATIONAL NEWS

Lalaki sa China, nahuling nagpupuslit ng mahigit 100 ahas sa kanyang pantalon!

written by Krystine Belen

Isang lalaki ang hinarang ng custom officers sa immigration control point sa pagitan ng Hong Kong at Shenzhen, China.

Nang inspeksyunin ang lalaki, dito tumambad sa mga awtoridad ang higit 100 buhay na ahas na nakatago sa kanyang pantalon!

Ayon sa ulat ng China Customs, sinubukan ng lalaki na makalusot sa border ng Shenzhen mula sa Hong Kong upang ipuslit ang iba’t ibang uri ng ahas.

Inilagay ng lalaki ang mga ahas sa sealed drawstring bags at isiniksik ito sa mga bulsa ng kanyang pantalon.

Karamihan sa mga narekober na ahas ay non-native species o hindi likas na matatagpuan sa China, katulad ng milk snakes at corn snakes.

Hindi na bago sa custom officers sa China ang ganitong modus.

Noong nakaraang taon, isang babae ang hinarang ng mga awtoridad dahil sa kakaibang hugis ng kanyang dibdib. Nang suriin, nadiskubreng may mga buhay na ahas palang nakaipit sa kanyang bra!

Ilang araw lamang bago ang insidenteng ito, isang lalaki naman ang nahulihan ng anim na ahas na ibinalot sa isang medyas.

Isa ang China sa pinakamalaking animal trafficking hubs sa mundo. Dahil dito, mahigpit nilang ipinatutupad ang kanilang biosecurity and disease control laws at sinisikap na sugpuin ang ilegal na kalakalan ng mga hayop.

Mahalagang tandaan na ang pagpasok ng mga hayop na hindi likas sa isang lugar ay magdudulot ng malubhang pinsala sa kalikasan. Sa pamamagitan ng striktong regulasyon at pagpapatupad sa mga batas kaugnay rito, maiiwasan ang malalang epektong nito.

July 11, 2024 0 comment

FEATURES

Engineering student, nagbebenta ng pastil para sa kanyang pag-aaral

written by Krystine Belen

Saan aabot ang P10 mo?

Sa Quezon City, makabibili ka na ng ulam at kanin, makatutulong ka pa sa pag-aaral ni Yuan Aaron Villamil!

Viral ngayon sa social media ang “Pastil Journey” ni Yuan, isang incoming 2nd year college na nag-aaral ng kursong Civil Engineering.

Pumasok si Yuan sa isang private college bilang scholar.

Gayunman, 1st sem pa lamang ay nawalan na siya ng scholarship dahil bumagsak siya sa isang subject na kinuha niya noong kasagsagan ng pandemya.

Sa kasamaang palad, hindi na siya nakapag-aral sa sumunod na school year dahil may balance pa siya sa kanyang tuition fee.

Huminto muna siya sa pag-aaral upang magtrabaho, hanggang sa naisipan ng kanyang tiyo na magbenta sila ng pastil sa halagang P10. Kumita siya rito ng P150 kada araw.

Sa kalaunan, naisipan ni Yuan na simulan ang kanyang sariling negosyong, “Pastil for My Tuition” upang matulungan na rin ang kanyang ina na isang single parent.

Alas sais pa lamang ng umaga, inihahanda na niya ang ibebentang pastil. Kada araw, nakauubos siya ng 100 servings.

Naging mabunga ang pagsisikap ni Yuan dahil kamakailan lang, nabayaran na niya ang balance sa kanyang tuition fee. Nakabili na rin siya ng laptop na magagamit niya sa pasukan.

Sa ngayon, nagbebenta pa rin siya ng pastil at iniipon niya ang kinikita rito para naman sa kanyang allowance.

Tunay ngang naging inspirasyon si Yuan sa maraming kabataan. Naging patunay siya na sa pamamagitan ng sipag at tiyaga, makakaya nating abutin anuman ang ating ninanais.

July 11, 2024 0 comment

NATIONAL NEWS

Agarang pagtatapos ng TPLEX extension project, hiniling ni PBBM

written by Krystine Belen

Hiniling ni Pangulong Ferdinand Marcos Jr. ang agarang pagtatapos ng unang bahagi ng Tarlac-Pangasinan-La Union Expressway (TPLEX) extension project na pinondohan ng mahigit P23 billion.

Sa presentasyon ng nilagdaang concession agreement para sa 59.4-kilometer four-lane toll road, ibinahagi ni Pangulong Marcos na mas bibilis ang paglago sa Luzon sa tulong ng proyekto.

Ayon sa pangulo, mababawasan na ang oras ng biyahe sa pagitan ng Rosario at San Juan sa La Union sa 40 minuto, mula sa kasalukuyang isa’t kalahating oras.

Aniya, makatutulong din ito sa paglikha ng mas maraming trabaho at oportunidad para sa mga Pilipino.

Bukod rito, inaasahang dadami ang mga turista dahil sa TPLEX extension project.

Ani Pangulong Marcos, “In turn, I appeal to San Miguel Holdings Corporation to complete the TPLEX Extension Segment 1 by 2028 and all other sections as scheduled; to ensure that every person involved in this project—whether in the office or in the construction zone—will work with determination and integrity, day in and day out.”

July 11, 2024 0 comment

FEATURES NATIONAL NEWS

Lalaking kakagraduate pa lamang, agad na dumeretso sa sakahan upang pasalamatan ang kanyang lolo at lola

written by Krystine Belen

Mula pa noon, nagsilbi na bilang magulang para kay Jay Mark Espartero ang kanyang lolo at lola.

Kaya naman matapos ang kanyang pinakahihintay na graduation, agad siyang nagtungo sa sakahan, kahit suot pa ang kanyang toga, upang yumakap at magbigay-pugay sa kanyang mga pinakamamahal.

Siyam na buwang gulang pa lamang si Jay Mark nang iwan ng kanyang mga magulang sa pangangalaga ng kanyang lolo at lola sa Governor Generoso, Davao Oriental.

Kwento ng binata, naranasan niya dating pumasok sa paaralan nang walang baon. Nahirapan ding makapagbayad ang kanyang lolo at lola para sa kanyang exam.

Kaya pangako niya sa sarili, magtatapos siya ng pag-aaral at maghahanap ng magandang trabaho para sa kanyang pamilya.

At ngayon, unti-unti nang natutupad ang mga pangarap ni Jay Mark dahil nagtapos na siya sa kursong Bachelor of Science in Business Administration, Major in Financial Management sa Davao Oriental State University kamakailan.

Sa kasamaang palad, hindi nakadalo sa graduation ang kanyang lolo at lola dahil hirap na silang bumiyahe.

Gayunman, sila ang unang hinanap ni Jay Mark pagkauwi nito. Nang malamang nasa sakahan ang kanyang lolo at lola, agad siyang pumunta rito, hindi alintana ang putik at ang suot niyang toga, upang magpasalamat sa kanilang pagsisikap at sakripisyo para makapagtapos siya ng pag-aaral.

Mensahe ni Jay Mark para sa mga katulad niyang nakararanas ng hirap, hindi hadlang ang mga pagsubok upang makamit ang pangarap; basta’t magpursigi lamang hanggang sa maging matagumpay.

July 10, 2024 0 comment

NATIONAL NEWS

‘Build Better More’ infrastructure program ni PBBM, suportado ng SteelAsia

written by Krystine Belen

Pinangunahan ni Pangulong Ferdinand Marcos Jr. ang inagurasyon ng “Compostela Works” ng SteelAsia Manufacturing Corp. sa Brgy. Poblacion, Compostela, Cebu.

Sa kanyang talumpati, pinuri ni Pangulong Marcos ang SteelAsia sa muling pagbuhay nito sa industriya ng bakal at sa paglikha ng mas maraming trabaho para sa mga Pilipino.

Ang Compostela Works ng SteelAsia ang pinakamalaking planta ng bakal sa bansa.

Kapag fully operational na, magkakaroon ito ng taunang production capacity ng isang milyong toneladang “rebar” o reinforcement bar, isang uri ng steel bar na ginagamit sa concrete construction.

Tiniyak naman ng SteelAsia ang kanilang suporta sa “Build Better More” infrastructure program ni Pangulong Marcos na magsusulong sa paglago ng ekonomiya.

July 10, 2024 0 comment

Newer Posts

Older Posts