Naniniwala ang Department of Tourism na kailangan ng mas maraming flight, mas maayos na koneksyon sa mga destinasyon, at dagdag na pamumuhunan para mapalakas ang turismo sa Pilipinas.
Ayon kay Tourism Secretary Dita Angara-Mathay, mahalagang ambag sa ekonomiya ang turismo, ngunit hindi pa rin naaabot ng bansa ang target nitong bilang ng mga turista.
Gayunman, nakikipag-ugnayan na anya ang DOT sa mga airport authority, airline, at airport operators upang makahanap ng paraan para mapababa ang airfare, makapagbukas ng mas maraming ruta at flight, at makahikayat ng mas maraming dayuhang turista.
Kabilang din sa mga pinag-aaralan ng ahensya ang pagbibigay ng insentibo sa mga airline at iba pang hakbang upang mapabuti ang accessibility ng mga destinasyon sa bansa. | mula sa panulat ni Jordan Gutierrez
